|
ນາງຫູສຽວອ້ຽນປີນີ້ອາຍຸ34ປີ, ແມ່ນຊາວກະສິກອນແຂວງເຊສວນທີ່ເຮັດວຽກໃນຕົວເມືອງ. ເມື່ອ10ປີກ່ອນ, ນາງຫູສຽວອ້ຽນໄດ້ຈາກບ້ານເກີດໄປເຮັດວຽກຢູ່ແຂວງກວາງຕຸ້ງທີ່ເປັນເຂດໜຶ່ງທີ່ເສດຖະກິດພັດທະນາກວ່າໝູ່. ນາງບໍ່ໄດ້ນຶກໄດ້ຝັນວ່າດຽວນີ້ນາງກັບຊາວກະສິກອນອີກສອງຄົນທີ່ເຮັດວຽກໃນຕົວເມືອງໄດ້ຮັບເລືອກຕັ້ງເປັນຜູ້ແທນສະພາປະຊາຊົນແຫ່ງຊາດຢູ່ໃນແຂວງທີ່ເຂົາເຈົ້າເຮັດວຽກ, ກາຍເປັນສະມາຊິກຜູ້ໜຶ່ງໃນອົງການອຳນາດສູງສຸດຊຸດໃໝ່ຂອງລັດທີ່ມີອາຍຸຕຳແໜ່ງ5ປີ. ສາມາດເວົ້າໄດ້ວ່າ, ນີ້ແມ່ນເຫດການສຳຄັນໃນຂະບວນວິວັດການເມືອງປະຊາທິປະໄຕຂອງຈີນ.
ນັບແຕ່ຈີນປະຕິບັດການປະຕິຮູບແລະໄຂປະຕູສູ່ພາຍນອກໃນທ້າຍຊຸມປີ1970ມານີ້, ເສດຖະກິດໄດ້ເພີ່ມຂຶ້ນຢ່າງວ່ອງໄວ. ຄຽງຄູ່ກັບການສັບຊ້ອນຜະລິດຕະກຳ, ຊາວກະສິກອນນັບມື້ນັບຫຼາຍໄດ້ຈາກບ້ານເກີດໄປເຮັດວຽກຢູ່ໃນຕົວເມືອງ, ແລະກາຍເປັນຊັ້ນຊົນຊາວກະສິກອນທີ່ເຮັດວຽກໃນຕົວເມືອງ. ຕາມສະຖິຕິທີ່ບໍ່ຄົບຖ້ວນ, ປະຈຸບັນຈີນມີຊາວກະສິກອນທີ່ເຮັດວຽກໃນຕົວເມືອງປະມານ130ລ້ານຄົນ, ເຂົາເຈົ້າສ່ວນຫຼາຍປະກອບອາຊີບກໍ່ສ້າງ ຜະລິດຜົນປຸງແຕ່ງແລະການຂົນສົ່ງ, ແມ່ນພາກສ່ວນທີ່ສຳຄັນໃນກຳມະກອນອຸດສາຫະກຳຂອງຈີນ, ໄດ້ປະກອບສ່ວນອັນສຳຄັນໃນການສ້າງສາຕົວເມືອງແລະພັດທະນາເສດຖະກິດສັງຄົມ.
ແຕ່ວ່າ,ຍ້ອນວ່າຈີນປະຕິບັດລະບົບສຳມະໂນຄົວຕົວເມືອງແລະຊົນນະບົດທີ່ຕ່າງກັນ,ຊັ້ນຊົນຊາວກະສິກອນທີ່ເຮັດວຽກໃນຕົວເມືອງຈຶ່ງຢູ່ໃນທ່າອ່ອນໃນຫຼາຍດ້ານໃນຊີວິດຕົວຈິງ,ການສຶກສາ,ການປິ່ນປົວພະຍາດ,ເຮືອນຢູ່,ການປະກັນສັງຄົມແລະປະກອບອາຊີບແມ່ນຍາກກວ່າໄທເມືອງຫຼາຍ.ພ້ອນກັນນັ້ນ,ຍ້ອນວ່າລະດັບວັດທະນະທຳອ່າວຕ່ຳແລະສະຕິກົດໝາຍກໍບອບບາງ, ສິດແລະຜົນປະໂຫຍດທີ່ຊອບກົດບາງຢ່າງຂອງໝາຍຊາວນາທີ່ເຮັດວຽກຢູ່ໃນຕົວເມືອງຖືກຂະແໜງການຈ້າງຄົນລ່ວງລ້ຳເລື້ອຍໆ.ເລື່ອງເຫຼົ່ານີ້ໄດ້ກະທົບຄວາມທ່ຽງທຳແລະຄວາມເປັນທຳຂອງສັງຄົມແລ້ວ,ແລະນັບມື້ນັບດູດດຶງຄວາມເອົາໃຈໃສ່ຈາກສະພາຜູ້ແທນປະຊາຊົນແຫ່ງຊາດຈີນ,ລັດຖະບານຈີນແລະວົງການຕ່າງໆໃນສັງຄົມ.ຊາວນາກະສິກອນທີ່ເຮັດວຽກຢູ່ຕົວເມືອງ3ຄົນກາຍເປັນຜູ່ແທນສະພາຜູ້ແທນປະຊາຊົນແຫ່ງຊາດ,ໃຊ້ສິດແລະຜົນປະໂຫຍດຂອງຜູ່ແທນຕາມລັດຖະທຳມະນູນ,ເຂົ້າຮ່ວມການວາງທິດທາງນະໂຍບາຍການເມືອງຂອງລັດໂດຍກົງ,ສາມາດເຮັດໃຫ້ຜົນປະໂຫຍດຕິດຕົວແລະສິດທິທີ່ຊອບກົດໝາຍຂອງຊັ້ນຊົນກະສິກອນທີ່ເຮັດວຽກຢູ່ໃນຕົວເມືອງໄດ້ຮັບການຮັກສາໃນລະດັບສູງກວ່າເກົ່າ,ສະແດງອອກໃຫ້ເຫັນລັກສະນະປະຊາທິປະໄຕຂອງລະບອບສະພາຜູ່ແທນປະຊາຊົນແຫ່ງຂາດຈີນຢ່າງຮອບດ້ານກວ່າເກົ່າ.
