|
ສະບາຍດີທ່ານຜູ້ຟັງທີ່ເຄົາລົບ
ມື້ນີ້ແມ່ນວັນຈັນ,ທີ3ມີນາ 2008.ນັບແຕ່ມື້ນີ້ເປັນຕົ້ນໄປປະມານ10ກ່ວາວັນຢູ່ທີ່ປັກກິ່ງ,ນະຄອນຫລວງຂອງຈີນຈະມີເຫດການທີ່ມີຄວາມຫມາຍສຳຄັນດ້ານການ ເມືອງເກີດຂຶ້ນ,ນັ້ນກໍ່ຄືການດຳເນີນວຽກງານຂອງສອງສະພາ,ນັ້ນກໍ່ຄືສະພາປຶກສາການເມືອງປະຊາຊົນແຫ່ງຊາດຈີນທີ່ຫາກໍ່ໄຂກອງປະຊຸມເທື່ອທີ1ສະໄຫມທີ່11ຂອງຕົນໃນເວລາ15ໂມງມື້ນີ້ເອງແລະໃນວັນພຸດທີ່ຈະມາເຖີງນີ້,ກອງປະຊຸມເທື່ອທີ1ຂອງສະພາຜູ້ແທນປະຊາຊົນແຫ່ງຊາດຈີນສະໄຫມທີ11ກໍ່ຈະໄຂຂຶ້ນ,ສອງສະພານີ້ມີບົດບາດສຳຄັນຫລາຍຕໍ່ການຕັດສິນບັນຫາແລະປຶກສາຫາລືໃນວຽກງານປະຕິຮູບໄຂປະຕູສູ່ພາຍນອກພັດທະນາເສດຖະກິດສ້າງສາສັງຄົມທີ່ກົມກຽວກັນຂອງຈີນ,ສະນັ້ນນັບແຕ່ມື້ນີ້ໄປວິທະຍູສາກົນແຫ່ງປະເທດຈີນCRIພວກເຮົາຈຶ່ງໄດ້ຈັດເປັນລາຍການພິເສດທຸກໆວັນປະມານ5ມື້ທີ່ເພື່ອນຳສະເຫນີບົດບາດທີ່ສຳຄັນ,ປະຫວັດຄວາມເປັນມາແລະການເຄື່ອນໄຫວຂອງສອງປະຊຸມສະພານີ້ໂດຍມີສັງຂານຈູມຄຳພັນເປັນຜູ້ສະເຫນີສູ່ທ່ານຟັງ.
ມື້ນີ້ແມ່ນມື້ທຳອິດຂອງການດຳເນີນກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນຫລືເວົ້າຫຍໍ້ເປັນພາສາອັງກິດວ່າCPPCC,ສະນັ້ນສັງຂານຂໍແນະນຳໃຫ້ທ່ານຮູ້ເຖີງຫນ້ທີ່ພາລະບົດບາດຂອງສະພານີ້ໃຫ້ທ່ານຊາບກ່ອນວ່າມີຄວາມສຳຄັນແນວໃດຕໍ່ລະບົບການເອງຂອງຈີນ.
ສະພາປຶກສາການເມືອງປະຊາຊົນຈີນແມ່ນອົງການແນວໂຮມເອກກະພາບຮັກຊາດຂອງປະຊາຊົນຈີນ,ແມ່ນກົງຈັກທີ່ຫລາຍພັກຮ່ວມມືກັນແລະປຶກສາຫາລືກັນທາງດ້ານການເມືອງທີ່ນຳພາໂດຍພັກກອມມູນິດຈີນ.ຖືວ່າແມ່ນຮູບການສຳຄັນຫລາຍໃນການເສີມຂະຍາຍປະຊາທິປະໄຕສັງຄົມນິຍົມໃນຊີວິດການເມືອງຂອງຈີນສອງຫົວຂໍ້ທີ່ສຳຄັນທີ່ສຸດຂອງສະພາປຶກສາການເມືອງປະຊາຊົນຈີນກໍ່ຄືການເຕົ້າໂຮມຄວາມສາມັກຄືແລະມີປິຊາທິປະໄຕນັ້ນເອງ.ທ່ານຜູ້ຟັງກໍ່ຄົງຈະຮູ້ແລ້ວວ່າພັກກອມມູນິດຈີນແມ່ນພັກຄອງອຳມາດ,ແຕ່ວ່າໃນລະບົບການເມືອງຈີນຍັງມີພັກຝ່າຍປະຊາທິປະໄຕອີກ8ທີ່ກຳເນີດຂຶ້ນໃນໄລຍະສົງຄາມຕໍ່ຕ້ານຍີ່ປຸ່ນແລະສົງຄາມປົດປ່ອຍປະເທດຊາດ.8ພັກດັງກ່າວມີຊື່ດັ່ງນີ້ຄື ຄະນະກຳມະການປະຕິວັດພັກກົກມິນຕັ້ງຈີນ,ອົງການສຳພັນປະຊາທິປະໄຕຈີນ,ສະມາຄົມປະຊາທິປະໄຕສ້າງຊາດຈີນ,ສະມາຄົມສົ່ງເສີມປະຊາທິປະໄຕຈີນ,ພັກປະຊາທິປະໄຕຊາວນາ-ກຳມຳກອນຈີນ,ພັກຈື້ກົງຈີນ,ສະມາຄົມວິຊາການຈິວຊານແລະອົງການສຳພັນໃຕ້ຫວັນປົກຄອງຕົນເອງໂດຍປະຊາທິປະໄຕ.