|
ຕັ້ງແຕ່ດຳເນີນການປະຕິຮູບແລະໄຂປະຕູສູ່ພາຍນອກມານີ້ ຈີນລວມມີ 1 ລ້ານກວ່າຄົນໄດ້ໄປຮຽນຢູ່ຕ່າງປະເທດ
cri
ຕາມຂ່າວສານຊີນຮວາ: ນັບແຕ່ປີ 1978 ຮອດທ້າຍປີ 2006, ຈຳນວນຄົນຈີນທີ່ໄປຮຽນຄວາມຮູ້ປະເພດຕ່າງໆຢູ່ຕ່າງປະເທດໄດ້ບັນລຸ 1 ລ້ານ 6 ຫມື່ນ 7 ພັນຄົນ, ຢູ່ຮຽນຈົບແລ້ວກັບຄືນປະເທດມີ 2 ແສນ 7 ຫມື່ນ 5 ພັນຄົນ.
ນາງຈ່າງຊິ້ວຊິນ ຫົວຫນ້າກົມການຮ່ວມມືແລະແລກປ່ຽນກັບສາກົນຂອງກະຊວງສຶກສາທິການຈີນກ່າວວ່າ, ຈີນຍຶດຫມັ້ນທິດທາງທີ່ສະຫນັບສະ ຫນູນການໄປຮຽນຢູ່ຕ່າງປະເທດ,ສົ່ງເສີມໃຫ້ກັບຄືນປະເທດຫລັງຈາກຮຽນຈົບ,ແຕ່ໄປມາເສລີ,ບໍ່ພຽງແຕ່ໄດ້ຕັ້ງຫນ້າໃຫ້ການຊ່ວຍເຫລືອແກ່ຜູ່ໄປຮຽນຢູ່ຕ່າງປະເທດທໍ່ນັ້ນ, ຍັງໄດ້ໃຊ້ມາດຕະການຕ່າງໆສົ່ງເສີມໃຫ້ຜູ່ໄປຮຽນຢູ່ຕ່າງປະເທດນັ້ນກັບຄືນມາພັດທະນາຢູ່ປະເທດຕົນ.ນອກນີ້,ນັກສຶກສາຕ່າງປະເທດມາຮຽນຢູ່ຈີນກໍ່ເພີ່ມຂຶ້ນຢ່າງຫມັ້ນທ່ຽງ.
ແຕ່ປີ 2001 ຫາປີ 2006, ໄດ້ເພີ່ມຂຶ້ນ 20%.ນາງຈ່າງຊິ້ວຊິນກ່າວວ່າ, ຈີນຈະສືບຕໍ່ທຳຄວາມພະຍາຍາມເພື່ອໃຫ້ຈີນກາຍເປັນປະເທດທີ່ມີນັກສຶກສາໄປຮຽນຢູ່ຕ່າງປະເທດແລະກໍ່ມີນັກສຶກສາຕ່າງປະເທດມາຣຽໜຢູ່ຈີນຫລາຍຂຶ້ນ.
|
|
