|
|
 |
| (GMT+08:00)
2008-02-18 15:17:11
|
 |
|
ທ່ານສະໝັກ ສຸນທໍລະເວດຖະແຫຼງນະໂຍບາຍຂອງລັດຖະບານຊຸດໃໝ່
cri
Author: cai
ຕາມຂ່າວCRI:ວັນທີ 18 ກຸມພານີ້,ໃນກອງປະຊຸມສະພາຜູ້ແທນລາຊະດອນ,ທ່ານສະໝັກ ສຸນທໍລະເວດ ນາຍົກລັດຖະມົນຕີໄທໄດ້ຖະແຫຼງນະໂຍບາຍຂອງລັດຖະບານປະສົມຫຼາຍພັກຊຸດໃໝ່.
ທ່ານສະໝັກກ່າວວ່າ,ນະໂຍບາຍຂອງລັດຖະບານຊຸດໃໝ່ຖືການສ້າງປະເທດຊາດໃຫ້ກົມກຽມກັນແລະການເພີ່ມກຳລັງແຮງທາງເສດຖະກິດເປັນຫຼັກການພື້ນຖານສອງປະການ,ແບ່ງເປັນສອງພາກສ່ວນ,ຄື:"ນະໂຍບາຍໄລຍະສັ້ນ"ທີ່ຕ້ອງປະຕິບັດພາຍໃນ 1 ປີແລະນະໂຍບາຍໄລຍະຍາວທີ່ຈະປະຕິບັດພາຍໃນ 4 ປີຂ້າງໜ້ານີ້.ໃນນັ້ນ,ນະໂຍບາຍໄລຍະສັ້ນມີ:ການຟື້ນຟູຄວາມສາມັກຄີແຫ່ງຊາດ ການແກ້ໄຂບັນຫາພວກຫົວຮຸນແຮງຢູ່ພາກໃຕ້ ການຕໍ່ຕ້ານການຄ້າຢາເສບຕິດ ການສະໜັບສະໜູນການພັດທະນາຂອງວິສາຫະກິດຂະໜາດກາງແລະນ້ອຍ ການຟື້ນຟູຄວາມໝັ້ນໃຈຂອງຜູ້ລົງທຶນແລະການແກ້ໄຂບັນຫາຄວາມທຸກຍາກແລະການປະກອບອາຊີບເປັນຕົ້ນ.
ທ່ານສະໝັກກ່າວວ່າ,ເພື່ອຊຸກຍູ້ໃຫ້ເສດຖະກິດພັດທະນາ,ໄທຈະກຳນົດເອົາປີ 2008 ແລະປີ 2009 ເປັນປີລົງທຶນແລະປີທ່ອງທ່ຽວ.
ຕາມແຜນ,ສະພາຜູ້ແທນລາຊະດອນຈະດຳເນີນການອະພິປາຍເປັນເວລາ 3 ມື້ຕໍ່ນະໂຍບາຍຂອງລັດຖະບານຊຸດໃໝ່.
|
|
|
