|
|
 |
| (GMT+08:00)
2008-03-07 21:00:07
|
 |
|
ປະຊາຄົມໂລກຕີລາຄາສູງຕໍ່ຄຳປາໄສຂອງທ່ານຫູຈີນທາວກ່ຽວກັບການພົວພັນລະຫວ່າງສອງຝັ່ງຊ່ອງແຄບໄຕ້ຫວັນ
cri
Author: m
ຕາມຂ່າວ CRI: ໃນຫຼາຍມື້ມານີ້, ປະຊາຄົມໂລກພາກັນຕີລາຄາສູງຕໍ່ ຄຳປາໄສກ່ຽວກັບການພົວພັນລະຫວ່າງສອງຝັ່ງຊ່ອງແຄບໄຕ້ຫວັນຂອງທ່ານຫູຈີນທາວ ປະທານປະເທດຈີນທີ່ກ່າວໃນວັນທີ 4 ມີນານີ້.
ວັນທີ 5 ມີນານີ້, ໃນເວລາໃຫ້ສຳພາດຕໍ່ນັກຂ່າວ, ທ່ານເອນີ ຟາເລໂອມາແວກາ ປະທານໜ່ວຍງານສິ່ງແວດລ້ອມອາຊີປາຊິຟິກແລະທົ່ວໂລກຂອງກຳມາທິການການຕ່າງປະເທດຂອງສະພາຕ່ຳອາເມລິກາກ່າວວ່າ, ຄຳປາໄສຂອງທ່ານຫູຈີນທາວເຮັດໃຫ້ຄົນມີກຳລັງໃຈ, ມີຜົນດີຕໍ່ການຜ່ອນຄາຍສະພາບເຄັ່ງຕຶງລະຫວ່າງສອງຝັ່ງຊ່ອງແຄບໄຕ້ຫວັນ.
ວັນທີ 6 ມີນານີ້, ສະໂລເວນີ ປະເທດປະທານໝູນວຽນຂອງສະຫະພາບເອີລົບອອກຖະແຫຼງການໃນນາມສະຫະພາບເອີລົບ, ກ່າວຢ້ຳວ່າ, ສະຫະພາບເອີລົບປະຕິບັດນະໂຍບາຍຈີນດຽວ, ກ່າວເນັ້ນວ່າ, ເຈົ້າໜ້າທີ່ໄຕ້ຫວັນຈັດ "ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ" ນັ້ນຈະເຮັດໃຫ້ສະພາບການລະຫວ່າງສອງຝັ່ງຊ່ອງແຄບໄຕ້ຫວັນເຄັ່ງຕຶງຂຶ້ນອີກ.
ຊາວຈີນທີ່ອາໄສຢູ່ຕ່າງປະເທດແລະຈີນຕ່າງດ້າວຢູ່ອົສຕຼາລີແລະໄທກໍ່ສະແດງຄວາມເຫັນວ່າ, ເດັດດ່ຽວສະໜັບສະໜູນຄຳປາໄສຂອງທ່ານຫູຈີນທາວ, ຄັດຄ້ານເຈົ້າໜ້າທີ່ໄຕ້ຫວັນຈັດ"ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ", ຫວັງໃຫ້ປະຊາຊົນໄຕ້ຫວັນຢູ່ຮ່ວມກັນກັບພີ່ນ້ອງຮ່ວມຊາດແຜ່ນດິນໃຫຍ່, ພະຍາຍາມສ້າງສະພາບການໃໝ່ທີ່ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນຂະຫຍາຍຕົວໂດຍສັນຕິ.
|
|
|
