ຕາມ​ຂ່າວCRI, ວັນ​ທີ13​ມີນາ​ນີ້, ຢູ່​ທີ່​ປັກ​ກິ່ງ, ທ່ານ​ຫຼິວ​ອ້ຽນຮວາ ລັດຖະມົນຕີ​ຊ່ວຍ​ວ່າການ​ກະຊວງ​ວິທະຍາສາດ​ເຕັກນິກຈີນ​ກ່າວ​ວ່າ, ​ໃນ​ໄລຍະ​ປະຕິບັດແຜນການ5​ປີ​ຄັ້ງ​ທີ11 ຄື​​ນັບ​ແຕ່​ປີ2006​ຫາ​ປີ2010, ແຜນການ​ວິທະຍາສາດ​ເຕັກ​ນິກແຫ່ງ​ຊາດ​ຈີນ​ຈະ​ໂນ້ມອຽງ​ໄປ​ທາງຊີວິດ​ການ​ເປັນ​ຢູ່​ຂອງ​ປະຊາຊົນຢ່າງ​ຫຼວງ​ຫຼາຍ.

\
​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວ​ຈີນ​ແລະ​ຕ່າງປະ​ເທດ, ທ່ານ​ຫຼິວ​ອ້ຽນຮວາ​ກ່າວ​ວ່າ, ​ໃນ​ໄລຍະ5​ປີ​ຄັ້ງທີ11, ມາດຕາ​ສ່ວນງົບປະມານລະຫວ່າງ​ວິທະຍາສາດ​ເຕັກ​ນິກອຸດສາຫະກຳ​ກັບ​ວິທະຍາສາດ​ເຕັກນິກຊີວິດ​ການ​ເປັນ​ຢູ່​ຂອງ​ປະຊາຊົນ​ຈີນ​ຈະ​ປ່ຽນ​ຈາກ7​ຕໍ່3​ໃນ​ໄລຍະປະຕິບັດ​ໂຄງການ5​ປີ​ຄັ້ງ​ທີ10​ມາ​ເປັນ5​ຕໍ່5​ໃນ​ໄລຍະ5ປະຕິບັດ​ໂຄງການ​ປີ​ຄັ້ງ​ທີ11. ງົບປະມານ​ວິທະຍາສາດ​ເຕັກ​ນິກດ້ານ​ຊົນນະບົດ, ສຸຂະພາບ, ສິ່ງ​ແວດ​ລ້ອມ, ຊີວະ​ພາບ, ຄວາມ​ປອດ​ໄພ, ປະຢັດ​ພະລັງງານ​ປ້ອງ​ກັນ​ແລະ​ຫຼຸດ​ໄພພິບັດ​ເປັນ​ຕົ້ນ​ຈະ​ໄດ້​ຍົກ​ສູງ​ຂຶ້ນ​ຢ່າງ​ຫຼວງຫຼາຍ.