|
ຈີນປະຕິບັດນະໂຍບາຍປ້ອງກັນປະເທດແບບປ້ອງກັນຕົວ ບໍ່ເປັນການຂົ່ມຂູ່ຕໍ່ປະເທດໃດໆ
cri
Author: cai
ຕາມຂ່າວCRI:ວັນທີ 4 ມີນານີ້,ທ່ານຊີນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຈີນຍຶດໝັ້ນເດີນຕາມເສັ້ນທາງພັດທະນາໂດຍສັນຕິຢ່າງສະເໝີຕົ້ນສະເໝີປາຍ,ປະຕິບັດນະໂຍບາຍປ້ອງກັນປະເທດແບບປ້ອງກັນຕົວ,ແມ່ນກຳລັງອັນໝັ້ນໜຽວທີ່ຮັກສາສັນຕິພາບແລະສະຖຽນລະພາບຂອງພາກພື້ນອາຊີປາຊີຟິກກໍ່ຄືຂອງໂລກ,ບໍ່ເປັນການຂົ່ມຂູ່ຕໍ່ປະເທດໃດໆ.
ຫວ່າງກ່ອນນີ້,ກະຊວງປ້ອງກັນປະເທດອາເມລິກາໄດ້ປະກາດ"ບົດລາຍງານກຳລັງການທະຫານຂອງຈີນ"ປີ 2008.ໃນເວລາຕອບຄຳຖາມຂອງນັກຂ່າວກ່ຽວກັບເລື່ອງນີ້,ທ່ານຊີນກ່າງກ່າວວ່າ,ບົດລາຍງານສະບັບນີ້ຂອງກະຊວງປ້ອງກັນປະເທດອາເມລິກາໂຄສະນາ"ທິດສະດີການຂົ່ມຂູ່ທາງການທະຫານຂອງຈີນ",ໄດ້ບິດເບືອນຄວາມຈິງຢ່າງໜັກໜ່ວງ,ແຊກແຊງວຽກງານພາຍໃນຂອງຈີນ,ລະເມີດຫຼັກມາດຖານການພົວພັນລະຫວ່າງຊາດ.ຈີນຄັດຄ້ານຢ່າງເດັດດ່ຽວ,ແລະໄດ້ຕອບໂຕ້ຢ່າງຮຸນແຮງຕໍ່ອາເມລິກາ.
ທ່ານຊີນກ່າງກ່າວວ່າ,ຈີນຮຽກຮ້ອງໃຫ້ອາເມລິກາປະລະແນວຄຶດສົງຄາມເຢັນ,ຮັບຮູ້ຈີນແລະການພັດທະນາຂອງຈີນຢ່າງຖືກຕ້ອງ,ເພີ່ມທະວີຄວາມໄວ້ເນື້ອເຊື່ອໃຈກັນແລະການຮ່ວມມືທີ່ມີລັກສະນະສ້າງສັນລະຫວ່າງຈີນກັບອາເມລິກາດ້ວຍການກະທຳຕົວຈິງ.
|
|
