|
|
 |
| (GMT+08:00)
2008-03-12 12:32:29
|
 |
|
ປະທານາທິບໍດີອີຣານພົບປະເຈລະຈາກັບປະທານາທິບໍດີອິນໂດເນເຊຍ
cri
Author: cai
ຕາມຂ່າວCRI:ວັນທີ 11 ມີນານີ້,ທ່ານມາມຸດ ອາມາດີເນຈາດ ປະທານາທິບໍດີອີຣານໄດ້ພົບປະເຈລະຈາກັບທ່ານຊູຊີໂລ ບຳບັງ ຢຸດໂຮໂຢໂນ ປະທານາທິບໍດີອິນໂດເນເຊຍທີ່ໄປຢ້ຽມຢາມ,ສອງຝ່າຍໄດ້ແລກປ່ຽນຄວາມເຫັນກ່ຽວກັບບັນຫາພາກພື້ນແລະສາກົນ.
ສອງຝ່າຍເປັນເອກະສັນກັນເຫັນວ່າ,ຕ່າງປະເທດສົ່ງທະຫານໄປປະຈຳຢູ່ເຂດຕາເວັນອອກກາງແລະແຊກແຊງວຽກງານພາຍໃນຂອງປະເທດເຂດດັ່ງກ່າວແມ່ນສາເຫດຕົ້ນຕໍທີ່ພາໃຫ້ເຂດດັ່ງກ່າວປັ່ນປ່ວນແລະສະຖານະການຄວາມປອດໄພຊຸດໂຊມລົງ.
ພາຍຫຼັງການເຈລະຈາ,ທ່ານຊູຊີໂລ ບຳບັງໃຫ້ສຳພາດຕໍ່ສື່ມວນຊົນວ່າ,ບັນຫານີວເຄຼຍອີຣານບໍ່ຄວນຫັນເປັນບັນຫາການເມືອງ.ທ່ານກ່າວວ່າ,ອິນໂດເນເຊຍບໍ່ເຫັນດີລົງໂທດອີຣານຕື່ມອີກ,ຄວນສົ່ງເສີມການຮ່ວມມືລະຫວ່າງອີຣານກັບອົງການພະລັງງານປະລະມານູສາກົນຫຼື IAEA ໃນປະຈຸບັນຕື່ມອີກ.ທ່ານກ່າວວ່າ,ການເຄື່ອນໄຫວດ້ານນີວເຄຼຍຂອງອີຣານແມ່ນຊອບກົດໝາຍ,ອິນໂດເນເຊຍຈະສືບຕໍ່ສະໜັບສະໜູນອີຣານ.
ມື້ດຽວກັນ,ທ່ານອາຢາໂຕລາ ຮາເມເນອີ ຜູ້ນຳທາງຈິດໃຈສູງສຸດຂອງອີຣານກໍ່ໄດ້ພົບປະກັບທ່ານຊູຊີໂລ ບຳບັງ.ທ່ານຮາເມເນອີກ່າວວ່າ,ອີຣານຈະຖືເອົາການຊຸກຍູ້ການຮ່ວມມືທີ່ໄວ້ເນື້ອເຊື່ອໃຈກັນແລະຂະຫຍາຍການພົວພັນມິດຕະພາບກັບປະເທດອິດສະລາມໄວ້ຢູ່ຖານະອັນດັບທີໜຶ່ງຂອງນະໂຍບາຍປະເທດຕົນ.ທ່ານຊູຊີໂລ ບຳບັງກ່າວວ່າ,ອິນໂດເນເຊຍກຽມພ້ອມຈະຂະຫຍາຍການພົວພັນຮ່ວມມືຮອບດ້ານກັບອີຣານໃນຂົງເຂດຕ່າງໆ,ແລະຖອດຖອນບົດຮຽນທີ່ສຳເລັດຜົນນຳອີຣານໃນຂົງເຂດຄົ້ນຄວ້າວິທະຍາສາດ.
|
|
|
