|
ລັດຖະບານໄທວາງມາດຕະການຫຼຸດພາສີເພຶ່ອກະຕຸ້ນໃຫ້ເສດຖະກິດໃຫ້ເຕີບໂຕ
cri
ຕາມຂ່າວສານຈີນ: ວັນທີ 4 ມີນານີ້, ກອງປະຊຸມລັດຖະບານໄທໄດ້ອະນຸມັດມາດຕະການຫຼຸດພາສີຫຼາຍຢ່າງທີ່ສະເໜີໂດຍກະຊວງການເງິນ, ເພື່ອກະຕຸ້ນໃຫ້ເສດຖະກິດເຕີບໂຕ.
ຕອນບ່າຍວັນທີ 4 ມີນານີ້, ທ່ານສຸລະພົງ ສືບວົງລີ, ລັດຖະມົນຕີວ່າການກະຊວງການເງິນໄທປະກາດຕໍ່ນັກຂ່າວວ່າ, ມາດຕະການຫຼຸດພາສີທີ່ກອງປະຊຸມລັດຖະບານອະນຸມັດນັ້ນລວມທັງ ຍົກສູງມາດຕະຖານເກັບພາສີລາຍໄດ້ສ່ວນຕົວຈາກ 1 ແສນ 5 ໝື່ນບາດຂຶ້ນມາຮອດ 2 ແສນບາດ, ຫຼຸດພາສີໂອນຊື່ເຈົ້າຂອງເຮືອນຈາກ 2% ຫຼຸດລົງຮອດ 0,01% ເປັນຕົ້ນ.
ທ່ານສຸລະພົງກ່າວວ່າ, ລັດຖະບານວາງມາດຕະການພາສີດັ່ງກ່າວແມ່ນເພື່ອຟື້ນຟູການເຕີບໂຕຂອງເສດຖະກິດແຫ່ງຊາດ, ຊ່ອຍເຫຼືອມວນຊົນທ່າອ່ອນໃນສັງຄົມແລະວິສາຫະກິດຂະໜາດກາງແລະນ້ອຍ, ຊຸກຍູ້ໃຫ້ການລົງທຶນຂອງເອກະຊົນເພີ່ມຂຶ້ນ. ມາດຕະການຫຼຸດພາສີດັ່ງກ່າວມີຜົນບັງຄັບໃຊ້ນັບແຕ່ວັນທີ 1 ມັງກອນປີ 2008 ເປັນຕົ້ນໄປ.
|
|
