|
ກອງປະຊຸມປະຈຳປີຄັ້ງທຳອິດຂອງສະພາປຶກສາການເມືອງປະຊາຊົນແຫ່ງຊາດຈີນຊຸດໃໝ່ໄດ້ຈັດຂຶ້ນຢູ່ປັກກິ່ງໃນຕອນບ່າຍມື້ນີ້, ຕໍ່ໄປເຊີນຟັງບົດແຈ້ງຂ່າວລະອຽດ.
ສະພາປຶກສາການເມືອງປະຊາຊົນຈີນແມ່ນອົງການສຳຄັນທີ່ຫຼາຍພັກຮ່ວມມືກັນແລະປຶກສາຫາລືວຽກບ້ານການເມືອງພາຍໃຕ້ການນຳພາຂອງພັກກອມມູນິດຈີນ. ກອງປະຊຸມທີ່ໄຂຂຶ້ນໃນມື້ນີ້ແມ່ນກອງປະຊຸມປະຈຳປີຄັ້ງທຳອິດຂອງສະພາປຶກສາການເມືອງປະຊາຊົນແຫ່ງຊາດຈີນຫຼັງການເລືອກຕັ້ງໃໝ່. ຜູ້ນຳພັກແລະລັດຈີນເຊັ່ນທ່ານຫູຈິນທ່າວ ທ່ານອູປ່າງໂກວ ທ່ານເວີ່ນເຈຍປາວ ທ່ານເຈຍຊີ້ງລີງແລະທ່ານອື່ນໆໄດ້ເຂົ້າຮ່ວມພິທີໄຂປະຊຸມ.
ທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ຕາງໜ້າຄະນະປະຈຳສະພາປຶກສາການເມືອງປະຊາຊົນແຫ່ງຊາດສະໄໝທີ 10 ລາຍງານວຽກງານຕໍ່ບັນດາກຳມະການ, ສະຫຼຸບວຽກງານແລະບົດຮຽນໃນ 5 ປີຜ່ານມາ, ແລະສະເໜີຂໍ້ສະເໜີກ່ຽວກັບວຽກງານຂອງສະພາປຶກສາການເມືອງປະຊາຊົນແຫ່ງຊາດຊຸດໃໝ່. ທ່ານກ່າວວ່າ:
"ໃນ 5 ປີທີ່ຜ່ານມາ, ພວກເຮົາໄດ້ວາງແລະປະຕິບັດແຜນການ 5 ປີຄັ້ງທີ 11, ສ້າງສັງຄົມສັງຄົມນິຍົມທີ່ກົມກຽວກັນ, ເພີ່ມທະວີແລະປັບປຸງການດັດສົມຄວບຄຸມມະຫາພາກ, ສ້າງຊົນນະບົດໃໝ່ສັງຄົມນິຍົມ, ສ້າງປະເທດແບບໃໝ່, ສ້າງສັງຄົມແບບປະຢັດຊັບພະຍາກອນແລະເປັນມິດກັບສິ່ງແວດລ້ອມ, ປັບປຸງໂຄງປະກອບເສດຖະກິດ, ຫັນປ່ຽນວິທີການພັດທະນາແລະບັນຫາສຳຄັນຕ່າງໆ, ໄດ້ສະເໜີຄວາມເຫັນແລະຂໍ້ສະເໜີທີ່ສຳຄັນຫຼາຍຢ່າງ."
