|
|
 |
| (GMT+08:00)
2008-02-19 11:02:21
|
 |
|
ຫຼັກໝັ້ນຮອບດ້ານຂອງຈີນກ່ຽວກັບບັນຫາໂກໂຊໂວປະກາດເປັນເອກະລາດ
cri
ຕາມຂ່າວ CRI: ວັນທີ 18 ກຸມພານີ້, ໃນເວລາປະກອບຄຳຄິດຄຳເຫັນໃນກອງປະຊຸມສຸກເສີນກ່ຽວກັບບັນຫາໂກໂຊໂວຂອງສະພາຄວາມໝັ້ນຄົງສະຫະປະຊາຊາດ, ທ່ານວາງກວ່າງຢ້າ ຜູ້ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ບັນລະຍາຍຫຼັກໝັ້ນຂອງຝ່າຍຈີນຢ່າງຮອບດ້ານກ່ຽວກັບບັນຫາໂກໂຊໂວປະກາດເປັນເອກະລາດ.
ທ່ານວາງກວ່າງຢ້າກ່າວວ່າ, ໂກໂຊໂວໃຊ້ການເຄື່ອນໄຫວແຕ່ຝ່າຍດຽວ, ບໍ່ມີຜົນດີຕໍ່ການແກ້ໄຂຄວາມຂັດແຍ່ງລະຫວ່າງເຜົ່າຕ່າງໆຂອງອະດີດຢູໂກສະລາວີ, ບໍ່ມີຜົນດີຕໍ່ການບັນລຸເປົ້າໝາຍສ້າງສັງຄົມຢູ່ຮ່ວມກັນຫຼາຍຊົນເຜົ່າ, ກໍ່ບໍ່ມີຜົນດີຕໍ່ການຮັກສາສັນຕິພາບ, ສະຖຽນລະພາບແລະການພັດທະນາຂອງເຂດອະດີດຢູໂກສະລາວີ, ກົງກັນຂ້າມອາດຈະເຮັດໃຫ້ເຂດດັ່ງກ່າວເກີດການປະທະກັນແລະຄວາມສັບສົນວຸ້ນວາຍຄືນໃໝ່, ເກີດວິກິດການດ້ານມະນຸດສະທຳຢ່າງຮ້າຍແຮງ, ແລະສົ່ງຜົນສະທ້ອນດ້ານລົບໃຫ້ແກ່ເຂດບານກັງຈົນຮອດຂອບເຂດກວ້າງກວ່າເກົ່າ. ຈີນສະແດງຄວາມເປັນຫ່ວງຢ່າງເລິກເຊິ່ງຕໍ່ເລື່ອງນີ້.
ທ່ານວາງກວ່າງຢ້າກ່າວວ່າ, ຈີນສະໜັບສະໜູນແກ້ໄຂບັນຫາຖານະຂອງໂກໂຊໂວຢ່າງເໝາະສົມໂດຍຜ່ານການເຈລະຈາ, ຄັດຄ້ານການກະທຳທີ່ໃຊ້ການເຄື່ອນໄຫວແຕ່ຝ່າຍດຽວແລະແກ້ໄຂດ້ວຍວິທີແບບບັງຄັບ.
|
|
|
