|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ຍິນດີຕ້ອນຮັບທ່ານເຂົ້າສູ່ລາຍການສຸມໜ້າກ້ອງໃສ່ກອງປະຊຸມສອງສະພາ. ກອງປະຊຸມຄັ້ງທີໜຶ່ງຂອງຄະນະກຳມະການແຫ່ງຊາດສະໄໝໃໝ່ຂອງສະພາປຶກສາການເມືອງປະຊາຊົນແຫ່ງຊາດຈີນຈະໄຂຂຶ້ນຢູ່ປັກກິ່ງ. ສະພາປຶກສາການເມືອງປະຊາຊົນໄດ້ເສີມຂະຫຍາຍບົດບາດແນວໃດແດ່ໃນຊີວິດການເມືອງຂອງຈີນ? ບັນດາກຳມະການທັງຫຼາຍໄດ້ປະກອບຄຳຄິດຄຳເຫັນແນວໃດຕໍ່ການພັດທະນາຂອງຈີນ? ໃນລາຍການມື້ນີ້, ພວກເຮົາຈະແນະນຳສູ່ທ່ານຟັງຢ່າງລະອຽດ.
ຕອນເຊົ້າວັນທີ28ກຸມພາແລ້ວນີ້, ນາງອຽນຮຸ້ຍອິງໄດ້ຂັບລົດອອກຈາກເຮືອນຄືທຸກໆມື້, ແຕ່ຈຸດໝາຍປາຍທາງຂອງນາງມື້ນີ້ບໍ່ແມ່ນບໍລິສັດຂອງຕົນທີ່ຕັ້ງຢູ່ຄຸ້ມCBDຄືຄຸ້ມການຄ້າສູນກາງຢູ່ປັກກິ່ງ, ຫາກແມ່ນຫ້ອງການຂອງສະພາປຶກສາການເມືອງປະຊາຊົນແຫ່ງຊາດຈີນ. ມື້ນີ້, ນາງຈະພ້ອມກັນກັບກຳມະການສະພາປຶກສາການເມືອງທ່ານອື່ນໆທີ່ໄດ້ຮັບເລືອກຕັ້ງໃໝ່ໄປເຂົ້າຮ່ວມຊຸດອົບຮົມ, ທຳການກະກຽມເພື່ອກອງປະຊຸມປະຈຳປີຂອງສະພາປຶກສາການເມືອງປະຊາຊົນແຫ່ງຊາດຈີນທີ່ຈະໄຂຂຶ້ນໃນວັນທີ3ມີນານີ້. ອີງຕາມການກຳນົດ, ອາຍຸຕຳແໜ່ງຂອງກຳມະການສະພາປຶກສາການເມືອງແຕ່ລະຊຸດແມ່ນ5ປີ, ປີນີ້ແມ່ນນາງອຽນຮຸ້ຍອິງເຂົ້າຮ່ວມກອງປະຊຸມສະພາປຶກສາການເມືອງເປັນຄັ້ງທຳອິດ.
ແຕ່ຍັງນ້ອຍ, ຂ້າພະເຈົ້າກໍໄດ້ຮູ້ຄວາມໝາຍຂອງຄຳວ່າເຂົ້າຮ່ວມແລະປຶກສາຫາລືວຽກບ້ານການເມືອງ. ເວົ້າສຳລັບປັນຍາຊົນຄືຂ້າພະເຈົ້ານີ້ແລ້ວ, ພວກຂ້າພະເຈົ້າມີໜ້າທີ່ຮັບຜິດຊອບໃຫ້ລັດຖະບານໄດ້ຍິນສຽງທີ່ຕ່າງກັນກ່ຽວກັບການພັດທະນາຂອງປະເທດແລະເລື່ອງລາວທີ່ປະຊາຊົນສົນໃຈ, ເພື່ອໃຫ້ລັດຖະບານຮັບໃຊ້ປະຊາຊົນໄດ້ດີກວ່າເກົ່າ, ກໍຮູ້ສຶກວ່າຕົນເອງມີໜ້າທີ່ຮັບຜິດຊອບອັນໜັກໜາ.