ໃນຖານະເປັນອົງການປຶກສາຫາລືສູງສຸດທີ່ຄະນະພັກຝ່າຍຕ່າງໆຂອງຈີນແລະບຸກຄົນຊົນເຜົ່າຕ່າງໆ ວົງການຕ່າງໆຂອງຈີນພ້ອມກັນເຂົ້າຮ່ວມການປຶກສາຫາລືວຽກບ້ານການເມືອງ, ໃນໄລຍະຈັດກອງປະຊຸມປະຈຳທຸກປີຂອງສະພາປຶກສາການເມືອງປະຊາຊົນແຫ່ງຊາດຈີນ, ບັນດາກຳມະການຕ່າງໄດ້ສະເໜີຄວາມເຫັນແລະຂໍ້ສະເໜີກ່ຽວກັບທິດທາງນະໂຍບາຍໃຫຍ່ຂອງຊາດແລະບັນຫາພົ້ນເດັ່ນທີ່ມວນຊົນສົນໃຈນຳກັນ. ໃນບົດລາຍງານ, ທ່ານເຈຍຊີ້ງລີນເຜີຍໃຫ້ຮູ້ວ່າ, ໃນອາຍຸຕຳແໜ່ງ 5 ປີຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 10, ຄະນະປະຈຳສະພາປຶກສາການເມືອງແຫ່ງຊາດໄດ້ຊຳລະຍັດຕິ 23,000 ກວ່າສະບັບ, ສ່ອງແສງສະພາບແລະຄວາມເຫັນຂອງປະຊາຊົນ 6,600 ກວ່າສະບັບ.
ຍັດຕິແລະຂໍ້ສະເໜີເຫຼົ່ານີ້ສ່ວນຫຼາຍໄດ້ຖືກຮັບເອົາແລະຈັດເຂົ້າໃນມະຕິຕົກລົງທີ່ກ່ຽວຂ້ອງຂອງພາກສ່ວນລັດຖະບານ. ທ່ານວາງຊີ ກຳມະການສະພາທີ່ມາຈາກສະຖາບັນນິຕິສາດຂອງມະຫາວິທະຍາໄລຄົມມະນາຄົມຊຽງໄຮ້ມີຄວາມຮູ້ສຶກເລິກເຊິ່ງຕໍ່ເລື່ອງນີ້, ຍັດຕິຂອງທ່ານກ່ຽວກັບການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວທີ່ສະເໜີໃນຫຼາຍປີກ່ອນໄດ້ຮັບຄວາມເອົາໃຈໃສ່ຈາກຄະນະກຳມະການພັດທະນາແລະການປະຕິຮູບແຫ່ງລັດຈີນ, ແລະໄດ້ຈັດເຂົ້າໃນນະໂຍບາຍຂອງລັດຖະບານ. ທ່ານວາງຊີ່ພໍໃຈຫຼາຍ, ທ່ານກ່າວວ່າ:
"ໃນຫຼາຍປີມານີ້, ມີຄວາມກ້າວໜ້າຫຼາຍ, ຄະນະລັດຖະບານໄດ້ປະກາດເອກະສານຕ່າງໆໂດຍສະເພາະກ່ຽວກັບການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ, ແລະໄດ້ວາງຈຸດໝາຍລະອຽດ, ຈຸດໝາຍດັ່ງກ່າວໄດ້ແຈກໃຫ້ທົ່ວປະເທດແລ້ວ."
