|
|
 |
| (GMT+08:00)
2008-02-19 15:14:15
|
 |
|
ທ່ານຢາງເຈຍຊືພົບປະທ່ານກຳບາຣີ ທີ່ປຶກສາພິເສດຂອງເລຂາທິການໃຫຍ່ສະຫະປະຊາຊາດກ່ຽວກັບບັນຫາມຽນມາ
cri
Author: cai
ຕາມຂ່າວCRI:ວັນທີ 19 ກຸມພານີ້,ຢູ່ປັກກິ່ງ,ທ່ານຢາງເຈຍຊື ລັດຖະມົນຕີການຕ່າງປະເທດຈີນໄດ້ພົບປະກັບທ່ານອີບຼາຮິມ ກຳບາຣີ ທີ່ປຶກສາພິເສດຂອງເລຂາທິການໃຫຍ່ສະຫະປະຊາຊາດກ່ຽວກັບບັນຫາມຽນມາທີ່ມາຢ້ຽມຢາມຈີນ.
ທ່ານຢາງເຈຍຊືກ່າວວ່າ,ຈີນຫວັງໃຫ້ມຽນມາບັນລຸປະຊາທິປະໄຕແລະການພັດທະນາໂດຍໄວເທົ່າທີ່ຈະໄວໄດ້.ໃນເວລາທີ່ປະຊາຄົມໂລກໃຫ້ການຊ່ວຍເຫຼືອທີ່ມີລັກສະນະສ້າງສັນແກ່ມຽນມາ,ຄວນຍຶດໝັ້ນພາວະວິໄສ ຄວາມຍຸດຕິທຳ ສະເໝີພາບ ຮັກສາຄວາມອົດທົນແລະຄວາມໝັ້ນໃຈ,ເຮັດວຽກທີ່ມີຜົນດີຕໍ່ການຊຸກຍູ້ໃຫ້ຝ່າຍຕ່າງໆໃນມຽນມາເພີ່ມທະວີຄວາມໄວ້ເນື້ອເຊື່ອໃຈກັນດ້ວຍການເຈລະຈາໃຫ້ຫຼາຍເທົ່າທີ່ຈະຫຼາຍໄດ້.ທ່ານກ່າວຢ້ຳວ່າ,ຈີນສະໜັບສະໜູນຄວາມພະຍາຍາມໄກ່ເກ່ຍຂອງທ່ານເລຂາທິການໃຫຍ່ສະຫະປະຊາຊາດແລະຂອງທ່ານກຳບາຣີ.
ທ່ານກຳບາຣີໄດ້ຕີລາຄາຢ່າງຕັ້ງໜ້າຕໍ່ຈີນທີ່ໄດ້ເສີມຂະຫຍາຍບົດບາດສຳຄັນເພື່ອແກ້ໄຂບັນຫາມຽນມາຢ່າງເໝາະສົມ,ແລະຍິນດີສືບຕໍ່ປະກອບສ່ວນເພື່ອແກ້ໄຂບັນຫາມຽນມາຢ່າງເໝາະສົມ.
|
|
|
