ຕາມ​ຂ່າວ CRI: ວັນ​ທີ 10 ກຸ​ມພາ​ນີ້, ທ່ານນາງ​ຊີ​ພີ ລິ​ບນີ ລັດຖະມົນ​ຕີ​ວ່າ​ການ​ກະ​ຊວງ​ການ​ຕ່າງປະ​ເທດ​ອິສຣາ​ແອນ​ກ່າວ​ວ່າ, ອິສຣາ​ແອນ​ຈະ​ບໍ່​ເຫັນ​ດີ​ສ້າງຕັ້ງປະ​ເທດ​ປາ​ເລັສ​ຕິນ​ທີ່​ກວມ​​ເອົາ​ເຂດ​ກາຊາ ​ເຊິ່ງ​ແມ່ນ​ກຸ່ມ​ຮາ​ມັສຄວບ​ຄຸມ​, ​ເວັ້ນ​ເສຍ​ແຕ່​ເຂດ​ກາ​ຊາ​ບໍ່​ເກີດ​ການ​ຫຼອນ​ໂຈມຕີ​ກໍ່​ການ​ຮ້າຍ​ທີ່​ແນ​ໃສ່​ອິສຣາ​ແອນ​ອີກ.

​ໃນມື້​ນັ້ນ ທ່ານນາງ​ຊີ​ພີ ລິບ​ນີ​ໄດ້​ກ່າວ​ຢູ່​ທີ່​ເຢຣູຊາ​ເລັມ​ວ່າ, ວັນ​ທີ 9 ກຸມພາ​ນີ້ ຢູ່​ເຂດ​ກາ​ຊາ​, ກອງ​ປະກອບ​ອາວຸດ​ປາ​ເລັສຕິນ​ໄດ້​ຍິງ​ຈະ​ຫຼວດ​ໂຈມ​ຕີ​ອິສຣາ​ແອນ ພາ​ໃຫ້​ເດັກ​ນ້ອຍ​ອິສຣາ​ແອນ​ຖືກ​ບາດ​ເຈັບ, ນີ້​ແມ່ນ​ເຫດການ​ລອບ​ສັງຫານ​ທີ່​ວາງ​ແ​ຜນມາ​ກ່ອນ. ທ່ານ​ນາງ​ລີບ​ນີກ່າວ​ວ່າ, ບໍ່​ມີ​ສາ​ເຫດ​ໃດໆ​ສາມາດ​​ແກ້ຕົວ​ໃຫ້​ແກ່ການ​ກະທຳ​ກໍ່​ການ​ຮ້າຍ, ຊູ່​ມື້​ນີ້ ​ເຂດ​ກາ​ຊາ​ໄດ້​ກາຍ​ເປັນ​ບັນຫາ​ໃຫຍ່ທີ່​ທຸກໆ​ຄົນ​ທີ່​ສະ​ແຫວ​ງຫາ​ສັນຕິພາບ​ຕ້ອງ​ປະ​ເຊີນ, ສະ​ນັ້ນ ​ເຂດ​ດັ່ງ​ກ່າວ​ຈະ​ບໍ່​ສາມາດ​ກາຍ​ເປັນ​ພາກສ່ວນ​ໜຶ່ງ​ຂອງ​ປະ​ເທດ​ປາ​ເລັສ​ຕິນ​​ໄດ້​ໃນ​ອະ​ນາ​ຄົດ​ຈົນ​ເທົ່າ​ໃດໆ.

ວັນ​ທີ 9 ກຸມພາ​ນີ້ ກຸ່ມ​ປະກອບ​ອາວຸດ​ປາ​ເລັສຕິນ​ໄດ້​ຍິງ​ຈະ​ຫຼວດ 10 ກວ່າ​ລູກ​ໃສ່​ເມືອງ​ສະ​ເດຣົດ ​ ​ທາງພາກ​​ໃຕ້ອິສຣາ​ແອນ, ພາ​ໃຫ້​ເດັກນ້ອຍ​ສອງ​ຄົນ​ບາດ​ເຈັບ, ​ໃນ​ນັ້ນ​ເດັກ​ນ້ອຍ​ຜູ້​ໜຶ່ງຈຳ​ຕ້ອງ​ຕັດ​ຂາ​ຍ້ອນ​ບາດ​ເຈັບ​ໜັກ.