|
ອະດີດນາຍົກລັດຖະມົນຕີໄທປະຕິເສດບໍ່ຢາກຂຶ້ນຮັບຕຳແໜ່ງທີ່ປຶກສາເສດຖະກິດຂອງລັດຖະບານ
cri
Author: min
ຕາມຂ່າວ CRI: ຫວ່າງມໍ່ໆນີ້, ທ່ານສຸລະພົງ ສືບວົງລີ ລັດຖະມົນຕີວ່າການກະຊວງການຄ້າຂອງໄທສະເໜີໃຫ້ທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທຂຶ້ນຮັບຕຳແໜ່ງເປັນທີ່ປຶກສາເສດຖະກິດຂອງລັດຖະບານ, ແຕ່ທ່ານທັກສິນ ໄດ້ປະຕິເສດຂໍ້ສະເໜີດັ່ງກ່າວ.
ວັນທີ 5 ມີນານີ້, ສື່ມວນຊົນຂອງໄທແຈ້ງຂ່າວວ່າ, ໃນເວລາຊີ້ແຈງສາເຫດຂອງການປະຕິເສດບໍ່ຂຶ້ນຮັບຕຳແໜ່ງເປັນທີ່ປຶກສາຂອງລັດຖະບານ, ທ່ານທັກສິນເວົ້າວ່າ, ດ້ານໜຶ່ງ, ທ່ານໄດ້ພິຈາລະນາເຖິງຊື່ສຽງຖານະສຳຄັນຂອງຕົນໃນເມື່ອກ່ອນ, ອີກດ້ານໜຶ່ງ, ທ່ານບໍ່ຢາກຝ່າຝືນຄຳໝັ້ນສັນຍາຂອງຕົນທີ່ວ່າ: ຈະບໍ່ຫຍຸ້ງກ່ຽວກັບການເມືອງອີກ.
ວັນທີ 28 ກຸມພາປີນີ້, ທ່ານທັກສິນເດີນທາງກັບຄືນໄທ. ໃນມື້ທີ່ທ່ານທັກສິນກັບຄືນປະເທດ, ທ່ານສຸລະພົງກໍ່ໄດ້ກ່າວວ່າ, ທ່ານຫວັງຢາກໃຫ້ທ່ານທັກສິນຂຶ້ນຮັບຕຳແໜ່ງເປັນທີ່ປຶກສາເສດຖະກິດຂອງລັດຖະບານ.
|
|
