ຕາມcri,ເຖິງວ່າໄດ້ຮັບຜົນສະທ້ອນຂອງປັດໄຈຕ່າງໆຄືລາຄາສິນຄ້າຂຶ້ນ,ຕະຫຼາດຫຸ້ນກະທົບກະເທືອນແລະວິກິດການເງິນກູ້ດ້ອຍຄຸນນະພາບຂອງອາເມລິກາເປັນຕົ້ນ,ເຖິງວ່າມີບາງຄົນສົງໄສວ່າເສດຖະກິດຈີນຈະສາມາດສືບຕໍ່ເຕີບໂຕຢ່າງວ່ອງໄວຫຼືບໍ່ພາຍຫຼັງງານກິລາໂອລິມປິກປັກກິ່ງ?ແຕ່ວ່າຟັງບົດລາຍງານວຽກງານລັດຖະບານຂອງນາຍົກລັດຖະມົນຕີເວິ່ນເຈ່ຍປາວແລ້ວ,ທ່ານຈະເຊື່ອໝັ້ນວ່າ,ຈີນສາມາດຮັກສາເສດຖະກິດພັດທະນາຢ່າງໝັ້ນທ່ຽງ ວ່ອງໄວແລະປອດໃສໄດ້ຢ່າງແນ່ນອນ.
ໃນບົດລາຍງານວຽກງານລັດຖະບານຕໍ່ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ,ນາຍົກລັດຖະມົນຕີເວິ່ນເຈ່ຍປາວສະເໜີອອກວ່າ,ປີນີ້,ເສດຖະກິດຈີນຈະຮັກສາຈັງຫວະເຕີບໂຕປະມານ8%.ເມື່ອທຽບກັບຈັງຫວະເຕີບໂຕທີ່ຜູ່ຊ່ຽວຊານເສດຖະກິດບາງຄົນແລະອົງການສາກົນຄາດຄະເນວ່າເປັນປະມານ10%,ເຖິງວ່າຈຸດປະສົງເຕີບໂຕເສດຖະກິດນີ້ແມ່ນມີລັກສະນະສະຫງວນ,ແຕ່ມັນຍັງສະແດງເຖິງຄວາມໝັ້ນໃຈຂອງຈີນທີ່ຮັກສາເສດຖະກິດພັດທະນາຢ່າງວ່ອງໄວ.
ປີ2007,ຈີນຄາດຄະເນຈັງຫວະເຕີບໂຕເສດຖະກິດປີນັ້ນກໍ່ແມ່ນ8%,ແຕ່ວ່າຈັງຫວະເຕີບໂຕຕົວຈິງແມ່ນ11,4%.
ສະນັ້ນ,ຄວາມໝັ້ນໃຈຂອງຈີນທີ່ສາມາດຮັກສາເສດຖະກິດພັດທະນາຢ່າງຕໍ່ເນື່ອງແລະວ່ອງໄວນັ້ນມາຈາກບ່ອນໃດ,ບ່ອນອີງຂອງມັນແມ່ນຫຍັງ?
ກ່ອນອື່ນ,ພາຍຫຼັງປະຕິຮູບແລະໄຂປະຕູສູ່ພາຍນອກ30ປີແລ້ວ,ເສດຖະກິດເຕີບໂຕຢ່າງຕໍ່ເນື່ອງແລະວ່ອງໄວ,ໄດ້ສະໜອງພື້ນຖານແລະການຮັບປະກັນອັນສຳຄັນເພື່ອເສດຖະກິດຈີນສືບຕໍ່ພັດທະນາ.ພາຍຫຼັງປີ1978ເປັນຕົ້ນມາ,ເສດຖະກິດຈີນເຕີບໂຕຢ່າງວ່ອງໄວດ້ວຍຄວາມໄວ9%ກວ່າໃນແຕ່ລະປີ;ໃນ5ປີທີ່ຜ່ານມາ,ຄວາມໄວຂອງການເຕີບໂຕແຕ່ລະປີຂອງເສດຖະກິດຈີນລື່ນກາຍ10%.ປີ2007,GDPຂອງຈີນສູງຮອດ24000ຕື້ຢວນ,ຍອດຈຳນວນເສດຖະກິດເປັນທີ4ໃນໂລກ.
ອັນທີສອງ,ການເຕີບໂຕຂອງເສດຖະກິດຈີນມີກຳລັງແຮງບົ່ມຊ້ອນສູງ.ປັດຈຸບັນ,ຈີນພວມຕັ້ງໜ້າຊຸກຍູ້ບາດກ້າວພັດທະນາທີ່ຫັນເປັນອຸດສາຫະກຳ,ຫັນເປັນຕົວເມືອງແລະຫັນເປັນຂໍ້ມູນຂ່າວສານ,ສິ່ງເຫຼົ່ານີ້ລ້ວນແຕ່ຈະຕຸ້ນຄວາມຕ້ອງການລົງທຶນແລະຄວາມຕ້ອງການບໍລິໂພກຂອງຈີນຕື່ມອີກ.ນອກນີ້,ຄຽງຄູ່ກັບຄວາມສາມາດປະດິດສ້າງເປັນເຈົ້າຕົນເອງຂອງຈີນເພີ່ມຂຶ້ນ,ກຳລັງແຂ່ງຂັນໃນສາກົນຂອງຜະລິດຕະພັນຈີນກໍ່ຈະເພີ່ມຂຶ້ນຢ່າງບໍ່ຢຸດຢັ້ງ.ສິ່ງເຫຼົ່ານີ້ລ້ວນແຕ່ຈະສະໜອງຊ່ອງທາງອັນກວ້າງຂວາງເພື່ອເສດຖະກິດຈີນສືບຕໍ່ເຕີບໂຕ.
ອັນທີສາມ,ຈີນພວມເດີນຕາມເສັ້ນທາງທີ່ພັດທະນາຢ່າງວິທະຍາສາດ.ປີນີ້,ຈີນໄດ້ຖືການປ້ອງກັນບໍ່ໃຫ້ການເຕີບໂຕເສດຖະກິດໄວໂພກຫັນເປັນຮ້ອນໂພກ,ປ້ອງກັນບໍ່ໃຫ້ລາຄາແພງຂຶ້ນທີ່ມີລັກສະນະໂຄງປະກອບຜັນປ່ຽນເປັນເງິນເຟີ້ອັນເດັ່ນຊັດເປັນໜ້າທີ່ສຳຄັນທີ່ສຸດຂອງການດັດສົມຄວບຄຸມມະຫາພາກ.
ພວກເຮົາມີເຫດຜົນຫຼາຍອັນທີ່ເຊື່ອໝັ້ນວ່າ,ຄ່ຽງຄູ່ກັບພັດທະນະທັດວິທະຍາສາດລົງເລິກປະຕິບັດໃນການສ້າງສາເສດຖະກິດຈີນ,ຫຼາຍບັນຫາໃນການພັດທະນາເສດຖະກິດຈີນຈະໄດ້ຮັບການແກ້ໄຂຫຼືຜ່ອນຄາຍເປັນກ້າວໆ,ປະຊາຊົນຈີນກໍ່ຈະໄດ້ຮັບຜົນປະໂຫຍດຢ່າງເຕ້ມສ່ວນທີ່ເສດຖະກິດພັດທະນາຢ່າງວ່ອງໄວແລະປອດໃສນຳມາໃຫ້.
|