|
|
 |
| (GMT+08:00)
2008-03-10 15:18:42
|
 |
|
ປະມຸກລັດແລະຫົວຫນ້າລັດຖະບານຂອງ 100 ກວ່າປະເທດຈະມາເຂົ້າຮ່ວມງານກິລາໂອລິມປິກປັກກິ່ງ
cri
ຕາມຂ່າວສານຊີນຮວາ: ວັນທີ 10 ມີນານີ້ ຢູ່ປັກກິ່ງ, ທ່ານອູຕ້າເວີຍ ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ປັດຈຸບັນ, ໄດ້ມີປະມຸກລັດແລະຫົວຫນ້າລັດຖະບານຂອງ 100 ກວ່າປະເທດສະແດງວ່າຈະເຂົາມາຮ່ວມງານກິລາໂອລິມປິກປັກກິ່ງປີ 2008.
ໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດ,ທ່ານອູຕ້າເວີຍກ່າວວ່າ, ຕົວເລກດັ່ງກ່າວຍັງຈະປ່ຽນແປງເພີ່ມຂຶ້ນເລື້ອຍໆ.
ຄຽງຄູ່ກັບມື້ໄຂງານກິລາໂອລິມປິກນັບມື້ນັບຫຍັບມໍ່ເຂົ້າມາ, ນັກການເມືອງຜູ່ສຳຄັນຂອງຫລາຍປະເທດໄດ້ກ່າວຢ່າງຈະແຈ້ງວ່າ, ພວກເພິ່ນສະຫນັບສະຫນູນງານກິລາໂອລິມປິກປັກກິ່ງ.
ທ່ານອູຕ້າເວີຍກ່າວວ່າ, ງານກິລາໂອລິມປິກແມ່ນງານກິລາມະໂຫລານຂອງປະຊາຊົນທົ່ວໂລກ, ການຈັດງານກິລາໂອລິມປິກປັກກິ່ງຢ່າງສຳເລັດຜົນແມ່ນຄວາມປາຖະຫນາຮ່ວມຂອງປະຊາຊົນປະເທດຕ່າງໆ.
ງານກິລາໂອລິມປິກຄັ້ງທີ 29 ຈະຈັດຂຶ້ນຢູ່ປັກກິ່ງໃນວັນທີ 8 ສິງຫາປີນີ້.ປັກກິ່ງຍັງຈະຈັດງານກິລາໂອລິມປິກຄົນພິການອີກ.ໃນງານກິລາໂອລິມປິກປັກກິ່ງຈະແມ່ນຄັ້ງຫນຶ່ງທີ່ຄະນະນັກກິລາຈີນເຂົ້າຮ່ວມລາຍການແຂ່ງຂັນຫລາຍກວ່າທຸກເທື່ອແລະມີນັກກິລາເຂົ້າຮ່ວມຫລາຍກວ່າທຸກເທື່ອໃນປະຫວັດງານກິລາໂອລິມປິກ.
|
|
|
