ຕາມຂ່າວໜັງສືພິມເຢັນໝິນຢື້ປ້າວສະບັບຕໍ່ຕ່າງປະເທດຂອງຈີນ: ໃນເວທີປາໄສເຕັກນິກອະວະກາດຈີນຄັ້ງທີ 2 ທີ່ຈັດຂຶ້ນໃນຫວ່າງມໍ່ໆນີ້, ທ່ານເຢ້ເຜິຍຈ້ຽນ ບັນດິດສະພາບັນດິດວິທະຍາສາດຈີນ ຫົວໜ້າຜູ້ອອກແບບດາວທຽມ "ສາງເອີເລກໜຶ່ງ"ໄດ້ເຜີຍໃຫ້ຮູ້ວ່າ, ປັດຈຸບັນ, ໂຄງການສຳຫຼວດດວງຈັນໄລຍະ 2 ຂອງຈີນໄດ້ສຳເລັດການວິພາກໂຄງການແລ້ວ, ແລະເລີ່ມ ຄົ້ນຄວ້າເຕັກນິກຂັ້ນສູງ, ໂຄງການໄລຍະ 2 ຈະສຳເລັດໃນປີ 2013, ຈະສົ່ງເຄື່ອງສຳຫຼວດທີ່ສາມາດລົງຈອດໜ້າດິນດວງຈັນແລະເຄື່ອງວັດແທກເຄື່ອນທີ່, ເພື່ອສຳຫຼວດໜ້າດວງຈັນຢ່າງມີຄວາມແມ່ນຢຳສູງ.
ທ່ານເຢ້ເຜິຍຈ້ຽນກ່າວວ່າ, ດາວທຽມສາງເອີເລກໜຶ່ງມີດວງສຳຮອງດວງໜຶ່ງ, ປັດຈຸບັນພວມປັບປຸງຢູ່, ເພື່ອໃຫ້ການໂຄຈອນຂອງມັນຍິ່ງຊັດເຈນ ມີຄວາມສາມາດບັນທຸກນ້ຳໜັກໄດ້ຫຼາຍກວ່າເກົ່າ, ແລະພະຍາຍາມເຮັດການທົດລອງບາງຢ່າງກ່ຽວກັບເຕັກນິກທີ່ກ່ຽວຂ້ອງຂອງໂຄງການສຳຫຼວດດວງຈັນໄລຍະ 2, ສາມາດເສີມຂະຫຍາຍບົດບາດໄດ້ຫຼາຍກວ່າເກົ່າ.
ຂອບພື້ນຖານໂຄງການສຳຫຼວດດວງຈັນໄລຍະ 3 ຂອງຈີນໄດ້ສະເໜີອອກມາແລ້ວ, ປັດຈຸບັນພວມທຳການວິພາກຕື່ມອີກ. ພາກສ່ວນທີ່ກ່ຽວຂ້ອງຍັງພວມຄົ້ນຄວ້າແຜນການພັດທະນາໃນອະນາຄົດຂອງການສຳຫຼວດອະວະກາດຊັ້ນນອກ ເຊິ່ງລວມທັງການສຳຫຼວດດາວອັງຄານແລະດາວພະເຄາະນ້ອຍອື່ນໆ.
|