|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ໃນກອງປະຊຸມສອງສະພາປີນີ້, ເຮັດແນວໃດຈິ່ງຈະປະຢັດພະລັງງານແລະຫຼຸດການລະບາຍມົນລະພິດ, ເຮັດໃຫ້ອາກາດສະອາດສົດໃສ, ຟ້າປອດໂປ່ງແລະນ້ຳໃສສະອາດກວ່າເກົ່າ, ໄດ້ກາຍເປັນຈຸດສຸມທີ່ຜູ້ແທນແລະກຳມະການທີ່ຮ່ວມປະຊຸມເອົາໃຈໃສ່ນຳອີກເທື່ອໜຶ່ງ.
ທ່ານວາງຊີ ກຳມະການສະພາປຶກສາການເມືອງປະຊາຊົນແຫ່ງຊາດຈີນແມ່ນນັກນິຕິສາດດ້ານສິ່ງແວດລ້ອມ, ທ່ານໄດ້ເອົາໃຈໃສ່ນຳຜົນການຄືບໜ້າດ້ານການປະຢັດພະລັງງານແລະຫຼຸດການລະບາຍມົນລະພິດຂອງຈີນຕະຫຼອດມາ. ທ່ານບອກນັກຂ່າວວ່າ:
ປະຈຸບັນ, ທ້ອງຖິ່ນຕ່າງໆຂອງຈີນລ້ວນແຕ່ໄດ້ປະຕິບັດມາດຕະການປະຢັດພະລັງງານແລະຫຼຸດການລະບາຍມົນລະພິດຢ່າງຕັ້ງໜ້າ. ປີ2007, ປະລິມານສິ້ນເປືອງພະລັງງານຕໍ່ຫົວໜ່ວຍGDPແລະປະລິມານຫຼຸດການລະບາຍມົນລະພິດຕົ້ນຕໍຂອງຈີນລ້ວນແຕ່ໄດ້ຫຼຸດໜ້ອຍລົງ. ທັງນີ້ສະແດງໃຫ້ເຫັນວ່ານະໂຍບາຍປະຢັດພະລັງງານແລະຫຼຸດການລະບາຍມົນລະພິດຂອງຈີນໄດ້ຮັບຜົນຕົວຈິງແລ້ວ.
ຈີນໄດ້ຈັດໃຫ້ມີການເຄື່ອນໄຫວປະຢັດພະລັງງານ, ຫຼຸດການລະບາຍມົນລະພິດແລະອະນຸລັກສິ່ງແວດລ້ອມມາໄດ້ດົນແລ້ວ. ລັດຖະບານຈີນໄດ້ຈັດວາງວຽກງານໃນດ້ານນີ້ຢ່າງຮອບດ້ານ. ດ້ານໜຶ່ງ, ໄດ້ສະກັດກັ້ນການພັດທະນາຂະແໜງການທີ່ສິ້ນເປືອງພະລັງງານຫຼາຍແລະລະບາຍມົນລະພິດຫຼາຍ. ອີກດ້ານໜຶ່ງ, ໄດ້ເພີ່ມຄວາມແຮງໃນດ້ານສັ່ງປິດຂະແໜງການຜະລິດທີ່ຫຼ້າຫຼັງ. ໃນຂະນະດຽວກັນນັ້ນ, ຈີນຍັງໄດ້ປະຕິບັດນະໂຍບາຍດ້ານລາຄາ, ພາສີແລະການເງິນທີ່ມີຜົນດີຕໍ່ການປະຢັດພະລັງງານແລະຫຼຸດການລະບາຍມົນລະພິດ, ວາງກົດໝາຍປະຢັດພະລັງງານ, ແລະເພີ່ມຄວາມແຮງໃນການກວດກາການປະຕິບັດກົດໝາຍ.
ອົງການການປົກຄອງທ້ອງຖິ່ນຕ່າງໆກໍ່ໄດ້ຈັດເອົາການປະຢັດພະລັງງານແລະຫຼຸດການລະບາຍມົນລະພິດເປັນວຽກງານສຳຄັນ. ອຸດສາຫະກຳຂອງແຂວງກ່ານຊູ້ ທາງພາກຕາເວັນຕົກສຽງເໜືອຈີນໄດ້ຖືອຸດສາຫະກຳພະລັງງານແລະວັດຖຸດິບເປັນຕົ້ນຕໍ, ທ່ານຊູ້ໂສວເຊິ້ງ ຜູ້ແທນສະພາປະຊາຊົນແຫ່ງຊາດຈີນ ເຈົ້າແຂວງແຂວງກ່ານຊູ້ກ່າວວ່າ,
ພວກຂ້າພະເຈົ້າໄດ້ເພີ່ມທະວີການສັ່ງປິດວິສາຫະກິດທີ່ລະບາຍມົນລະພິດຫຼາຍແລະສິ້ນເປືອງພະລັງງານຫຼາຍ. ພວກຂ້າພະເຈົ້າໄດ້ປິດໂຮງງານຜະລິດເຈ້ຍຂະໜາດນ້ອຍ ໂຮງງານຜະລິດໂລຫະປະສົມເຫຼັກຂະໜາດນ້ອຍ, ພ້ອມກັນນັ້ນຍັງໄດ້ປິດບໍ່ຖ່ານຫີນນ້ອຍ1300ກວ່າແຫ່ງທີ່ບໍ່ມີເງື່ອນໄຂການຜະລິດຢ່າງປອດໄພ.
