|
|
 |
| (GMT+08:00)
2008-02-26 16:35:31
|
 |
|
ຄະນະກຳມະການເລືອກຕັ້ງໄທແນ່ໃຈວ່າ ທ່ານຢົງຢຸດ ຕິຍະໄພຣັດໃຫ້ສິນບົນໃນການເລືອກຕັ້ງ
cri
ຕາມຂ່າວ CRI: ວັນທີ 26 ກຸມພານີ້, ຄະນະກຳມະການເລືອກຕັ້ງຂອງໄທລົງຄະແນນສຽງວ່າ, ທ່ານຢົງຢຸດ ຕິຍະໄພຣັດ ປະທານລັດຖະສະພາໄທ, ປະທານສະພາຜູ້ແທນລາດຊະດອນທີ່ດຳລົງຕຳແໜ່ງໃໝ່ເຄີຍໃຫ້ສິນບົນໃນການເລືອກຕັ້ງສະມາຊິກສະພາຜູ້ແທນລາດຊະດອນທີ່ຈັດຂຶ້ນໃນທ້າຍປີກາຍນີ້, ແລະຕົກລົງແຈ້ງ "ໃບແດງ" ທີ່ສະແດງວ່າຍົກເລີກຄຸນວຸດທິເປັນສະມາຊິກສະພາ, ແລະມອບຄະດີນີ້ໃຫ້ສານສູງສຸດເພື່ອທຳການຕັດສິນສຸດທ້າຍ.
ໃນໄລຍະເລືອກຕັ້ງປີກາຍນີ້, ທ່ານຢົງຢຸດ ຖືກກ່າວຟ້ອງວ່າ, ກ່ອນການເລືອກຕັ້ງ, ທ່ານໃຫ້ສິນບົນໃຫ້ປະທານຕາແສງຈຳນວນໜຶ່ງຂອງຈັງຫວັດຊຽງລາຍພາກເໜືອໄທ, ຄະນະກຳມະການເລືອກຕັ້ງໄທໄດ້ຕັ້ງໜ່ວຍງານສຳຫຼວດຄະດີດັ່ງກ່າວໂດຍສະເພາະ. ຕາມກົດໝາຍເລືອກຕັ້ງຂອງໄທ, ຄະນະກຳມະການເລືອກຕັ້ງມີສິດໃຫ້ "ໃບແດງ" ຫຼື "ໃບເຫຼືອງ" ຕໍ່ສະມາຊິກຕາມລະດັບຄວາມຮ້າຍແຮງຂອງການສໍ້ໂກງໃນການເລືອກຕັ້ງ, "ໃບແດງ" ໝາຍຄວາມວ່າຍົກເລີກຄຸນວຸດທິສະມາຊິກສະພາ. ຖ້າສານສູງສຸດຕົກລົງຮັບເອົາຄະດີນີ້ເພື່ອຕັດສິນແລ້ວ, ທ່ານຢົງຢຸດຈຳເປັນຕ້ອງຢຸດໃຊ້ສິດໝົດທຸກຢ່າງໃນຖານະເປັນປະທານລັດຖະສະພາແລະປະທານສະພາຜູ້ແທນລາດຊະດອນເພື່ອລໍຖ້າສານສູງສຸດທຳການຕັດສິນ.
|
|
|
