|
|
 |
| (GMT+08:00)
2008-02-21 17:17:57
|
 |
|
ທ່ານຖາງເຈ່ຍຊວນກ່າວເນັ້ນວ່າຄວນຖະຫນຸຖະຫນອມການພົວພັນອັນດີງາມລະຫວ່າງຈີນກັບຍີ່ປຸ່ນ
cri
ຕາມຂ່າວ cri:ວັນທີ 21 ກຸມພານີ້ ໃນງານຕ້ອນຮັບທີ່ທ່ານຊຸ່ຍທ່ຽນຄາຍ ເອອັກຄະລັດຖະທູດຈີນປະຈຳຍີ່ປຸ່ນຈັດຂຶ້ນເພື່ອເປັນກຽດແກ່ທ່ານຖາງເຈ່ຍຊວນ ທີ່ປຶກສາແຫ່ງລັດຈີນທີ່ພວມຢ້ຽມຢາມຢູ່ຍີ່ປຸ່ນນັ້ນ, ທ່ານຖາງເຈ່ຍຊວນກ່າວເນັ້ນວ່າ,ຄວນຖະຫນຸຫນອມການພົວພັນອັນດີງາມລະຫວ່າງຈີນກັບຍີ່ປຸ່ນ.
ທ່ານຖາງເຈ່ຍຊວນກ່າວວ່າ, ປີນີ້ແມ່ນປີຄົບຮອບ 30 ປີທີ່ເຊັນສັນຍາສັນຕິພາບມິດຕະພາບຈີນຍີ່ປຸ່ນ.ໃນ 30 ປີມານີ້, ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງຫລວງຫລາຍໃນທຸກຂົງເຂດ, ໄດ້ບັນລຸລະດັບທີ່ບໍ່ເຄີຍມີມາກ່ອນ.
ທ່ານຖາງເຈ່ຍຊວນກ່າວວ່າ, ທ່ານປະທານຫູຈີນທາວຈະຢ້ຽມຢາມຍີ່ປຸ່ນທາງລັດຖະກິດໃນໄວໆນີ້, ນີ້ຈະມີຄວາມຫມາຍອັນເລິກເຊິ່ງຍາວໄກໃນການຊຸກຍູ້ການພົວພັນລະຫວ່າງຈີນຍີ່ປຸ່ນໃຫ້ຂະຫຍາຍຕົວຢ່າງບໍ່ຢຸດຢັ້ງແລະສ້າງບາດກ້າວໃຫມ່ໃນການພົວພັນລະຫວ່າງສອງປະເທດ.ຝ່າຍຈີນຫວັງຜ່ານການຢ້ຽມຢາມເທື່ອນີ້, ພ້ອມກັບຝ່າຍຍີ່ປຸ່ນວາງແຜນພັດທະນາໃນອະນາຄົດໃນດ້ານການພົວພັນລະຫວ່າງສອງປະເທດ, ແລະກຳນົດຂອບໃຫມ່ທີ່ເຮັດໃຫ້ການພົວພັນລະຫວ່າງຈີນຍີ່ປຸ່ນພັດທະນາຢ່າງປອດໃສຍາວນານແລະຫມັ້ນທ່ຽງ.
|
|
|
