|
ຍານອະວະກາດເຊີນໂຈ່ເລກ 7 ຈະສົ່ງຂຶ້ນສູ່ອະວະກາດໃນ 6 ເດືອນທ້າຍປີນີ້ ນັກບິນອະວະກາດຈີນຈະເຄື່ອນໄຫວຢູ່ນອກຍານເປັນຄັ້ງທຳອິດ
cri
Author: cai
ຕາມຂ່າວສານຊີນຮວາ:ວັນທີ 28 ກຸມພານີ້,ໃນເວລາໃຫ້ສຳພາດຕໍ່ນັກຂ່າວ,ຜູ້ຮັບຜິດຊອບໂຄງການການບິນອະວະກາດບັນທຸກມະນຸດຂອງຈີນເປີດເຜີຍວ່າ,ຈີນຈະປະຕິບັດໂຄງການການບິນອະວະກາດບັນທຸກມະນຸດຂອງຍານເຊີນໂຈ່ເລກ 7 ໃນໄລຍະ 6 ເດືອນທ້າຍປີນີ້,ນັກບິນອະວະກາດຈີນຈະເຄື່ອນໄຫວຢູ່ນອກຍານເປັນຄັ້ງທຳອິດ.ປະຈຸບັນ,ວຽກງານກະກຽມຕ່າງໆພວມດຳເນີນໄປຕາມແຜນການ.
ຜູ້ຮັບຜິດຊອບຜູ້ນີ້ກ່າວວ່າ,ຕາມແຜນການແລ້ວ,ຍານອະວະກາດເຊີນໂຈ່ເລກ 7 ຈະຖືກສົ່ງຂຶ້ນສູ່ອະວະກາດຈາກສູນສົ່ງດາວທຽມຈີວຊວນແຂວງການຊູ້ຈີນ,ໃນໄລຍະບິນໂຄຈອນ,ນັກບິນອະວະກາດຈະອອກຈາກຍານເພື່ອເຄື່ອນໄຫວຢູ່ໃນອະວະກາດ,ດຳເນີນການທົດລອງວິທະຍາສາດຕໍ່ວັດຖຸໃນອະວະກາດ,ແລະປ່ອຍດາວທຽມນ້ອຍທີ່ບິນໄປນຳກັນ.ປະຈຸບັນ,ນັກບິນອະວະກາດພວມຝຶກແອບຢ່າງເຄັ່ງຄັດຢູ່.
|
|
