|
ສະບາຍດີທ່ານຜູ້ຟັງທີ່ໂຄລົບ, ປະຈຸບັນ, ກອງປະຊຸມເທື່ອທີໜຶ່ງຂອງສະພາປະຊາຊົນແຫ່ງຊາດຈີນຊຸດທີ11ແລະກອງປະຊຸມເທື່ອທີໜຶ່ງຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ11ພວມຈັດຂຶ້ນຢູ່ປັກກິ່ງ. ກອງປະຊຸມສອງສະພາແມ່ນເຫດການໃຫຍ່ໃນຊີວິດການເມືອງຂອງປະຊາຊົນຈີນ, ໄດ້ພົວພັນກັບຊີວິດຂອງປະຊາຊົນທຸກຖ້ວນໜ້າຢ່າງສະໜິດແໜ້ນ, ກອງປະຊຸມສອງສະພາແຕ່ລະປີລ້ວນແຕ່ໄດ້ຮັບຄວາມເອົາໃຈໃສ່ໃນລະດັບສູງຈາກປະຊາຊົນຈີນ. ກອງປະຊຸມສອງສະພາປີນີ້ແມ່ນກອງປະຊຸມປະຈຳປີເທື່ອທຳອິດພາຍຫຼັງສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນປ່ຽນຊຸດແລ້ວ, ຈະຫາລືຫົວຂໍ້ໃໝ່ຫຼາຍຫົວຂໍ້, ສະນັ້ນ, ມວນຊົນວົງການຕ່າງໆໄດ້ເອົາໃຈໃສ່ເປັນຢ່າງຍິ່ງຕໍ່ກອງປະຊຸມສອງສະພາທີ່ພວມດຳເນີນຢູ່.
ລຸງຈ່າງສົວຢົງ ພະນັກງານບຳນານທີ່ມີອາຍຸ60ກວ່າປີໄດ້ເຮັດຄືທຸກປີທີ່ຜ່ານມາ, ພໍເປີດກອງປະຊຸມສະພາປະຊາຊົນແຫ່ງຊາດ, ແລ້ວທີ່ທ່ານເອົາໃຈໃສ່ກວ່າໝູ່ກໍແມ່ນບົດລາຍງານວຽກງານຂອງລັດຖະບານ, ແລະຈະຕ້ອງອ່ານຢ່າງລະອຽດ. ບົດລາຍງານວຽກງານຂອງລັດຖະບານແມ່ນການສະຫຼຸບວຽກງານໃນປີໜຶ່ງທີ່ຜ່ານມາ, ເບິ່ງວ່າລັດຖະບານໄດ້ຜັນຂະຫຍາຍໜ້າທີ່ຂອງກອງປະຊຸມສະພາປະຊາຊົນເທື່ອກ່ອນແລ້ວຫຼືບໍ່, ຖັດເຮັດດີແລ້ວ, ກໍເບິ່ງວ່າຕໍ່ໄປລັດຖະບານຈະມີແຜນການແນວໃດ, ເບິ່ງແລ້ວຮູ້ສຶກວ່າມີກຳລັງໃຈທີ່ສຸດ.
ໃນບໍ່ເທົ່າໃດປີມານີ້,ສິ່ງທີ່ເຮັດໃຫ້ລຸງຈ່າງສົວຢົງດີໃຈທີ່ສຸດແມ່ນລັດຖະບານຊຸກຍູ້ໃຫ້ເພີ່ມເງິນບຳນານໃຫ້ກຳມະກອນບຳນານຫຼາຍປີຢ່າງຕໍ່ເນື່ອງ."ເມຍຂອງຂ້ອຍແມ່ນກຳມະກອນວິສາຫະກິດ,ທຳອິດໄດ້ເບ້ຍບຳນານພຽງແຕ່400ກວ່າຢວນຕໍ່ເດືອນ, ໃນ4ປີມານີ້,ລັດໄດ້ຂຶ້ນໃຫ້ຫຼາຍເທື່ອ,ດຽວນີ້ໄດ້ຮອດ1000ກວ່າຢວນແລ້ວ,ເລື່ອງນີ້ເຮັດໃຫ້ຂ້ອຍຂອບໃຈທີ່ສຸດ."
ຢູ່ຈີນ,ຜູ່ເອົາໃຈໃສ່"ນຳກອງປະຊຸມສອງສາະພາ",ເອົາໃຈໃສ່ນຳບົດລາຍງານວຽກງານລັດຖະບານຄືກັບລຸຈ່າງສົວຢົງຍັງໝີຫຼາຍ.ທ່ານຢາງຈຸ່ນແມ່ນຜູ່ຮັບຜິດຊອບຂອງບໍລິສັດໂຄສະນາສິນຄ້າແຫ່ງໜຶ່ງຂອງປັກກິ່ງ,ເລີ່ມລົງທຶນໃນຕະຫຼາດບັດຫຸ້ນສ່ວນໃນປີ1993,ສິບກວ່າປີຜ່ານໄປ,ທ່ານຢາງໄດ້ກຳໄລ3-4ແສນຢວນຈາກຕະຫຼາດຫຸ້ນ.ຈາກ"ກອງປະຊຸມສອງສະພາ"ປີໃດ,ທ່ານກໍໄດ້ຮູ້ທ່ວງທ່າພັດທະນາຂອງເສດຖະກິດຈີນ,ແລ້ວຊອກຫາທິດລົງທຶນຂອງຕົນຢ່າງຖືກຕ້ອງ.
