ສະບາຍດີທ່ານຜູ້ຟັງທີ່ເຄົາລົບ! ພໍເຖີງເວລານີ້ສັງຂານຈູມຄຳພັນກໍ່ນຳເອົາລາຍການພິເສດມາພົບກັບມິດລາຍການອີກຕາມເຄີຍ,ມື້ນີ້ແມ່ນມື້ທີ3ແລ້ວຂອງການດຳເນີນກອງປະຊຸມເທື່ອທີ1ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ11.ໃນເວລາ9ໂມງຂອງມື້ນີ້ກອງປະຊຸມຈີນທີ11ກໍ່ໄດ້ໄຂຂຶ້ນຢູ່ຫໍສະພາປະຊາຊົນນະຄອນຫລວງປັກກິ່ງ, ທ່ານຜູ້ຟັງກໍ່ຄົງຈະຮູ້ໄປແລ້ວຈາກຂ່າວຂອງCRIພວກເຮົາ.
ບັນຫາຕ່າງໆທີ່ເອົາມາຄົ້ນຄວ້າພິຈາລະນາປຶກສາຫາລືປະກອມຄຳຄິດຄຳເຫັນຢູ່ໃນສອງກອງປະຊຸມສະພານີ້ລ້ວນແຕ່ແມ່ນບັນຫາທີ່ໃກ້ຕົວ ຕິດແທດກັບຊີວິດການເປັນຢູ່ຂອງປະຊາຊົນຈີນບັບດາເຜົ່າ ແມ່ນບັບຫາທີ່ກ່ຽວພັນກັບອະນາຄົດຂອງການພັດທະນາຊາດ,ສະນັ້ນລະຈຶ່ງໄດ້ຮັບຄວາມສົນອົກສົນໃຈຈາກປະຊາຊົນຫລາຍ,ທຸກຄົນລ້ວນແຕ່ຕິດຕາມການດຳເນີນງານຂອງກອງປະຊຸມຈາກການລາຍງານຂ່າວຂອງສື່ມວນຊົນຂະແຫນງຕ່າງໆບໍ່ວ່າຈະເປັນວິທະຍຸແຫ່ງຊາດ,ໂທລະພາບສູນກາງຫນັງສືພັນສະບັບຕ່າງໆ,ທາງເວັບໄຊກໍ່ວ່ອງໄວທັນການຄືກັນ,ທໍ່ນັ້ນຍັງບໍ່ພໍໄດທ່ານຜູ້ຟັງ,ຢູ່ຕາມສະຖາທີ່ສາທາລະນະຢູ່ຕາມຫ້ອງການຫລືຮ້ານຄ້າ,ຢູ່ລົດໄຟ,ລົດເມກໍ່ມີການຕິດຕັ້ງຈໍໂທລະພາບ-ວິທະຍຸເພື່ອລາຍງານຂ່າວໃຫ້ປະຊາຊົນໄດ້ຕິດຕາມຕະຫລອດວ່າກຳມະການແລະຜູ້ແທນທີ່ເຂົ້າຮວ່ມສອງກອງປະຊຸມສະພາພວມປຶກສາຫາລືແລະຖົກຖຽງບັນຫາຫຍັງແດ່.ສະເພາະມື້ເຊົ້ານີ້ເວລາ9ໂມງເວລາປັກກິ່ງກົງກັບເວລາໃນປະເທດລາວກໍ່ແມ່ນ8ໂມງ,ວິທະຍຸ-ໂທລະພາບສູນກາງຈີນກໍ່ຖ່າຍທອດສົດພິທີໄຂກອງປະຊຸມເທື່ອທີ12ສະພາຜູ້ແທນປະຊາຊົນແຫ່ງຊາດຈີນຊຸດທີ11ໄປທົ່ວປະເທດແລະທົ່ວໂລກ.ຜູ້ນຳສຳຄັນຂອງຈີນຫລາຍທ່ານກໍ່ເຂົ້າຮວ່ມບໍ່ວ່າຈະເປັນທ່ານຫູຈິນທາວ ປະທານປະເທດຈີນ,ທ່ານອູປາງກົວ,ທ່ານເຈຍຊິ້ງຫລິນແລະຜູ້ອື່ນໆກໍ່ເຂົ້າຮວ່ມ.ຫລັງຈາກພິທີໄຂແລ້ວທ່ານເວິນເຈຍປາວ,ນາຍົກລັດຖະມົນຕີກໍ່ຂຶ້ນສະເຫນີບົດລາຍງານວຽກງານຂອງລັດຖະບານໃນໄລຍະ5ປີຜ່ານມາວ່າໄດ້ຮັບຜົນສຳເລັດໃນດ້ານຕ່າງໆແນວໃດແລະແຜນການໃດຕໍ່ຫນ້າ.ມື້ຕໍ່ໆໄປສັງຂານກໍ່ຈະພະຍາຍາມຄັດຈ້ອນເອົາດ້ານເດັ່ນໆມາເວົ່າສູ່ຟັງ.