|
ໃນໄລຍະຈັດງານກິລາໂອລິມປິກ, ອາກາດປັກກິ່ງຈະເໝາະສົມດີ
cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ພາກສ່ວນອຸຕຸນິຍົມປັກກິ່ງໄດ້ວິເຄາະຂໍ້ມູນອຸຕຸນິຍົມໃນໄລຍະດຽວກັນໃນ 30 ປີມານີ້ແລ້ວຊີ້ອອກວ່າ, ໃນໄລຍະຈັດງານກິລາໂອລິມປິກປີນີ້, ສະເລ່ຍແລ້ວ, ອຸນຫະພູມປັກກິ່ງຈະຢູ່ໃນລະຫວ່າງ 24,9 ອົງສາ, ເໝາະສົມດີສຳລັບຈັດງານກິລາ.
ຫວ່າງມໍ່ໆນີ້, ມີຂ່າວຕ່າງປະເທດແຈ້ງວ່າ, ໃນເດືອນສິງຫາຂອງແຕ່ລະປີ, ປັກກິ່ງຈະມີອາກາດຮ້ອນແລະຊຸ່ມຫຼາຍ, ເຮັດໃຫ້ນັກກິລາສະແດງຄວາມສາມາດໄດ້ບໍ່ເຕັມທີ່.
ທ່ານໂກ່ເວີນລີ້ ຫົວໜ້າສູນອາກາດຂອງພະແນກອຸຕຸນິຍົມນະຄອນປັກກິ່ງກ່າວວ່າ, ແຕ່ວັນທີ 7 ເດືອນສິງຫາເປັນຕົ້ນໄປ, ອຸນຫະພູມແລະຄວາມຊຸ່ມຂອງປັກກິ່ງຈະຄ່ອຍໆຫຼຸດລົງ, ອາກາດຄ່ອຍໆກ້າວເຂົ້າໄລຍະທີ່ດີທີ່ສຸດຂອງລະດູໃບໄມ້ຫຼົ່ນ. ອີງຕາມ "ຕົວເລກຄາດໝາຍຄວາມຮ້ອນ" ເຊິ່ງເປັນຕົວເລກຄາດໝາຍລວມທັງອຸນຫະພູມແລະຄວາມຊຸ່ມຄາດຄະເນວ່າ, "ຕົວເລກຄາດໝາຍຄວາມຮ້ອນ" ຂອງປັກກິ່ງໃນໄລຍະຈັດງານກິລາໂອລິມປິກຈະພໍປານກັນກັບບາເຊໂລນາ, ດີກວ່າອັດລັນທາແລະອາແຕນໜ້ອຍໜຶ່ງ.
ເມື່ອເຂົ້າສູ່ລະດູໃບໄມ້ຫຼົ່ນແລ້ວ, ອາກາດຈະນັບມື້ນັບດີຂຶ້ນ. ສະນັ້ນ, ອາກາດໃນໄລຍະຈັດງານກິລາໂອລິມປິກຄົນພິການຍິ່ງຈະເໝາະສົມກວ່ານັ້ນອີກ.
|
|
