|
|
 |
| (GMT+08:00)
2008-02-25 18:52:59
|
 |
|
ທ່ານທັກສິນ ຊິນນະວັດຈະກັບຄືນໄທພາຍໃນ 1 ເດືອນ
cri
Author: cai
ຕາມຂ່າວສານຈີນ:ວັນທີ 25 ກຸມພານີ້,ທ່ານນົບພະດົນ ປັດທະມະ ລັດຖະມົນຕີວ່າການກະຊວງການຕ່າງປະເທດຄົນໃໝ່ຂອງໄທກ່າວວ່າ,ທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທຈະສິ້ນສຸດຊີວິດພັດຖິ່ນຢູ່ຕ່າງປະເທດແລະກັບຄືນສູ່ປະເທດໄທພາຍໃນ 1 ເດືອນ.
ຂ່າວແຈ້ງວ່າ,ລັດຖະບານຊຸດໃໝ່ຂອງໄທເຮັດວຽກມາໄດ້ 2 ອາທິດກວ່າ,ກະຊວງການຕ່າງປະເທດໄດ້ຟື້ນຟູໜັງສືເດີນທາງທາງການທູດຂອງທ່ານທັກສິນ ຊິນນະວັດ.
ຕາມໜັງສືພິມ"ບາງກອກໂພສ"ລາຍງານວ່າ,ທ່ານນົບພະດົນ ປັດທະມະກ່າວວ່າ,ການຟື້ນຟູໜັງສືເດີນທາງທາງການທູດທີ່ເອີ້ນເປັນ"ປັດສະປໍແດງ"ຂອງທ່ານທັກສິນແມ່ນການຕົກລົງບົນພື້ນຖານຫຼັກການທຸກຄົນສະເໝີພາບກັນໃຕ້ກົດໝາຍ.ກ່ອນໜ້ານີ້,ທ່ານນົບພະດົນເຄີຍກ່າວວ່າ,ທ່ານທັກສິນຄວນມີສິດເທົ່າທຽມກັນກັບອະດີດນາຍົກລັດຖະມົນຕີຜູ້ອື່ນໆ,ລວມທັງສິດຖື"ປັດສະປໍແດງ"ຕະຫຼອດຊີວິດ.
ໃນເດືອນມັງກອນປີກາຍນີ້,ກະຊວງການຕ່າງປະເທດໄທໄດ້ອອກຖະແຫຼງການວ່າ,ເພື່ອໃຫ້ສອດຄ່ອງກັບສະພາບຄວາມປອດໄພແຫ່ງຊາດທີ່ມີການປ່ຽນແປງຢ່າງບໍ່ຢຸດຢັ້ງ,ຈຶ່ງຕົກລົງຍົກເລີກໜັງສືເດີນທາງທາງການທູດຂອງທ່ານທັກສິນພ້ອມດ້ວຍພັນລະຍາ,ແຕ່ຍັງສາມາດໃຊ້ໜັງສືເດີນທາງທົ່ວໄປໄດ້.
|
|
|
