ທ່ານໂລເກີກ່າວວ່າ ບໍ່ຄວນເອົາການເຄື່ອນໄຫວການເມືອງໄປສະໜາມກິລາໂອລິມປິກ
cri
Author: cai
ຕາມຂ່າວສານຊີນຮວາ:ໜັງສືພິມ《ເລ ຟີກາໂຣ》ຂອງຝະຣັ່ງສະບັບວັນທີ 11 ມີນານີ້ລາຍງານວ່າ,ຫວ່າງກ່ອນນີ້,ຢູ່ນະຄອນໂລຊານແຫ່ງສວິສ,ໃນເວລາທີ່ທ່ານໂລເກີ ປະທານຄະນະກຳມະການໂອລິມປິກສາກົນໃຫ້ສຳພາດຕໍ່ໜັງສືພິມດັ່ງກ່າວ,ທ່ານກ່າວວ່າ,ງານກິລາໂອລິມປິກແມ່ນງານໃຫຍ່ໂຕມະໂຫລານຂອງມວນມະນຸດ,ບໍ່ຄວນເອົາເລື່ອງການເມືອງໄປສະໜາມກິລາໂອລິມປິກ.
ທ່ານໂລເກີກ່າວວ່າ,ໃນໄລຍະງານກິລາໂອລິມປິກປັກກິ່ງ,ນັກຂ່າວ 2 ໝື່ນ 5 ພັນກວ່າຄົນທີ່ມາຈາກແຫ່ງຕ່າງໆຂອງໂລກຈະເອົາຂ່າວຢ່າງເສລີຢູ່ຈີນ.ຫຼັກໝັ້ນຂອງຄະນະກຳມະການໂອລິມປິກສາກົນຈະແຈ້ງຫຼາຍ,ນັກກິລາສາມາດສະແດງຄວາມເຫັນຂອງຕົນຢ່າງເສລີ,ແຕ່ບໍ່ຄວນດຳເນີນການເຄື່ອນໄຫວການເມືອງຢູ່ໃນສະໜາມກິລາໂອລິມປິກ.ງານກິລາໂອລິມປິກແມ່ນວັນບຸນຂອງຄົນທັງຫຼາຍ,ບັນຍາກາດຂອງງານບໍ່ຄວນຖືກຄົນສ່ວນໜ້ອຍທຳລາຍ.ທ່ານໂລເກີຫວັງໃຫ້ໝົດທຸກຄົນເຄົາລົບກຽດສັກສີແລະການໄຂປະຕູຂອງງານກິລາໂອລິມປິກ.
|
|