ໃນຍາມຍັງໜຸ່ມ, ນາງອຽນຮຸ້ຍອິ່ງໄດ້ໄປຮຽນຢູ່ອາເມລິກາ, ຫຼັງຈາກໄດ້ຮັບປະລິນຍາໂທວິຊາຄຸ້ມຄອງວິສາຫະກິດແລ້ວນາງກັບມາສ້າງພາລະກິດຢູ່ປະເທດຕົນ. ກຸ່ມບໍລິສັດຂອງນາງເຄີຍໄດ້ສ້າງສຳເລັດໂຄງການສຳຄັນຫຼາຍໂຄງການຂອງຈີນ ປີນີ້, ນາງ44ປີແລ້ວ. ເມື່ອເວົ້າເຖິງເລື່ອງທີ່ນາງໄດ້ເປັນກຳມະການສະພາປຶກສາການເມືອງ, ນາງຕື່ນເຕັ້ນທັງຮູ້ສຶກຕົນເອງມີໜ້າທີ່ຮັບຜິດຊອບອັນໜັກໜາ. ກຳມະການໃໝ່ທີ່ໄດ້ມາຮ່ວມປະຊຸມສະພາດ້ວຍຈິດໃຈຄືກັນກັບນາງອ່ຽນຮຸ້ຍອິ່ງນັ້ນຍັງມີຫຼາຍຄົນ, ພວກເຂົາເຈົ້າໄດ້ກວມ55%ຂອງກຳມະການສະພາປຶກສາການເມືອງປະຊາຊົນແຫ່ງຊາດຈີນສະໄໝນີ້.
ສະພາປຶກສາການເມືອງປະຊາຊົນຈີນແມ່ນອົງການສຳຄັນທີ່ມີຫຼາຍພັກຮ່ວມມືກັນປຶກສາຫາລືການເມືອງພາຍໃຕ້ການນຳພາຂອງພັກກອມມູນິດຈີນ, ແມ່ນຮູບການສຳຄັນທີ່ເສີມຂະຫຍາຍປະຊາທິປະໄຕແບບສັງຄົມນິຍົມ, ກອງປະຊຸມສະພາປຶກສາການເມືອງປະຊາຊົນຈີນມີຄະນະກຳມະການທົ່ວປະເທດແລະຄະນະກຳມະການທ້ອງຖິ່ນ. ກອງປະຊຸມປະຈຳປີຂອງກຳມະການທົ່ວປະເທດສະພາປຶກສາການເມືອງປະຊາ ຊົນ ຈີນທີ່ຈະຈັດຂຶ້ນໃນວັນທີ 3 ມີນານີ້ແມ່ນຮູບການປຶກສາຫາລືຂັ້ນສູງສຸດຂອງສະພາປຶກສາການເມືອງປະຊາຊົນຈີນ.ບັນດາກຳມະ ການທີ່ມາຈາກ 34 ວົງການເຊັ່ນ: ພັກກອມມູນິດຈີນ ພັກຝ່າຍປະຊາທິປະໄຕ ບຸກຄົນທີ່ບໍ່ສັງກັດພັກຝ່າຍໃດ, ອົງການຈັດຕັ້ງ ປະຊາຊົນບັນດາ ຊົນເຜົ່າສ່ວນໜ້ອຍ ເຂດບໍລິຫານພິເສດຮົງກົງແລະເຂດບໍລິຫານພິເສດມາກາວເປັນຕົ້ນຈະເຕົ້າໂຮມກັນຢູ່ປັກກິ່ງ, ຮ່ວມກັນປຶກສາຫາລືວວຽກງານຂອງຊາດ.
ເຊັ່ນດ່ຽວກັນກັບທຸກປີທີ່ຜ່ານມາ, ກອງປະຊຸມສະພາປຶກສາການເມືອງປະຊາຊົນຈີນສະໄໝນີ້ຍັງຈະແບ່ງເປັນ 34 ວົງການ, ແຕ່ຈຳນວນຜູ້ແທນວົງການຕ່າງໆ, ລະດັບຄວາມຮູ້ແລະອາຍຸຂອງກຳມະການລ້ວນແຕ່ມີການປ່ຽນແປງ. ທ່ານຈ່າງຈິ້ງອ່ານ ຜູ້ຮັບຜິດຊອບທີ່ມາຈາກພະແນກຖະແຫຼງຂ່າວຂອງຫ້ອງການສະພາປຶກສາການເມືອງປະຊາຊົນແຫ່ງຊາດກ່າວວ່າ:
"ສະພາປຶກສາການເມືອງປະຊາຊົນຈີນແມ່ນປະກອບດ້ວຍບຸກຄົນວົງການຕ່າງໆ, ໃນສະພາປຶກສາການເມືອງສະໄໝທີ 11, ກຳມະການທີ່ເປັນສະມາຊິກພັກກອມມູນິນຈີນມີ 39,9%, ກຳມະການບໍ່ແມ່ນສະມາຊິກພັກກອມມູນິດຈີນກວມ60,1% 5 ອົງການສາສະໜາໃຫຍ່ຂອງຈີນລ້ວນແຕ່ມີຜູ້ແທນໃນສະພາປຶກສາການເມືອງ, 56 ຊົນເຜົ່າກໍລ້ວນແຕ່ມີຜູ້ເປັນກຳມະການ, ກຳມະການເພດຍິງມີ 17,7%, ຫຼາຍກວ່າຊຸດແລ້ວນີ້ໜ້ອຍໜຶ່ງ."
