|
ຕາມຂ່າວ CRI: ໃນກອງປະຊຸມຂ່າວທີ່ຈັດຂຶ້ນຢູ່ທີ່ປັກກິ່ງໃນວັນທີ 14 ກຸມພານີ້, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ປະຊາຊົນຈີນຈະອອກແຮງຮ່ວມມືກັບສິລະປິນ ຜູ້ມີປັນຍາແລະມີຄວາມສາມາດໃນໂລກ, ເພື່ອຈັດພິທີເປີດງານກິລາໂອລິມປິກອັນຍອດຢ້ຽມໃຫ້ປະຊາຊົມໂລກຊົມເບິ່ງ.
ຫວ່າງມໍ່ໆນີ້, ມີສິລະປິນຕ່າງປະເທດບາງຄົນໄດ້ລາອອກຈາກຕຳແໜ່ງທີ່ກ່ຽວຂ້ອງກັບງານກິລາໂອລິມປິກປັກກິ່ງ. ໃນເວລາຕອບຄຳຖາມຂອງນັກຂ່າວ, ທ່ານລິວຈ້ຽນຊ່າວກ່າວວ່າ, ຝ່າຍຈີນສະແດງຄວາມເສຍໃຈຕໍ່ເລື່ອງນີ້. ທ່ານກ່າວວ່າ, ວຽກງານກະກຽມດ້ານຕ່າງໆຂອງງານກິລາໂອ ລິມປິກປັກກິ່ງ ເຊິ່ງລວມທັງການກະກຽມພິທີເປີດງານພວມດຳເນີນໄປຢ່າງສະດວກ, ມວນມະນຸດຄົງຈະມີປັນຍາອັນພຽງພໍເພື່ອຈັດຕັ້ງງານກິລາໂອລິມປິກ.
ນອກນີ້, ທ່ານລິວຈ້ຽນຊ່າວຍັງກ່າວວ່າ, ປັກກິ່ງໃຫ້ຄວາມສຳຄັນໃນລະດັບສູງຕໍ່ວົງການພາຍນອກສົນໃຈນຳບັນຫາການຄົມມະນາຄົມ ຄຸນນະພາບຂອງອາກາດແລະອື່ນໆ, ເມື່ອເບິ່ງຈາກສະພາບໄລຍະມໍ່ໆມານີ້ຂອງນະຄອນຫຼວງປັກກິ່ງແລ້ວເຫັນວ່າ, ບັນຫາທີ່ກ່ຽວຂ້ອງໄດ້ຜ່ອນຄາຍລົງແລ້ວ. ຝ່າຍຈີນຈະປະຕິບັດຕາມຄຳໝັ້ນສັນຍາຂອງຕົນ, ຈັດງານກິລາໂອລິມປິກປັກກິ່ງໃຫ້ເປັນງານກິລາໂອລິມປິກທີ່ມີວິທະຍາສາດເຕັກນິກ ສີຂຽວແລະຍອດຢ້ຽມ.
|