ທ່ານວາງຊີ່ມາຈາກສະມາຄົມປະຊາທິປະໄຕສ້າງຊາດຈີນ ເຊິ່ງເປັນໜຶ່ງໃນ8ພັກຝ່າຍປະຊາທິປະໄຕຂອງຈີນ.ໃນ5ປີມານີ້, ສະພາປຶກສາການເມືອງແຫ່ງຊາດຈີນສະໄໝທີ10ເອົາໃຈໃສ່ເພິ່ມທະວີການຮ່ວມມືກັບບຸກຄົນພັກຝ່າຍປະຊາທິປະໄຕ ແລະ ບຸກຄົນບໍ່ສັງກັດພັກຝ່າຍໃດ,ກ່ຽວກັບເລື່ອງນີ້,ທ່ານເຈຍຊີ້ງລີນໄດ້ສະຫຼຸບໃນບົດລາຍງານທີ່ກ່າວໃນມື້ນີ້ວ່າ,
"ສະພາປຶກສາການເມືອງແຫ່ງຊາດ ສະໜັບສະໜູນບຸກຄົນບັນດາພັກຝ່າຍປະຊາທິປະໄຕ ແລະ ບຸກຄົນທີ່ບໍ່ສັງກັດພັກຝ່າຍໃດເຂົ້າຮ່ວມການເຄືອນໄຫວຕ່າງໆ ເຊັ່ນ,ປຶກສາຫາລືທິດທາງນະໂຍບາຍສຳຄັນຂອງລັດ ແລະ ປະຕິບັດໜ້າທີ່ຂອງຕົນ,ເຄົາລົບ ແລະ ຮັບປະກັນສິດໃນສະເໜີຄວາມເຫັນໃນນາມພັກຝ່າຍຂອງຕົນໃນກອງປະຊຸມຕ່າງໆ ຂອງບັນດາພັກຝ່າຍປະຊາທິປະໄຕ,ເຄົາລົບ ແລະ ຮັບປະກັນສິດຂອງບຸກຄົນບັນດາພັກຝ່າຍປະຊາທິປະໄຕ ແລະ ບຸກຄົນທີ່ບໍ່ສັງກັດພັກຝ່າຍໃດໃນການດຳເນີນການສຳຫຼວດ,ສະເໜີຍັດຕິ,ລາຍງານ ,ສ່ອງແສງພາບແລະຄວາມເຫັນຂອງປະຊາຊົນ ແລະ ເຂົ້າຮ່ວມການສຳຫຼວດກວດກາ."
ກ່ຽວກັບວຽກງານຂອງສະພາປຶກສາແຫ່ງຊາດຈີນໃນ5ປີຕໍ່ໜ້າ,ທ່ານເຈຍຊີ້ງລີນຊີ້ອອກວ່າ,ສະພາປຶກສາການເມືອງແຫ່ງຊາດສະໄໝ11ຍຶດໝັ້ນ2ຂໍ້ຫຼັກ ຄື,ສາມັກຄີ ແລະ ປະຊາທິປະໄຕຢ່າງໝັ້ນຄົງ,ຕັ້ງໜ້າດຳເນີນການປຶກສາການເມືອງ,ປັບປຸງກົນໄກກວດກາປະຊາທິປະໄຕໃຫ້ສົມບູນຂຶ້ນ,ຍົກປະສິດທິພາບການເຂົ້າຮ່ວມແລະຫາລືວຽກບ້ານການເມືອງໃຫ້ສູງຂຶ້ນ.
ທ່ານຍັງໄດ້ສະເໜີໃຫ້ຖືການເພິ່ມທະວີການສ້າງສາສະພາປຶກສາການເມືອງ ຊຸກຍູ້ໃຫ້ສະພາປຶກສາການເມືອງປະຊາຊົນປະຕິບັດພາລະບົດບາດຢ່າງເປັນລະບົບ,ເປັນແບບສະບັບ ແລະ ເປັນລະບຽບ ເຫັນຫຼັກການສຳຄັນທີ່ຕ້ອງຍຶດໝັ້ນໃນວຽກງານຂອງສະພາປຶກສາການເມືອງໃນຕໍ່ໜ້າ.
ກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນເທື່ອນີ້ຈະດຳເນີນໄປ11ມື້,ກຳມະການສະພາປຶກສາການເມືອງແຫ່ງຊາດຈະເລືອກຕັ້ງອົງການຜູ່ນຳຂອງຕົນຊຸດໃໝ່ ເຊິ່ງລວມທັງປະທານສະພາປຶກສາການເມືອງແຫ່ງຊາດຈີນ, ເພື່ອເຂົ້າຮ່ວມກອງປະຊຸມສະພາຜູ່ແທນປະຊາຊົນແຫ່ງຊາດທີ່ຈະຈັດຂຶ້ນໃນວັນທີ5ມີນານີ້.ບັນດາກຳມະການຍັງຈະຮັບຟັງ ແລະ ຫາລືບົດລາຍງານວຽກງານຂອງລັດຖະບານ.
|
