|
ຈີນສປປເກົາຫລີແລະສ.ເກົາຫລີຈັດກອງປະຊຸມປະສານງານກ່ຽວກັບການຊ່ວຍເຫລືອດ້ານເສດຖະກິດແລະພະລັງງານຢູ່ປັກກິ່ງ
cri
ຕາມຂ່າວ cri:ວັນທີ 21 ກຸມພານີ້ ຢູ່ປັກກິ່ງ,ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ມື້ດຽວກັນ ຢູ່ປັກກິ່ງ, ສາມຝ່າຍຄືຈີນ ສາທາລະນະລັດປະຊາຊົນປະຊາທິປະໄຕເກົາຫລີແລະສາທາລະນະລັດເກົາຫລີໄດ້ຈັດກອງປະຊຸມປະງານງານກັນ, ຫາລືວຽກງານກ່ຽວກັບຈີນແລະສາທາລະນະລັດເກົາຫລີໃຫ້ການຊ່ວຍເຫລືອດ້ານເສດຖະກິດແລະພະລັງງານແກ່ສາທາລະນະລັດປະຊາຊົນປະຊາທິປະໄຕເກົາຫລີພາຍໃນຂອບການເຈລະຈາ 6 ຝ່າຍ.
ໃນເວລາຕອບຄຳຖາມຂອງນັກຂ່າວ, ທ່ານລິວຈ້ຽນຊາວກ່າວວ່າ, ການເຈລະຈາ 6 ຝ່າຍແລະຂະບວນວິວັດໃຫ້ແຫລມເກົາຫລີປາສະຈາກນິວເຄຼຍໄດ້ຮັບຄວາມຄືບຫນ້າອັນຕັ້ງຫນ້າທີ່ຄົນທັງຫລາຍໄດ້ເຫັນກັບຕາ, ຝ່າຍຕ່າງໆທີ່ກ່ຽວຂ້ອງເຊິ່ງລວມທັງຈີນຕ່າງໄດ້ທຳຄວາມພະຍາຍາມຢ່າງມະຫາ ສານເພື່ອເລື່ອງນີ້.ໃນສະເພາະຫນ້ານີ້, ການເຈລະຈາໄດ້ປະສົບຄວາມຫຍຸ້ງ ຍາກບາງຢ່າງ, ແຕ່ຝ່າຍຕ່າງໆກໍ່ຍັງຍິນດີປະຕິບັດຕາມພັນທະສືບຕໍ່ກ້າວໄປຫນ້າ, ແລະໄດ້ຮັກສາການສື່ສານແລະປະສານງານກັນທີ່ມີປະໂຫຍດຕະ ຫລອດມາ.
ທ່ານລິວຈ້ຽນຊາວກ່າວວ່າ, ຝ່າຍຈີນຍິນດີສືບຕໍ່ພ້ອມກັບຝ່າຍຕ່າງໆທີ່ກ່ຽວຂ້ອງທຳຄວາມພະຍາຍາມພ້ອມກັນ, ຜັນຂະຫຍຫາຍສັນຍາທຸກສະບັບທີ່ໄດ້ເຊັນໄວ້ຢ່າງສະຫມ່ຳສະເຫມີຮອບດ້ານ,ຊຸກຍູ້ການເຈລະຈາ 6 ຝ່າຍແລະຂະບວນວິວັດໃຫ້ແຫລມເກົາຫລີປາສະຈາກນິວເຄຼຍກ້າວໄປຫນ້າເລື້ອຍໆ.
|
|
