|
|
 |
| (GMT+08:00)
2008-02-18 15:28:42
|
 |
|
ຈີນແມ່ນປັດໄຈສຳຄັນໃນການເຮັດໃຫ້ລາຄາທັນຍາຫານຂອງໂລກໝັ້ນທ່ຽງ
cri
Author: cai
ຕາມໜັງສືພິມ《ເຢີນມີນຢື້ປ້າວ》ສະບັບສຳລັບຕ່າງປະເທດ:ວັນທີ 18 ກຸມພານີ້,ທ່ານຕີ່ງເຊິ່ງຈຸ້ນ ນັກຄົ້ນຄວ້າຂອງສະຖາບັນຄົ້ນຄວ້າວິທະຍາສາດກົມທັນຍາຫານແຫ່ງຊາດຈີນກ່າວວ່າ,ຈີນແມ່ນປັດໄຈສຳຄັນໃນການເຮັດໃຫ້ລາຄາທັນຍາຫານຂອງໂລກໝັ້ນທ່ຽງ.
ໃນເວລາໃຫ້ສຳພາດຕໍ່ນັກຂ່າວ,ທ່ານຕີ່ງເຊິ່ງຈຸ້ນກ່າວວ່າ,ຫວ່າງມໍ່ໆນີ້,ບາງຫາງສຽງໃນສາກົນກ່າວວ່າ:ຈີນນຳເຂົ້າທັນຍາຫານຢ່າງຫຼວງຫຼາຍພາໃຫ້ລາຄາທັນຍາຫານຂອງໂລກແພງຂຶ້ນຫຼາຍ,ນີ້ແມ່ນຄວາມເຫັນທີ່ຜິດພາດແລະຝ່າຝືນສະພາບການສະໜອງກັບຄວາມຕ້ອງການດ້ານທັນຍາຫານຂອງຈີນ.ທ່ານຕີ່ງເຊິ່ງຈຸ້ນກ່າວວ່າ,ປະຈຸບັນ,ທັນຍາຫານສຳຮອງຂອງຈີນກວມ 35% ຂຶ້ນໄປໃນປະລິມານບໍລິໂພກທັນຍາຫານທົ່ວປະເທດໃນປີນັ້ນ,ສູງກວ່າເສັ້ນປອດໄພດ້ານທັນຍາຫານທີ່ສະເໜີໂດຍອົງການອາຫານແລະການກະເສດຂອງສະຫະປະຊາຊາດຫຼື FAO ຄື 17% ຫາ 18% ຢ່າງຫຼວງຫຼາຍ.ພ້ອມກັນນັ້ນ,ຈີນໄດ້ຮັກສາອັດຕາກຸ້ມຕົນເອງທາງດ້ານທັນຍາຫານທີ່ສູງເຖິງ 95% ຂຶ້ນໄປຕະຫຼອດມາ.
ທ່ານຕີ່ງເຊິ່ງຈຸ້ນກ່າວວ່າ,ແຕ່ລະປີ,ຈີນໄດ້ນຳເຂົ້າທັນຍາຫານຈຳນວນໜຶ່ງ.ນັບແຕ່ເດືອນມັງກອນຫາເດືອນພະຈິກປີ 2007,ຈີນໄດ້ສົ່ງອອກທັນຍາຫານ 9 ລ້ານ 1 ແສນ 5 ໝື່ນໂຕນ,ນຳເຂົ້າ 1 ລ້ານ 4 ແສນ 5 ໝື່ນໂຕນ,ທັນຍາຫານທີ່ນຳເຂົ້າມາເຫຼົ່ານີ້ຕົ້ນຕໍແມ່ນໃຊ້ເຂົ້າໃນການປັບປຸງແນວພັນ,ນີ້ເປັນເລື່ອງປົກກະຕິໃນປະເທດຕ່າງໆຂອງໂລກແລະການຄ້າຂາຍທັນຍາຫານ.ທ່ານກ່າວວ່າ,ພວກຂ້າພະເຈົ້າສາມາດເວົ້າຕໍ່ທົ່ວໂລກດ້ວຍຄວາມຮັບຜິດຊອບວ່າ:ຈີນບໍ່ພຽງແຕ່ບໍ່ແມ່ນຜູ້ຊຸກຍູ້ໃຫ້ລາຄາທັນຍາຫານຂອງໂລກແພງຂຶ້ນເທົ່ານັ້ນ,ແຕ່ຍັງແມ່ນປັດໄຈສຳຄັນທີ່ເຮັດໃຫ້ລາຄາທັນຍາຫານຂອງໂລກມີຄວາມໝັ້ນທ່ຽງ.
|
|
|
