|
ທ່ານຮີວເວົ້າວ່າ ອາເມລິກາຈະບໍ່ໃຊ້ຫຼັກໝັ້ນທີ່ຄ່ອງແຄ້ວໃນບັນຫາຮຽກຮ້ອງໃຫ້ສ.ປ.ປ.ເກົາຫຼີເປີດເຜີຍການເຄື່ອນໄຫວນີວເຄຼຍຢ່າງຄົບຖ້ວນ
cri
Author: cai
ຕາມຂ່າວCRI:ວັນທີ 13 ມີນານີ້,ຫົວໜ້າຄະນະຜູ້ແທນຂອງອາເມລິກາແລະສ.ປ.ປ.ເກົາຫຼີທີ່ເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານີວເຄຼຍແຫຼມເກົາຫຼີໄດ້ເຈລະຈາກັນຢູ່ເຊີແນວ,ຫາລືວິທີແກ້ໄຂສະພາບແຂງກະດ້າງໃນບັນຫານີວເຄຼຍແຫຼມເກົາຫຼີ.ກ່ອນການເຈລະຈາ,ທ່ານຄຼິສໂຕເຟີ ຮີວ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາ ຫົວໜ້າຄະນະຜູ້ແທນອາເມລິກາທີ່ເຂົ້າຮ່ວມການເຈລະຈາ 6 ຝ່າຍກ່າວຢ້ຳວ່າ,ອາເມລິກາຈະບໍ່ໃຊ້ຫຼັກໝັ້ນທີ່ຄ່ອງແຄ້ວໃນບັນຫາຮຽກຮ້ອງໃຫ້ສ.ປ.ປ.ເກົາຫຼີເປີດເຜີຍການເຄື່ອນໄຫວນີວເຄຼຍຢ່າງຄົບຖ້ວນ.
ມື້ດຽວກັນ,ທ່ານຮີວໃຫ້ສຳພາດຕໍ່ນັກຂ່າວວ່າ,ປະຈຸບັນ,ໄດ້ກາຍວັນກຳນົດສຸດທ້າຍທີ່ໃຫ້ສ.ປ.ປ.ເກົາຫຼີເປີດເຜີຍການລາຍງານແຜນການນີວເຄຼຍຢ່າງຄົບຖ້ວນນັ້ນ 10 ອາທິດແລ້ວ,ຝ່າຍຕ່າງໆທີ່ກ່ຽວຂ້ອງຕ້ອງໃຊ້ການເຄື່ອນໄຫວ,ຊຸກຍູ້ຂະບວນການແກ້ໄຂບັນຫານີວເຄຼຍແຫຼມເກົາຫຼີ,ສ່ວນປະຈຸບັນພໍດີແມ່ນໂອກາດທີ່ເໝາະສົມ.
ສ.ປ.ປ.ເກົາຫຼີກັບອາເມລິກາມີຄວາມຂັດແຍ່ງກັນໃນບັນຫາສ.ປ.ປ.ເກົາຫຼີລາຍງານແຜນການນີວເຄຼຍ,ອາເມລິກາເຫັນວ່າ,ສ.ປ.ປ.ເກົາຫຼີບໍ່ໄດ້ລາຍງານແຜນການນີວເຄຼຍຂອງຕົນຢ່າງຄົບຖ້ວນແລະຖືກຕ້ອງ,ສ່ວນສ.ປ.ປ.ກົາຫຼີກໍ່ຕິຕຽນວ່າອາເມລິກາຫຼີກລຽງພັນທະຂອງຕົນ,ລະເມີດຫຼັກການ"ຕ່າງຝ່າຍຕ່າງປະຕິບັດໜ້າທີ່ຂອງໃຜລາວ".
|
|