ໃນຜູ່ແທນສະພາຜູ້ແທນປະຊາຊົນແຫ່ງຊາດຈີນຊຸດໃໝ່ປີນີ້,ຜູ່ແທນຊາວກະສິກອນທີ່ມາຈາກຂັ້ນຮາກຖານໄດ້ເພີ່ມຂຶ້ນຫຼາຍກວ່າຊຸດກ່ອນ.ໃນນັ້ນ,ຜູ່ແທນຊາວນາ3ຄົນທີ່ເຮັດວຽກຢູ່ຕົວເມືອງໄດ້ກາຍເປັນຈຸດສົນໃຈທີ່ຜູ້ຄົນທັງຫຼາຍເອົາໃຈໃສ່.ນີ້ແມ່ນສະພາປະຊາຊົນແຫ່ງຊາດຈີນເລືອກເອົາຊາວນາທີ່ເຮັດວຽກຢູ່ຕົວເມືອງເປັນຜູ້ແທນສະພາເປັນເທື່ອທຳອິດ.
ເມື່ອຫຼາຍປີກ່ອນ, ທ້າວຈ່າງຊຽງໄດ້ຈາກບ້ານຢູ່ຊົນນະບົດທາງພາກຕາເວັນອອກສຽງເໜືອຂອງຈີນ, ມາເຮັດວຽກຢູ່ນະຄອນຫຼວງປັກກິ່ງ. ເມື່ອຮູ້ວ່າປີນີ້ມີຊາວກະສິກອນທີ່ເຮັດວຽກໃນຕົວເມືອງຄືກັບຕົນເອງໄດ້ກາຍເປັນຜູ້ແທນປະຊາຊົນ, ທ້າວຈ່າງຊຽງກໍຮູ້ສຶກດີໃຈຫຼາຍ. ລາວເວົ້າວ່າ, "ສອງປີນີ້ຂ້ອຍເອົາໃຈໃສ່ນຳກອງປະຊຸມສອງສະພາທີ່ສຸດ, ເພາະວ່າກອງປະຊຸມໃນສອງປີນີ້ໄດ້ສະເໜີວິທີແກ້ໄຂບັນຫາຊີວິດການເປັນຢູ່ຂອງຊາວກະສິກອນທີ່ເຮັດວຽກໃນຕົວເມືອງຄືພວກຂ້ອຍນັບມື້ນັບຫຼາຍ, ນອກນັ້ນຂ້ອຍຍັງໄດ້ຍິນວ່າປີນີ້ມີຜູ້ແທນ3ຄົນແມ່ນຊາວກະສິກອນທີ່ເຮັດວຽກໃນຕົວເມືອງ, ຫວັງວ່າເຂົາເຈົ້າຄົງຈະຍາດແຍ່ງຜົນປະໂຫຍດ ຫຼາຍກວ່າເກົ່າໃຫ້ຊາວກະສິກອນພວກເຮົາ, ກໍຫວັງວ່າລັດຖະບານຄົງຈະເອົາໃຈໃສ່ນຳບັນຫາຕ່າງໆທີ່ພວກເຮົາພົບພໍ້ໃນວຽກງານແລະໃນຊີວິດຕົວຈິງ.
ໃນກອງປະຊຸມສອງສະພາທຸກໆປີ, ຜູ້ແທນສະພາປະຊາຊົນໄດ້ຕາງໜ້າປະຊາຊົນຈີນ1ຕື້300ລ້ານຄົນປະຕິບັດສິດທິ, ຕົກລົງວຽກງານສຳຄັນຂອງປະເທດ, ກຳມະການສະພາປຶກສາການເມືອງປະຊາຊົນແຫ່ງຊາດຈີນກໍຕ່າງສະເໜີຄວາມຄຶດຄວາມເຫັນກ່ຽວກັບທິດທາງນະໂຍບາຍໃຫຍ່ຂອງລັດແລະບັນຫາພົ້ນເດັ່ນທີ່ປະຊາຊົນເອົາໃຈໃສ່ນຳ, ປະຊາຊົນຈີນທຳມະດາສາມັນກໍຍິ່ງໄດ້ສ່ອງແສງບັນຫາທີ່ພົບພໍ້ໃນວຽກງານແລະຊີວິດການເປັນຢູ່ພ້ອມດ້ວຍ ຄວາມເຫັນແລະຂໍ້ສະເໜີກ່ຽວກັບການພັດທະນາປະເທດຊາດໃຫ້ຜູ້ແທນສະພາປະຊາຊົນແລະກຳມະການສະພາປຶກສາການເມືອງ, ຫວັງໃຫ້ຜ່ານຈາກວຽກງານຂອງພວກເພິ່ນ, ເຮັດໃຫ້ຄວາມຫວັງຂອງຕົນປະກົດເປັນຈິງ. ຄົນຈີນທຸກຄົນລ້ວນແຕ່ມີຄວາມສົນໃຈແລະຄວາມຄອງຄອຍຕໍ່ກອງປະຊຸມສອງສະພາ.
|
