|
ຕາມຂ່າວສານຊິນຮວາ: ທ່ານຫວາງຊື່ເສົາ ນັກຄົ້ນຄວ້າຫໍສັງເກດດາລາສາດຈືຈິ່ນຊ່ານຂອງສະພາບັນດິດວິທະຍາສາດຈີນກ່າວຢູ່ນະຄອນໜານກິ່ງວ່າ, ເຊື່ອວ່າ ດາວທຽມສາງເອີເລກໜຶ່ງຈະສາມາດຜ່ານຜ່າການທົດສອບຈາກປະກົດການຈັນທະຄາດຫຼືກົບກິນເດືອນໄດ້.
ວັນທີ 21 ກຸມພານີ້ ຈະປະກົດມີຈັນທະຄາດເຕັມດວງ, ດາວທຽມສາງເອີເລກໜຶ່ງຂອງຈີນທີ່ພວມໂຄຈອນອ້ອມດວງຈັນນັ້ນ ຈະເຂົ້າສູ່ເງົາມືດຂອງໜ່ວຍໂລກ, ຮັບການທົດສອບຈາກຄວາມມືດ ໜາວຈັດ ແລະການສະໜອງພະລັງງານໄຟຟ້າໜ້ອຍລົງ.
ໃນຍາມປົກກະຕິ, ດາວທຽມສາງເອີເລກໜຶ່ງຕົ້ນຕໍອາໄສການຫັນປ່ຽນແສງຕາເວັນມາເປັນພະລັງງານ, ເຖິງວ່າໃນດາວທຽມໄດ້ຕິດຕັ້ງໝໍ້ເກັບໄຟກໍ່ຕາມ, ແຕ່ໃຊ້ໄດ້ບໍ່ດົນປານໃດ.
ສະນັ້ນ ເພື່ອຫຼີກເວັ້ນການຂາດພະລັງງານທີ່ອາດຈະເກີດຜົນກະທົບທີ່ບໍ່ດີ, ບາງເຄື່ອງຈັກສຳຫຼວດໃນດາວທຽມຈະຢຸດຕິການເຮັດວຽກຊົ່ວຄາວ.
|