ທີ່ຈິງແລ້ວ,ຊາວກະສິກອນທີ່ເຮັດວຽກຢູ່ໃນຕົວເມືອງ3ຄົນດັ່ງກ່າວກາຍເປັນຜູ່ແທນສະພາປະຊາຊົນແຫ່ງຊາດບໍ່ແມ່ນຈຸດຮຸ່ງພຽງຈຸດດຽວຂອງສະພາຜູ່ແທນປະຊາຊົນຊຸດນີ້.ດອກໃນກອງປະຊຸມສະພາປະຊາຊົນຊຸດນີ້,ຈຳນວນຜູ່ແທນກຳມະກອນແນວທີໜຶ່ງໄດ້ເພີ່ມຂຶ້ນຫຼາຍກວ່າຊຸດກ່ອນ1ເທົ່າກວ່າ,ຜູ່ແທນຊາວກະສິກອນຂັ້ນຮາກຖານເພີ່ມຂຶ້ນຫຼາຍກວ່າຊຸດກ່ອນ70ກວ່າ%.ນີ້ສະແດງອອກໃຫ້ເຫັນວ່າການເມືອງປະຊາທິປະໄຕຂອງຈີນໄດ້ມີການປ່ຽນແປງຢ່າງເດັ່ນຊັດ.
ຄາດຄະເນໄດ້ວ່າ,ໃນຂ້າງໜ້ານີ້,ຈຳນວນຜູ່ແທນກະສິກອນທີ່ເຮັດວຽກໃນຕົວເມືອງຍັງຈະເພີ່ມຂຶ້ນ;ແລະກໍ່ຄາດຄະເນໄດ້ວ່າ,ຄ່ຽງຄູ່ກັບການປະຕິຮູບນະໂຍບາຍສຳມະໂນຄົວຈີນແລະການຂະຫຍາຍຕົວຂອງຂະບວນວິວັດສັງຄົມຫັນເປັນອຸດສາຫະກຳ,ການເອີ້ນຂອງຊາວກະສິກອນທີ່ເຮັດວຽກຢູ່ໃນເມືອງຈະບໍ່ຄົງຕົວຢູ່ອີກ,ຜູ່ແທນຊາວກະສິກອນທີ່ເຮັດວຽກຢູ່ໃນຕົວເມືອງກໍຈະຫັບຫາຍໄປ.ແຕ່ບໍ່ວ່າຜູ່ແທນຊາວກະສິກອນທີ່ເຮັດວຽກຢູ່ໃນຕົວເມືອງຈະປະກົດຂຶ້ນຫຼືຫາຍຕົວໄປ,ລ້ວນແຕ່ພຽງແຕ່ແມ່ນປະກົດການຊະນິດໜຶ່ງໃນຂະບວນວິວັດການເມືອງປະຊາທິປະໄຕຂອງຈີນທໍ່ນັ້ນ.ບໍ່ຕ້ອງສົງໄສເລີຍວ່າ,ໃນເວລາທີ່ການປະຕິຮູບເສດຖະກິດໄດ້ຮັບຜົນສຳເລັດອັນສຳຄັນນັ້ນ,ຈີນຈະຊຸກຍູ້ການສ້າງສາປະຊາທິປະໄຕໃນລະດັບຕ່າງໆຕື່ມອີກ,ລວມທັງປະຊາທິປະໄຕໃນສະພາປະຊາຊົນ,ສະພາເປີກສາການເມືອງ, ພາຍໃນພັກແລະຂັ້ນຮາກຖານແນວໃດ,ຈີນກຊຈະສາມາດປະດິດສ້າງຮູບການປະຊາທິປະໄຕທີ່ສອດຄ່ອງກັບສະພາບຕົວຈິງຂອງປະເທດຕົນກວ່າໝູ່ຢ່າງແນ່ນອນ.
|
