|
|
 |
| (GMT+08:00)
2008-03-12 15:07:34
|
 |
|
ການສົນທະນາລະຫວ່າງນັກວິຊາການກ່ຽວກັບປ້ອງກັນຄວາມຫມັ້ນຄົງລະດັບສູງຈີນກັບອາຊຽນຄັ້ງປະຖົມມະເລີກຈັດຂຶ້ນຢູ່ປັກກິ່ງ
cri
ຕາມຂ່າວ cri:ວັນທີ 12 ມີນານີ້ ຢູ່ປັກກິ່ງໄດ້ຈັດການສົນທະນາລະຫວ່າງນັກວິຊາການດ້ານປ້ອງກັນຄວາມຫມັ້ນຄົງລະດັບສູງຈີນກັບອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ປັກກິ່ງ.
ກິດຈະກຳເທື່ອນີ້ແມ່ນຈັດຂຶ້ນເພື່ອຜັນຂະຫຍາຍຂໍ້ລິເລີ່ມຂອງທ່ານເວີນເຈ່ຍປາວ ນາຍົກລັດຖະມົນຕີຈີນທີ່ສະເຫນີໃນກອງປະຊຸມຜູ່ນຳອາຊີຕາເວັນອອກໃນເດືອນພະຈິກປີ 2007.
ການສົນທະນາຈະຈັດເປັນເວລາສາມມື້ໂດຍສະຖາບັນການທະຫານຂອງກອງທັບປົດປ່ອຍປະຊາຊົນຈີນ.ຜູ່ຊ່ຽວຊານຄົ້ນຄວ້າວຽກງານປ້ອງກັນຄວາມຫມັ້ນຄົງແລະທູດທະຫານຂອງ 10 ປະເທດອາຊຽນປະຈຳຈີນລວມ 20 ກວ່າຄົນຈະແລກປ່ຽນຄວາມເຫັນກັບຜູ່ຊ່ຽວຊານດ້ານການປ້ອງກັນຄວາມຫມັ້ນຄົງຂອງກອງທັບປົດປ່ອຍປະຊາຊົນຈີນກ່ຽວກັບຫົວຂໍ້ທີ່ວ່າ ກອງທັບທີ່ທັນສະໄຫມກັບຄວາມໄວ້ເນື້ອເຊື່ອໃຈກັນໃນພາກພື້ນ.
ທ່ານພົນຕີ ຊຽນລີຮວາ ຫົວຫນ້າຫ້ອງການວຽກງານຕໍ່ຕ່າງປະເທດຂອງກະຊວງປ້ອງກັນປະເທດຈີນກ່າວວ່າ, ຂົງເຂດຮ່ວມມືສອງຝ່າຍແລະຫລາຍຝ່າຍລະຫວ່າງຈີນກັບປະເທດອາຊຽນພວມເປີດກວ້າງອອກຢ່າງບໍ່ຢຸດຢັ້ງ, ການແລກປ່ຽນດ້ານການປ້ອງກັນຄວາມຫມັ້ນຄົງລະຫວ່າງກອງທັບປົດປ່ອຍປະຊາຊົນກັບຝ່າຍທະຫານຂອງ 10 ປະເທດອາຊຽນໄດ້ໄດ້ເປັນລະບົບແລ້ວ.
|
|
|
