|
ສະບາຍດີທ່ານຜູ້ຟັງທີ່ຮັກແພງ, ທຸກໆວັນຈັນ ຜູ້ດຳເນີນລາຍການໄຊຊະນະນຳລາຍການແຟຊັນສຽງເພງມາພົບກັບທ່ານອີກແລ້ວ. ໃນຕອນເລີ່ມຕົ້ນລາຍການມື້ນີ້, ໄຊຊະນະຈະຈັດເພງໃໝ່ເພງໜຶ່ງຂອງທາວເຈີ ຄືເພງ FREE ແປວ່າ ເສລີພາບ, ພໍຟັງຊື່ເພງທ່ານຜູ້ຟັງອາດຈະໄດ້ຮູ້ແລ້ວວ່າຫົວຂໍ້ຫຼັກຂອງເພງນີ້, ກໍຄືເນື້ອເພງ"ເສລີພາບແມ່ນທາດແທ້ຂອງຄວາມຮັກ. ໃນເພງນີ້ຮ້ອງວ່າ, ຂ້ອຍມີຂອບເຂດທີ່ໄປບໍ່ຮອດໂດຍຕະຫຼອດ, ສະນັ້ນບໍ່ຢາກປະລະໄປ, ກຳກັບທາດແທ້ແຫ່ງຄວາມຮັກ, ຍິ່ງຮູ້ວ່າຖືກທະນຸຖະໜອມ, ບໍ່ໄດ້ປ່ຽນແປງຄວາມຈິງໃຈຈັກເທື່ອ, ພວກເຮົາເຊື່ອໝັ້ນວ່າ, ເສລີພາບຈຶ່ງແມ່ນທາດແທ້ແຫ່ງຄວາມຮັກ.
ເສລີພາບແມ່ນທາດແທ້ແຫ່ງຄວາມຮັກ, ຄັນຊັ້ນຄວາມຄິດຮອດຄິດເຖິງກໍ່ນັບເປັນເນື້ອໃນສຳຄັນໃນຄວາມຮັກແລ້ວ.ຕໍ່ໄປຈະໄດ້ຟັງເພງໃໝ່ຂອງລຽງຈິ້ງຣູ, ວຽກທຳອິດທຸກມື້. ແຕ່ລະມື້ພໍມືນຕາວຽກທຳອິດກໍ່ແມ່ນຄິດຮອດເຈົ້າ, ໃນອາກາດມີກິ່ນຫອມຂອງສະໂຕເບຼີ, ແຕ່ລະມື້ໃຝ່ຝັນວາຢອກຫຼິ້ນກັບເຈົ້າຢູ່ໃນທົ່ງຫຍ້າ, ນັ້ນແມ່ນການນັດໝາຍອັນຈົບງາມທີ່ສຸດ. ແຕ່ລະມື້ຈາກເຈົ້າກັບເມືອບ້ານ, ວຽກທຳອິດກໍ່ແມ່ນທວນຄືນວ່າຄວາມມ່ວນຊື່ນກັບຄວາມຕື່ນເຕັ້ນໃຈຫຼາຍເທົ່າໃດ, ແຕ່ລະມື້ຟ້າດີລົມຄ່ອຍກໍ່ແມ່ນຍ້ອນເຈົ້າ, ແມ່ນເຈົ້າສ້າງອາກາດດີທີ່ສຸດໃຫ້ຂ້ອຍ.
ຖັດມາທ່ານຈະໄດ້ຟັງເພງນຳຊື່ດຽວກັນໃນCDຊຸດໃໝ່ຂອງຢົງປາງ ຄື ເພງ ຄວາມປາຖະໜາ.
ຕໍ່ໄປໄຊຊະນະຈະຈັດເພງໜຶ່ງທີ່ຮ້ອງໂດຍລິວເຕີຮວາກັບເຊີນອີ້ຊຸ້ນ, ຄືເພງ ອ້າຍນ້ອງ. ໃນເພງຮ້ອງວ່າ, ຜູ້ເປັນອ້າຍນ້ອງບໍ່ໄດ້ຈຳແນກເຈົ້າກັບຂ້ອຍ, ຄູ່ມືຄູ່ຕີນກໍ່ບໍ່ຈຳແນກຂວາກັບຊ້າຍ, ຜູ້ເປັນໝູ່ເພື່ອນບໍ່ຈຳເປັນໃຫ້ຄຳໝັ້ນສັນຍາໃດໆ, ພັດຍັງໃຫ້ຄວາມຈິງໃຈແກ່ຂ້ອຍ.
ຖັດແມ່ນແມ່ນເພງນຳຊື່ດຽວກັນໃນCDຊຸດໃໝ່ຂອງຊູ່ດາລຸ້ຍຄືເພງຄວາມງາມທີ່ຫາອັນປຽບບໍ່ໄດ້.
ຕອນສຸດທ້າຍລາຍການມື້ນີ້ໄຊຊະນະຈະຈັດເພງຮ່ວມທາງສູ້ທົນ. ເມື່ອຟັງເພງນີ້ໄຊຊະນະກໍໄດ້ຕື່ນເຕັ້ນໃຈຢ່າງເລິກເຊິ່ງ, ເພງນີ້ໄດ້ສ່ອງແສງຄວາມຮັກແພງຈິງຈັງລະຫວ່າງໝູ່ເພື່ອນ, ສະໜັບສະໜູນກັນ, ບໍ່ວ່າຟ້າຝົນລົມແຮງປານໃດຍັງຊ່ອຍກັນຍ່າງຕໍ່ໄປ. ຄຽງບ່າຄຽງໄຫຼ່ປະເຊີນກັບສິ່ງທ້າທາຍ, ອຸທິດເຫື່ອແຮງແກ່ກັນ, ບໍ່ເຄີຍປອມຕົວຈັກເທື່ອ, ບໍ່ຕ້ອງເປັນຫ່ວງວ່າກ້າວໜ້າຊັກຊ້າ, ຕ້ອງມີມື້ໃດມື້ໜຶ່ງຈະໄປຮອດແດນຜາສຸກ. ເສັ້ນທາງລົມຝົນນີ້ພວກເຮົາເກາະແຂນກັນຜ່ານໄປ, ຍຶດໝັ້ນນ້ຳໃຈຂອງຕົນ, ສຳຜັດກັບຄວາມຜາກສຸກທີ່ຄ້ຳຊູກັນ.
ບໍ່ວ່າມີອຸປະສັກຫຍຸ້ງຍາກຫຼາຍປານໃດ, ພວກເຮົາເກາະແຂນເດີນທາງຮ່ວມກັນ. ທ່ານຜູ້ຟັງ, ລາຍການແຟຊັນສຽງເພງພາກນີ້ຈົບລົງທໍ່ນີ້, ພົບກັນໃໝ່ໃນວັນຈັນໜ້າ, ສະບາຍດີ.
|