ທ່ານຫຼີຢົງລຽງ ຜູ້ແທນສະພາປະຊາຊົນແຫ່ງຊາດຈີນແມ່ນຮອງປະທານກຸ່ມບໍລິສັດສີຈື່ລາງກວາງຕຸ້ງຈຳກັດ, ທ່ານແນະນຳວ່າ, ວິສາຫະກິດສີຈື່ລາງໄດ້ເປັນເຈົ້າການເຂົ້າຮ່ວມຖັນແຖວປະຢັດພະລັງງານແລະຫຼຸດການລະບາຍມົນລະພິດມາດົນແລ້ວ. ທ່ານກ່າວວ່າ, ເຖິງວ່າວິສາຫະກິດອາຫານຕ່າງກັບບໍ່ຖ່ານຫີນແລະໂຮງຜະລິດໄຟຟ້າດ້ວຍຖ່ານຫີນ, ແຕ່ເມື່ອ2ປີກ່ອນພວກຂ້າພະເຈົ້າກໍ່ໄດ້ເຮັດວຽກນີ້ແລ້ວ. ແຕ່ກ່ອນໂຮງງານຂອງພວກເຮົາໃຊ້ນ້ຳຫຼາຍ,ເພື່ອລ້າງເຄື່ອງຈັກຕ່າງໆ. ແຕ່ເມື່ອປັບປຸງດ້ວຍເຕັກນິກແລ້ວ, ໄດ້ໃຊ້ນ້ຳໜ້ອຍລົງ, ແລະໄດ້ ລະບາຍນ້ຳໂສໂຄກໜ້ອຍລົງ.
ແນວຄິດປະຢັດພະລັງງານໄດ້ຊຶມເລິກເຂົ້າໃນໃຈຂອງສາມັນຊົນຈີນທຸກຄົນ.ປີກາຍນີ້,ນາງຈ້າວອິງຊຸ່ນ ຊາວປັກກິ່ງໄດ້ເຂົ້າຮ່ວມ"ກິດຈະກຳປະຢັດພະລັງງານແລະຫຼຸດການລະບາຍມົນລະພິດທົ່ວປວງຊົນ",ໄດ້ຮຽນຮູ້ກ່ຽວກັບ ຄວາມຮັບຮູ້ປະຢັດພະລັງງານບໍໜ້ອຍ.ປັດຈຸບັນ,ນາງໄດ້ປະຢັດພະລັງງານໃນຊີວິດການເປັນຢູ່ຈົນເປັນນິດໄສແລ້ວ.
ພາຍໃຕ້ຄວາມພະຍາຍາມຮ່ວມກັນຂອງທົ່ວສັງຄົມ,ປະສິດທິຜົນໃນດ້ານປະຢັດພະລັງງານແລະຫຼຸດການລະບາຍມົນລະພິດຂອງຈີນໄດ້ສະແດງອອກໃຫ້ເຫັນເລື້ອຍໆ.ປີ2007, ການສິ້ນເປືອງພະລັງງານຕໍ່ແຕ່ລະຫົວໜ່ວຍGDPໃນທົ່ວປະເທດໄດ້ຫຼຸດລົງ3,27%.ປະລິມານທີ່ລະບາຍຊຸນເຟີດີອອກຊິດແລະອັອກຊີແຊນທີ່ເຄມີຕ້ອງການຕ່າງຫຼຸດລົງ4,66%ແລະ3,14%, ຫຼຸດລົງທັງສອງດ້ານເປັນເທື່ອທຳອິດ.
ຄວາມພະຍາຍາມຫຼຸດການລະບາຍມົນລະພິດໄດ້ເຮັດໃຫ້ອາກາດສົດໃສຂຶ້ນເຊັ່ນຍົກເອົາປັກກິ່ງເປັນຕົວຢ່າງ,ມື້ທີ່ທ້ອງຟ້າປອດໂປ່ງ,ໃນປີ1998,ມີແຕ່100ມື້ປີກາຍນີ້ໄດ້ເພີ່ມຂຶ້ນຮອດ246ມື້.
ໃນບົດລາຍງານວຽກລັດຖະບານຂອງທ່ານເວິ່ນເຈ່ຍປາວ ນາຍົກລັດຖະມົນຕີຈີນທີ່ກ່າວໃນພິທີໄຂກອງປະຂຸມປະຈຳປີຂອງສະພາປະຊາຊົນແຫ່ງຊາດຈີນຊຸດນີ້,ຍິ່ງຊີ້ອອກຢ່າງຈະແຈ້ງກ່ຽວກັບ10ວິທີທີ່ໄດ້ຜົນໃກນານຊຸກຍູ້ການປະຢັດພະລັງງານແລະຫຼຸດການລະບາຍມົນລະພິດ.ຄື:ສ້າງສາກົນໄກໂຮງງານທີ່ມີຄວາມສາມາດຜະລິດຫຼ້າຫຼັງ,ເອົາໃຈໃສ່ນຳການປະຢັດພະລັງງານຂອງວິສາຫະຫິດສຳຄັນແລະສ້າງໂຄງການສຳຄັນໃຫ້ດີ,ບຸກເບີກແລະເຜີຍແຜ່ເຕັກນິກກ້າວໜ້າໃນການປະຢັດພະລັງງານແລະຫຼຸດການລະບາຍມົນລະພິດແກ້ວ.
|
