ກອງປະຊຸມປະຈຳປີຂອງສະພາປະຊາຊົນແຫ່ງຊາດ ເຊິ່ງເປັນອົງການອຳນາດແຫ່ງຊາດສູງສຸດຂອງຈີນຈະຈັດຂຶ້ນຢູ່ທີ່ປັກກິ່ງໃນວັນທີ5ມີນານີ້.
ໃນກອງປະຊຸມຂ່າວທີ່ຈັດຂຶ້ນຢູ່ທີ່ປັກກິ່ງ,ທ່ານຈ່ຽງເອີນຈູ້ ໂຄສົກກອງປະຊຸມສະພາປະຊາຊົນແຫ່ງຊາດຈີນກ່າວວ່າ,
"ກອງປະຊຸມເທື່ອທີ1ຂອງສະພາປະຊາຊົນແຫ່ງຊາດຈີນຊຸດທີ11ຈະໄຂຂຶ້ນໃນຕອນເຊົ້າວັນທີ5ມີນານີ້, ແລະ ອັດລົງໃນຕອນເຊົ້າວັນທີ18ມີນານີ້.ປັດຈຸບັນ,ວຽກງານກະກຽມຕ່າງໆຂອງກອງປະຊຸມເທື່ອນີ້ໄດ້ສຳເລັດໝົດແລ້ວ."
ສະພາປະຊາຊົນແຫ່ງຊາດຈີນແມ່ນອົງການອຳນາດສູງສຸດທີ່ປະຊາຊົນຈີນໃຊ້ອຳນາດແຫ່ງລັດ. ສິດພາລະບົດບາດຂອງກອງປະຊຸມແມ່ນ:ປັບປຸງລັດຖະທຳມະນູນແລະຕິດຕາມການຈັດຕັ້ງປະຕິບັດລັດຖະທຳມະນູນສ້າງແລະປັບປຸງກົດໝາຍທີ່ສຳຄັນ,ຕິດຕາມກວດກາວຽກງານຂອງລັດຖະບານ,ສານປະຊາຊົນສູງສຸດ ແລະ ອົງການອະທິໄອຍະການປະຊາຊົນ,ທຳການຕົກລົງຕໍ່ບັນຫາສຳຄັນທີ່ກ່ຽວກັບພາກສ່ວນທັງໝົດແຫ່ງລັດ,ເລືອກຕັ້ງແລະແຕ່ງຕັ້ງຜູ່ນຳລັດ ແລະວຽກງານອື່ນໆ.ໃນໄລຍະກອງປະຊຸມອັດລົງແລ້ວ, ຄະນະປະຈຳສະພາປະຊາຊົນແຫ່ງຊາດຈີນ ເຊິ່ງເປັນອົງການປະຈຳສະພາປະຊາຊົນແຫ່ງຊາດນັ້ນໃຊ້ອຳນາດສູງສຸດແຫ່ງລັດ. ຜູ່ແທນສະພາປະຊາຊົນແຫ່ງຊາດຈີນກຳເນີດໂດຍການເລືອກຕັ້ງປະຊາທິແບບປະໄຕ,ມາຈາກເຂດຕ່າງໆ,ຂະແໜງການຕ່າງໆ ແລະ ຊົນເຜົ່າຕ່າງໆຂອງຈີນ,ມີອາຍຸການ5ປີ. ທ່ານຈ່ຽງເອີນຈູ້ກ່າວວ່າ,
ໃນ 5 ປີມານີ້,ຜູ່ແທນໄດ້ສະເຫນີຍັດຕິທັງຫມົດ 3700ກວ່າສະບັບ, ຂໍ້ສະເຫນີເກືອບ 3 ຫມື່ນຂໍ້,ໃນນັ້ນ ມີຍັດຕິກົດຫມາຍສ່ວນຫນຶ່ງໄດ້ສ້າງເປັນກົດຫມາຍຫຼືອີງ ຕາມຂໍ້ສະເຫນີເຫຼົ່ານີ້ມາປັບປຸງກົດຫມາຍ,ມີຜູ່ແທນ 660 ເທື່ອຄົນເຂົ້າຮ່ວມກອງປະຊຸມຄະນະປະຈຳ, 1700ກວ່າເທື່ອຄົນເຂົ້າຮ່ວມການກວດກາສະພາບການປະຕິບັດຕາມກົດຫມາຍແລະການຄົ້ນຄວ້າພິຈາລະນານິຕິບັນຍັດເປັນຕົ້ນ.ວຽກງານເຫຼົ່ານີ້ໄດ້ຍົກຄວາມສາມາດຂອງຜູ່ແທນໃນການປະຕິບັດພາລະບົດບາດໃຫ້ສູງຂຶ້ນ,ບົດບາດຂອງຜູ່ແທນທີ່ເຂົ້າຮ່ວມການຄຸ້ມຄອງວຽກງານຂອງລັດໄດ້ມີການເສີມຂະຫຍາຍຢ່າງເຕັມທີ່ກວ່າເກົ່າ.