ກອງປະຊຸມເທື່ອນີ້ທຽບກັບປີຜ່ານມາແລ້ວສື່ມວນຊົນຕ່າງປະເທດໃຫ້ຄວາມສົນໃຈຫລາຍຍ້ອນວ່າຈັດຂຶ້ນໃນໄລຍະທີ່ຈີນພວມເຕີບໃຫຍ່ຂະຫຍາຍຕົວຢ່າງແຂງແຮງ,ບົດບາດອິດທິຜົນຂອງຈີນໃນເວທີສາກົນກໍ່ນັບມື້ນັບພົ້ນເດັ່ນ,ຕາມທີ່ລົງທະບຽນມີນັກຂ່າວທັງພາຍໃນແລະຕ່າງປະເທດ3060ຄົນ,ໃນນັ້ນເປັນນັກຂ່າວຕ່າງປະເທດທີ່ມາຈາກ5ທະວີບເຖີງ877ຄົນເພີ່ມຂຶ້ນຈາກປີກາຍເຖີງ237.ເພື່ອໂຄສະນາການເຄື່ອນໄຫວຂອງກອງປະຊຸມສະພາເທື່ອນີ້ໃຫ້ກວ້າງຂວາງທີ່ສຸດນັ້ນ ເອກະສານສຳຄັນຕ່າງໆກໍ່ຖືກແປອອກເປັນ7ພາສາຊົນເຜົ່າໃຫຍ່ຂອງຈີນຄືພາສາມົງໂກນ,ຕິເບດ,ກາຊັກ,ເກົາຫລີ,ພາສາອີ,ແລະພາສາຈວ້ງ,ນອກນັ້ນເພື່ອໃຫ້ສະດວກແກ່ນັກຂ່າວຕ່າງປະເທດເອກະສານຂອງກອງປະຊຸມກໍ່ແປອອກເປັນພາສາອັງກິດ,ຝຣັ່ງ,ແອ້ສປາຍ,ຣັດເຊຍ,ຍີ່ປຸ່ນແລະເຢຍຣະມັນ.
ກອງປະຊຸມເທື່ອທີ1ຂອງສະພາຜູ້ແທນປະຊາຊົນແຫ່ງຊາດຈີນຊຸດທີ11ທີ່ຫາກໍ່ໄຂຂຶ້ນໃນຕອນເຊົ້າມື້ນີ້ຈະດຳເນີນໄປເປັນເວລາ13ມື້ເຄີ່ງ,ຜູ້ແທນເກືອບ3ພັນທ່ານຈະໄດ້ຮັບຟັງຄົ້ນຄວ້າພິຈາລະນາບົດລາຍງານວຽກງານຂອງສານປະຊາຊົນສູງສຸດແລະອະທິໄອຍະການປະຊາຊົນແລ້ວກໍ່ຈະຄົ້ນຄວ້າພິຈາລະນາຮັບຮອງແຜນການພັດທະນາເສດຖະກິດສັງຄົມ,ແຜນງົບປະມານ,ພິຈາລະນາແຜນການປະຕິຮູບອົງການລັດຖະບານ,ເລືອກຕັ້ງແລະແຕ່ງຕັ້ງຜູ້ນຳອົງການລັດຊຸດໃຫມ່ບໍ່ວ່າຈະເປັນປະທານປະເທດ,ຮອງປະທານປະເທດແລະແຕ່ງຕັ້ງນາຍົກລັດຖະມົນຕີອີກ,ສິ່ງເຫລົ່ານີ້ລວ້ນແຕ່ຢູ່ໃນຄວາມສົນໃຈຂອງປະຊາຊົນຈີນແລະຄົນທົ່ວໂລກ.ສຳລັບຜູ້ຟັງລາວຖ້າທ່ານຢາກຮູ້ເລື່ອງຫຍັງກ່ຽວກັບກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນທີ່ພວມດຳເນີນຢູ່ນີ້ກໍ່ສາມາດຕິດຕໍ່ກັບCRIພວກເຮົາໄດ້ໂດຍທາງE-mailກກໍ່ແມ່ນLaoCRI@yahoo.com.cn ຫລືຈະໂທລະສັບໄປຫາພວກເຮົາກໍ່ໄດ້ມີ3ຫມາຍເລກນຳກັນຄື00861068892147-2148ແລະ2192ມີ3ຫມາຍເລກນຳກັນ.ຖ້າຢາກສົ່ງແຟັກຫລືໂທລະສານໄປຖາມພວກເຮົາກ່ຽວກັບກອງປະຊຸມກໍ່ສົ່ງເຂົ້າຫມາຍເລກ008610-68892192ແລ້ວສັງຂານຈະຊອກຫາຂໍ້ມູນມາຕອບທ່ານ.
ມື້ນີ້ເວລາຂອງລາຍການພິເສດຫມົດແລ້ວ,ມື້ອື່ນເວລາເກົ່າພົບກັນອີກ. ສະບາຍດີ!
|