|
|
 |
| (GMT+08:00)
2008-02-28 18:26:06
|
 |
|
ຈີນດັດແກ້ກົດໝາຍເພີ່ມຄວາມແຮງປ້ອງກັນແລະແກ້ໄຂມົນລະພິດທາງນ້ຳ
cri
Author: cai
ຕາມຂ່າວCRI:ວັນທີ 28 ກຸມພານີ້,ຄະນະປະຈຳສະພາປະຊາຊົນແຫ່ງຊາດຈີນໄດ້ສຳເລັດການດັດແກ້ຕໍ່《ກົດໝາຍວ່າດ້ວຍການປ້ອງກັນແລະແກ້ໄຂມົນລະພິດທາງນ້ຳ》.ການດັດແກ້ເທື່ອນີ້ໄດ້ເພີ່ມທະວີຄວາມຮັບຜິດຊອບຂອງອົງການປົກຄອງທ້ອງຖິ່ນໃນການປ້ອງກັນແລະແກ້ໄຂມົນລະພິດທາງນ້ຳ,ໄດ້ເພີ່ມຄວາມແຮງລົງໂທດຕໍ່ການກະທຳທີ່ຜິດກົດໝາຍ,ເພື່ອປັບປຸງລະບົບປ້ອງກັນແລະແກ້ໄຂມົນລະພິດທາງນ້ຳຕື່ມອີກ.
ອີງຕາມກົດໝາຍສະບັບດັດແກ້,ຈີນຈະເພີ່ມທະວີລະບຽບການຄວບຄຸມຍອດປະລິມານລະບາຍສິ່ງມົນລະພິດທາງນ້ຳ,ປັບປຸງຕາໜ່າງຕິດຕາມສິ່ງແວດລ້ອມທາງນ້ຳໃຫ້ສົມບູນຂຶ້ນຕື່ມ,ແລະຈັດສະພາບການປົກປັກຮັກສາສິ່ງແວດລ້ອມທາງນ້ຳເຂົ້າໃນຂອບເຂດກວດກາຜົນງານຂອງອົງການປົກຄອງທ້ອງຖິ່ນພ້ອມດ້ວຍຜູ້ຮັບຜິດຊອບ.ກົດໝາຍຍັງໄດ້ເພີ່ມຄວາມແຮງລົງໂທດຕໍ່ການກະທຳຜິດກົດໝາຍທີ່ສ້າງມົນລະພິດທາງນ້ຳປະເພດຕ່າງໆ,ໄດ້ເພີ່ມຈຳນວນໄຊ້ຄ່າຕອບແທນຂອງຜູ້ສ້າງມົນລະພິດທາງນ້ຳ,ແລະກຳນົດໄວ້ວ່າ,ຈະສືບສວນທາງອາດຍາຕໍ່ຜູ້ສ້າງມົນລະພິດທາງນ້ຳທີ່ໜັກໜ່ວງ.
ກ່ອນນີ້ 24 ປີ,ຈີນໄດ້ປະກາດ《ກົດໝາຍວ່າດ້ວຍການປ້ອງກັນແລະແກ້ໄຂມົນລະພິດທາງນ້ຳ》,ການດັດແກ້ເທື່ອນີ້ແມ່ນການດັດແກ້ເທື່ອທີສອງຕໍ່ກົດໝາຍສະບັບນີ້.ກົດໝາຍສະບັບດັດແກ້ຈະມີຜົນບັງຄັບໃຊ້ແຕ່ວັນທີ 1 ມິຖຸນາປີນີ້ເປັນຕົ້ນໄປ.
|
|
|
