|
|
(GMT+08:00)
2008-03-03 18:51:32
|
|
ທະຫານໜ້າດິນອິສຣາແອນເລີ່ມຖອນອອກຈາກເຂດກາຊາ
cri
ຕາມຂ່າວ CRI: ວັນທີ 3 ມີນານີ້, ກອງທັບປ້ອງກັນປະເທດອິສຣາແອນທີ່ດຳເນີນການເຄື່ອນໄຫວທາງການທະຫານຢູ່ເຂດກາຊາໃນຫຼາຍມື້ມານີ້ເລີ່ມຖອນອອກຈາກເຂດກາຊາ.
ວັນທີ 3 ມີນານີ້, ໂຄສົກຜູ້ໜຶ່ງຂອງທະຫານອິສຣາແອນ ກ່າວວ່າ, ປະຈຸບັນ, ທະຫານອິສຣາແອນສ່ວນຫຼາຍໄດ້ຖອນກັບຄືນສູ່ແດນອິສຣາແອນແລ້ວ, ການເຄື່ອນໄຫວການທະຫານ "ລະດູໜ້າວທີ່ອຸ່ນ" ເກືອບສິ້ນສຸດລົງແລ້ວ.
ແຕ່ວ່າ, ການໂຈມຕີທາງການທະຫານຕໍ່ເຂດກາຊາຂອງທະຫານອິສຣາແອນຍັງບໍ່ທັນຢຸດເຊົາເທື່ອ. ມື້ດຽວກັນ, ຍົນລົບຂອງທະຫານອິສຣາແອນໄດ້ດຳເນີນການໂຈມຕີທາງອາກາດຕໍ່ເຂດກາຊາຫຼາຍເທື່ອ, ກຳປັ່ນລົບຂອງອິສຣາແອນກໍ່ໄດ້ຍິງປືນໃຫຍ່ໃສ່ເປົ້າໝາຍທາງບົກຢູ່ເຂດກາຊາ.
ວັນທີ 3 ມີນານີ້, ອົງການຮາມັສກັບຄະນະກຳມະການຄັດຄ້ານປະຊາຊົນຂອງປາເລັສຕິນລ້ວນແຕ່ກ່າວວ່າ, ອິສຣາແອນຖອນທະຫານສະແດງໃຫ້ເຫັນວ່າ, ການເຄື່ອນໄຫວຄັດຄ້ານການຮຸກຮານຂອງຜູ້ປະກອບອາວຸດປາເລັສຕິນໄດ້ຮັບໄຊຊະນະແລ້ວ. ພວກເຂົາເຈົ້າລ້ວນແຕ່ສະແດງວ່າຈະສືບຕໍ່ດຳເນີນການໂຈມຕີດ້ວຍຈະຫຼວດຕໍ່ອິສຣາແອນອີກ.
|
|
|