|
ຕາມຂ່າວສານຊິນຮວາ: ວັນທີ 13 ກຸມພານີ້, ເຈົ້າໜ້າທີ່ພະແນກວັດຖຸບູຮານແຂວງກ່ານຊູ້ຂອງຈີນໄດ້ເຜີຍໃຫ້ຮູ້ວ່າ, ຈີນເລີ່ມດຳເນີນໂຄງການອະນຸລັກຖ້ຳມໍ້ກ່າວເມືອງຕຸ່ນຫວງ ເຊິ່ງເປັນໂຄງການອະນຸລັກໃຫຍ່ກວ່າໝູ່ໃນປະຫວັດສາດ, ຈະໃຊ້ງົບປະມານ 261 ລ້ານຢວນ.
ໂຄງການອະນຸລັກແລະນຳໃຊ້ຖ້ຳມໍ້ກ່າວເມືອງຕຸ່ນຫວງລວມທັງສິ່ງກໍ່ສ້າງອະນຸລັກແລະນຳໃຊ້ ປັບປຸງຜາໃຫ້ໝັ້ນຄົງ ປ້ອງກັນລົມແລະດິນຊາຍ ແລະປ້ອງກັນຄວາມປອດໄພດ້ານອື່ນໆ. ໃນນັ້ນ ພາຍຫຼັງສິ່ງກໍ່ສ້າງອະນຸລັກແລະນຳໃຊ້ສ້າງສຳເລັດແລ້ວ, ຈະເຄື່ອນຍ້າຍວັດຖຸບູຮານອອກຈາກຖ້ຳ, ຫຼຸດເວລາຂອງນັກທ່ອງທ່ຽວຢູ່ໃນຖ້ຳ, ແກ້ໄຂຄວາມຂັດແຍ່ງກັນລະຫວ່າງການອະນຸລັກຖ້ຳມໍ້ກ່າວກັບການນຳໃຊ້ຈາກດ້ານກົກຮາກ.
ເມືອງຕຸ່ນຫວງຕັ້ງຢູ່ແຂວງກ່ານຊູ້ ທາງພາກຕາເວັນຕົກສຽງເໜືອຂອງຈີນ, ນັບແຕ່ສະຕະວັດທີ 4 ເປັນຕົ້ນມາ, ຢູ່ເມືອງຕຸ່ນຫວງໄດ້ເລີ່ມຂຸດຖ້ຳສະຫຼັກພະພຸດທະຮູບຢ່າງຕໍ່ເນື່ອງ. ປັດຈຸບັນ ຖ້ຳມໍ້ກ່າວໃນເມືອງຕຸ່ນຫວງມີ 735 ຖ້ຳ, ມີຮູບປັ້ນພະພຸດທະເຈົ້າສີ 2000 ກວ່າອົງ, ຮູບແຕ້ມຝາພະໜັງ 4 ໝື່ນ 5000 ຕາແມັດ, ເມື່ອປີ 1987 ໄດ້ຖືກຈັດເຂົ້າໃນບັນຊີລາຍຊື່ມໍລະດົກວັດທະນະທຳໂລກ.
|