ທັງ8ພັກປະຊາທິປະໄຕນີ້ສະຫນັບສະຫນູນການນຳພາຂອງພັກກອມມູນິດໃນດ້ານການເມືອງນີ້ແມ່ນການເລືອກເອົາດ້ານປະຫວັດສາດຂອງເຂົາເຈົ້າໃນການຮ່ວມມືຍາວນານແລະຕໍ່ສູ້ຢາກບາກບັ່ນຮວ່ມກັບພັກກອມມູນິດຈີນ,ເຂົາເຈົ້າມີເສລີພາບທາງດ້ານການເມືອງ,ເປັນເອກະລາດທາງການຈັດຕັ້ງແລະສະເຫນີພາບທາງຖານະກົດຫມາຍພາຍໃຕ້ລັດຖະທຳມະນູນ,ທິດທາງພື້ນຖານຂອງພັກກອມມູນິດຈີນໃນການຮວ່ມມືກັບພັກຝ່າຍປະຊາທິປະໄຕແມ່ນພັກຝ່າຍປະຊາທິປະໄຕບໍ່ແມ່ນພັກບໍ່ກຳອຳນາດແລະກໍ່ບໍ່ແມ່ນພັກຝ່າຍຄ້ານ,ເຂົາເຈົ້າແມ່ນພັກເຂົ້າຮວ່ມການປົກຄອງປະຈຸບັນຢູ່ໃນຄະນະປະຈຳສະພາປະຊາຊົນຄະນະກຳມະການສະພາປຶກສາການເມືອງກົງຈັກລັດຖະບານທຸກຂັ້ນ,ຂະແຫນງການເສດຖະກິດ,ວັດທະນະທຳ,ສຶກສາ,ວິທະຍາສາດເຕັກນິກຕ່າງກໍ່ສະມາຊິກພັກຝ່າຍປະຊາທິປະໄຕຈຳນວນຫລວງຫລາຍທີ່ດຳລົງຕຳແຫນ່ງການນຳລະດັບລັດຖະມົນຕີກໍ່ມີຫລາຍທ່ານເຊັນກັນ.
ຖ້າເວົ້າເຖີງປະຫວັດຄວາມເປັນມາຂອງສະພາປຶກສາການເມືອງປະຊາຊົນຈີນ ແລ້ວເລີ່ມຈັດກອງປະຊຸມຂອງຕົນເທື່ອທຳອິດໃນເດືອນກັນຍາ1949ຢູ່ປັກກິ່ງ,ຕອນນັ້ນມີຜູ້ແທນທີ່ເປັນຕົວແທນຂອງປະຊາຊົນທຸກວົງການທ້ອງຖິ່ນສາຂາອາຊີບ662ທ່ານ,ປະທານຜູ້ທຳອິດທີ່ຖືກເລືອກຕັ້ງກໍ່ແມ່ນປະທານເຫມົາເຈີຕົງນັ້ນເອງ,ກອງປະຊຸມຄັ້ງຕໍ່ໆມາທ່ານໃຈເອິນຫລາຍ,ທ່ານເຕີ້ງສຽວຜິງກໍ່ເຄີຍຖືກເລືອກເປັນປະທານຂອງສະພານີ້ຫລາຍສະໄຫມເຊັ່ນດຽວກັນ.ສ່ວນກອງປະຊຸມເທື່ອທີ1ຂອງສະພາປຶກສາການເມືອງສະໄຫມທີ10ແມ່ນຈັດຂຶ້ນໃນເດືອນມີນາປີ2003ຢູ່ປັກກິ່ງກຳມະການຈາກທົ່ວປະເທດເຂົ້າຮວ່ມ2,295ທ່ານ,ແລະທ່ານເຈຍຊິ້ງຫລິນໄດ້ຮັບເລືອກຕັ້ງເປັນປະທານ.
ນັບແຕ່ເດືອນກັນຍາປີ1954ເປັນຕົ້ນມາ,ສະພາບປຶກສາການເມືອງປະຊາຊົນຈີນກໍ່ມີຫນ້າທີ່ພາລະບົດບາດເປັນອົງການແນວໂຮມເອກະພາບຮັກຊາດ,ມາຮອດດຽວນີ້8ພັກຝ່າຍປະຊາທິປະໄຕມີສະມາຊິກທັງຫມົດຫລາຍກວ່າ7ແສນຄົນ,ຖ້າທຽງກັບສະມາຊິກພັກກອມມູນິດຈີນແລ້ວແມ່ນເທົ່າກັບ1%ເພາະວ່າພັກກອມມູນິດຈີນມີສະມາຊິກທັງຫມົດ73ລ້ານຄົນ.
ເອົາລະມື້ນີ້ສັງຂານຂໍແນະນຳໃຫ້ທ່ານຮູ້ກ່ຽວກັບສະພາປຶກສາການເມືອງປະຊາຊົນຈີນທີ່ຫາກໍ່ໄຂກອງປະຊຸມເທື່ອທີ1ສະໄຫມທີ່11ຂອງຕົນຂຶ້ນໃນເວລາ15ໂມງຂອງມື້ນີ້ພຽງເທົ່ານີ້ກ່ອນ,ໃນມື້ຕໍ່ໆໄປກໍ່ຈະເວົ້າເຖີງວຽກງານແຕ່ລະດ້ານຂອງສະພາແລະການເຄື່ອນໄຫວຂອງກອງປະຊຸມສູ່ຟັງ.ສຳລັບມື້ນີ້ຂໍລາໄປກ່ອນ,ສະບາຍດີ.
|
