|
|
 |
| (GMT+08:00)
2008-03-13 15:25:36
|
 |
|
ໂຄງການວິທະຍາສາດເຕັກນິກສຳຄັນລະດັບຊາດຂອງຈີນຈະປະຕິບັດຮອບດ້ານພາຍໃນປີນີ້
cri
ຕາມຂ່າວ cri:ວັນທີ 13 ມີນານີ້ ຢູ່ປັກກິ່ງ ທ່ານວ້ານກ່າງ ລັດຖະມົນຕີວ່າການກະຊວງວິທະຍາສາດເຕັກນິກຈີນກ່າວວ່າ, ໂຄງການວິທະຍາສາດເຕັກນິກສຳຄັນລາຍສະເພາະທີ່ກຳນົດໃນໂຄງຮ່າງພັດທະນາວິທະຍາສາດເຕັກນິກໄລຍະກາງແລະໄລຍະຍາວນານຂອງຈີນຈະເລີ່ມປະຕິບັດຢ່າງຮອບດ້ານພາຍໃນປີນີ້.
ໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດ,ທ່ານວ້ານກ່າງກ່າວວ່າ, ປັດຈຸບັນ, ໂຄງການວິທະຍາສາດເຕັກນິກສຳຄັນຕ່າງໆເຊັ່ນ ການຄົນນຄວ້າຜະລິດເຮືອບິນຂະຫນາດໃຫຍ່ ການພັດທະນາໄຟຟ້ານິວເຄຼຍ ການຄົ້ນຄວ້າຜະລິດຢາໃຫມ່ທີ່ສຳຄັນ ການຂຸດຄົ້ນບໍ່ນ້ຳມັນອາຍແກັສທຳມະຊາດແລະຖ່ານຫິນຂອງຈີນໄດ້ເລີ່ມດຳເນີນເປັນທາງການຢ່າງສະດວກແລ້ວ.
ທ່ານຍັງກ່າວວ່າ,ໃນຫລາຍປີມໍ່ໆມານີ້ ສະພາບແວດລ້ອມການປະດິດສ້າງຂອງຈີນໄດ້ຮັບການປັບປຸງຢ່າງຫລວງຫລາຍ.ປີກາຍນີ້ ຈີນໄດ້ດັດແກ້ກົດຫມາຍວ່າດ້ວຍຄວາມກ້າວຫນ້າຂອງວິທະຍາສາດເຕັກນິກ,ກົດຫມາຍທີ່ໄດ້ຮັບການດັດແກ້ສະບັບນີ້ໄດ້ວາງລະບຽບການແລະນະໂຍບາຍພິເສດຕ່າງໆ,ເພີ່ມທະວີການສົ່ງເສີມການປະດິດສ້າງໂດຍຕົນເອງ.ໃນຫລາຍມື້ມານີ້, ກະຊວງວິທະຍາສາດເຕັກນິກແລະກະຊວງການເງິນໄດ້ອອກປະກາດ ຕົກລົງໃຫ້ການສະຫນັບສະຫນູນຢ່າງຫມັ້ນທ່ຽງຍາວນານຕໍ່ຫ້ອງທົດລອງສຳຄັນລະດັບຊາດ.
|
|
|
