|
|
 |
| (GMT+08:00)
2008-02-21 16:55:07
|
 |
|
ເສລີພາບໃນການເຊື່ອຖືສາສະຫນາຂອງຈີນຈະໄດ້ຮັບການຮັບປະກັນດີກວ່າເກົ່າ
cri
ຕາມຂ່າວສານຊີນຮວາ: ວັນທີ 20 ກຸມພານີ້ໃນກອງປະຊຸມຂ່າວທີ່ຈັດຂຶ້ນຢູ່ສະຖານທູດຈີນປະຈຳອາເມລິກາ, ທ່ານເຢ້ຍສຽວເວີນ ຫົວຫນ້າກົມວຽກງານສາສະຫນາແຫ່ງຊາດຈີນທີ່ພາມຢ້ຽມຢາມຢູ່ອາເມລິກາກ່າວວ່າ, ລັດຖະບານຈີນເຄົາລົບເສລີພາບໃນການເຊື່ອຖືສາສະຫນາແມ່ນດ້ວຄວາມຈິງໃຈແລະສະເຫມີຕົ້ນສະເຫມີປາຍ, ໃນຕໍ່ຫນ້າ ເສລີພາບໃນການເຊື່ອຖືສາສະຫນາຂອງຈີນຍັງຈະໄດ້ຮັບການຮັບປະກັນດີກວ່າເກົ່າ.
ທ່ານເຢ້ຍສຽວເວີນກ່າວວ່າ,ລັດຖະບານຈີນເຄົາລົບເສລີພາບໃນການເຊື່ອຖືສາສະຫນາກໍ່ແມ່ນເຄົາລົບສິດທິພື້ນຖານຂອງມະນຸດ.ລັດຖະບານຈີນເຄົາລົບເສລີພາບໃນການເຊື່ອຖືສາສະຫນາແມ່ນມີການຮັບປະກັນດ້ານລັດຖະທຳມະນູນແລະກົດຫມາຍ,ແລະໄດ້ຝັງເລິກຢູ່ໃນມູນເຊື້ອວັດທະນະທຳຂອງຊາດຢ່າງເລິກເຊິ່ງ.
ໃນເວລາກ່າວເຖິງບັນຫາກ່ຽວກັບການປັບປຸງການພົວພັນສຳນັກວາຕີກັງ,ທ່ານເຢ້ຍສຽວເວີນກ່າວວ່າ, ບົນພື້ນຖານຫລັກການສອງຂໍ້, ຈີນສາມາດປັບປຸງການພົວພັນກັບວາຕີກັງໄດ້ທຸກເວລາ, ຫລັກການສອງຂໍ້ນີ້ກໍ່ຄື:ຫນຶ່ງ, ຖ້າວາຕີກັງຈະສ້າງການພົວພັນທາງການທູດກັບຈີນໃນຖານະເປັນປະເທດຫນຶ່ງແລ້ວ, ກໍ່ຕ້ອງຮັບຮອງວ່າລັດຖະບານສາທາລະນະລັດປະຊາຊົນຈີນແມ່ນລັດຖະບານທີ່ຊອບກົດຫມາຍລັດຖະບານດຽວທີ່ເປັນຕົວແທນໃຫ້ແກ່ຈີນ, ໄຕ້ຫວັນແມ່ນພາກສ່ວນຫນຶ່ງທີ່ຕັດແຍກອອກບໍ່ໄດ້ຂອງຈີນ;ສອງ, ວາຕີກັງບໍ່ຄວນແຊກແຊງວຽກງານພາຍໃນຂອງຈີນໂດຍເອົາສາສະຫນາເປັນຂໍ້ອ້າງ.
|
|
|