ກຳມະການສະພາປຶກສາການເມືອງແມ່ນກຳເນີດຂຶ້ນດ້ວຍວິທີສະເໜີຊື່ແລະປຶກສາຫາລືກັນ, ເຂົາເຈົ້າແມ່ນບຸກຄົນຜູ້ມີລັກສະນະຕົວແມ່ນແລະມີອິດທິພົນຕໍ່ສັງຄົາມໃນຂົງເຂດແລະວົງການຕ່າງໆຂອງຈີນ. ນາງອຽນຮຸ້ຍອີ່ງທີ່ກ່າວມານັ້ນກໍແມ່ນມາຈາກວົງການສະຫະພັນແມ່ຍິງຈີນ.
ເຊັ່ນດຽວກັນກັບນາງອຽນຮຸ້ຍອິ່ງ,ສາດສະດາຈານໄຊ້ຈີ້ມິງທີ່ມາຈາກມະຫາວິທະຍາໄລຊິ່ງຮວາກໍ່ແມ່ນກຳມະການສະພາເປິກສາການເມືອງແຫ່ງຊາດຈີນສະໄໝນີ້, ຕ່າງແຕ່ວ່າທ່ານໄຊ້ຈີ້ມິງມາຈາກສະມາຄົມສົ່ງເສີມປະຊາທິປະໄຕຈີນເຊິ່ງເປັນໜຶ່ງໃນ8ພັກຝ່າຍປະຊາທິປະໄຕຂອງຈີນ,ເທື່ອນີ້ແມ່ນເທື່ອທີສາມທີ່ສາດສະດາຈານໄຊ້ຈີ້ມິງໄດ້ເປັນກຳມະການສະພາເປິກສາກາງເມືອງ.ເມື່ອເວົ້າເຖິງປະສົບການທີ່ເຂົ້າຮ່ວມແລະເປິກສາຫາລືວຽກບ້ານການເມືອງໃນຫຼາຍປີທີ່ຜ່ານມາ,ທ່ານສາດສະດາຈານໄຊ້ຈີ້ມິງກ່າວວ່າ:
"ໃນ10ປີຜ່ານມານີ້ທີ່ຂ້າພະເຈົ້າເປັນກຳມະການສະພາເປິກສາການເມືອງ,ຂ້າພະເຈົ້າຮູ້ສຶກວ່າກຳມະການສະພາເປິກສາການເມືອງໄດ້ເສີມຂະຫຍາຍບົດບາດນັບມື້ນັບໃຫຍ່ຫຼວງໃນດ້ານເຂົ້າຮ່ວມແລະເປິກສາຫາລືວຽກງ້ານການເມືອງ,ເຂົ້າຮ່ວມຊີວິດການເມືອງຂອງລັດ.ຂ້າພະເຈົ້າໄດ້ສະໜອງຂໍ້ສະເໜີແລະປະກອບຄຳຄິດຄຳເຫັນ60ກວ່າສະບັບໃຫ້ກອງປະຊຸມ.ໃນນັ້ນມີຂໍ້ສະເໜີແລະຄຳຄິດຄຳເຫັນຫຼາຍຢ່າງສຽງສະທ້ອນຢ່າງແຂງແຮງໃນສັງຄົມ,ຕໍ່ບົດຄວາມບາງບົດພາກສ່ວນລັດຖະບານແລະຜູ່ນຳກໍ່ເຄີຍໄດ້ໃຫ້ຄຳຊີ້ແຈງ."
ທ່ານຜູ່ຟັງໃນວັນຈັນໜ້າ,ກອງປະຊຸມປະຈຳປີຄັ້ງທຳອິດຂອງຄະນະກຳມະການທົ່ວປະເທດຊຸດໃໝ່ຂອງສະພາເປິກສາການເມືອງປະຊາຊົນກໍຈະຈັດຂຶ້ນແລ້ວ.ຄືກັບນາງເຢັນຮຸ້ຍອິ່ງແລະສາດສະດາຈານໄຊ້ຈີ້ມິງ,ບັນດາກຳມະການສະພາເປິກສາການເມືອງແຫ່ງຊາດຈີນ2200ກວ່າທ່ານກໍຈະນຳເອົາຂໍ້ສະເໜີຂອ່ງຕົນເຂົ້າຮ່ວມກອງປະຊຸມ, ສະເໜີຄຳຄິດຄຳເຫັນໃນການສ້າງສາປະເທດຊາດຕາມຄວາມປາຖະໜາຂອງພວກເຂົາເຈົ້າ.
|