ກອງປະຊຸມສະພາປະຊາຊົນແຫ່ງຊາດຈີນຈັດກອງປະຊຸມປີລະເທື່ອ,ປີນີ້ແມ່ນປີທີ່ປ່ຽນຊຸດໃຫມ່,ສະນັ້ນກອງປະຊຸມເທື່ອນີ້ຈຶ່ງໄດ້ຮັບຄວາມເອົາໃຈໃສ່ໃນລະດັບສູງຈາກຝ່າຍຕ່າງໆ.ກອງປະຊຸມເທື່ອນີ້ຈະມີເນື້ອໃນສຳຄັນຫຍັງແດ່? ທ່ານຈ່ຽງເອີ່ນຈູ້ກ່າວວ່າ:
ກອງປະຊຸມເທື່ອນີ້ມີວາລະປະຊຸມທັງຫມົດ 16 ລາຍການເຊັ່ນຄົ້ນຄວ້າ,ຄື:ພິຈາລະນາບົດລາຍງານວຽກງານຂອງລັດຖະບານຄົ້ນຄວ້າພິຈາລະນາຍັດຕິ ກ່ຽວກັບແຜນການປະຕິຮູບຂອງອົງການລັດຖະບານ ເລືອກຕັ້ງປະທານປະເທດ ແລະແຕ່ງຕັ້ງນາຍົກລັດຖະມົນຕີຜູ່ໃຫມ່ແລະອື່ນໆ
ຜູ່ແທນຂອງສະພາປະຊາຊົນແຫ່ງຊາດຍັງຈະໄດ້ຄົ້ນຄວ້າພິຈາລະນາາແລະຮັບຮອງແຜນການພັດທະນາເສດຖະກິດສັງຄົມແຫ່ງຊາດແລະແຜນງົບປະມານຂອງສູນກາງແລະທ້ອງຖິ່ນ. ເລືອກຕັ້ງແລະແຕ່ງຕັ້ງຜູ່ນຳອົງການລັດຊຸດໃຫມ່ແລະຜູ່ນຳອື່ນໆເປັນຕົ້ນ.ໂດຍແນໃສ່ບັນຫາປະຕິຮູບອົງການລັດຖະບານຈີນເທື່ອນີ້ທີ່ ວົງການຕ່າງໆສົນໃຈທີ່ສຸດ,ທ່ານຈ່ຽງເອີ່ນຈູ້ກ່າວວ່າ,ການປະຕິຮູບເທື່ອນີ້ຈະດຳເນີນໂດຍຫມູນອ້ອມການຫັນປ່ຽນພາລະບົດບາດຂອງລັດຖະບານ,ຜ່ານການປະຕິຮູບ,ຈະເຮັດໃຫ້ລະບົບຄຸ້ມຄອງດ້ານບໍລິຫານສອດຄ່ອງກັບຄວາມຮຽກຮ້ອງຕ້ອງການໃນການພັດທະນາເສດຖະກິດສັງຄົມໃນສະໄຫມໃຫມ່ແລະໄລຍະໃຫມ່ໃຫ້ດີກວ່າເກົ່າ.
ໃນງານຖະແຫຼງຂ່າວທີ່ດຳເນີນເປັນເວລາເກືອບ 1 ຊົ່ວໂມງເຄິ່ງ,ທ່ານຈ່ຽງເອີ່ນຈູ້ ໂຄສົກກອງປະຊຸມໃຫຍ່ໄດ້ຕອບຄຳຖາມ 20 ກວ່າຂໍ້ຂອງນັກຂ່າວ 10 ກວ່າຄົນ,ກ່ຽວພັນເຖິງດ້ານຕ່າງໆເຊັ່ນ:ການກໍ່ສ້າງການເມືອງແບບປະຊາທິປະໄຕ ການປະຕິຮູບຂອງອົງການລັດຖະບານບົດບາດຂອງສະພາປະຊາຊົນແຫ່ງຊາດຈີນແລະດ້ານອື່ນໆ.ກອງປະຊຸມຂອງສະພາປະຊາຊົນແຫ່ງຊາດປີນີ້ໄດ້ຮັບຄວາມເອົາໃຈໃສ່ໃນລະດັບສູງຈາກນັກຂ່າວ,ຊຶ່ງເປັນຍັງສະແດງອອກຢູ່ບ່ອນວ່າ ຈຳນວນນັກຂ່າວຕ່າງປະເທດທີ່ລົງທະບຽນຫຼາຍກວ່າຈຳນວນທຸກໆປີຜ່ານມາ.ຄືທັງຫມົດພັນກວ່າຄົນຂອງ225 ສຳນັກທີ່ມາຈາກ 40 ກວ່າປະເທດໄດ້ຈົດທະບຽນມາເອົາຂ່າວ,ພວກເຂົາເຈົ້າໄດ້ໃຊ້ກ້ອງຖ່າຍຮູບ ໄມແລະປາກກາຂອງໃຜລາວມາບັນທຶກກອງປະຊຸມທີ່ນັບມື້ນັບເປີດເຜີຍ.
|