|
|
 |
| (GMT+08:00)
2008-03-14 15:44:13
|
 |
|
ຈີນໄດ້ບັນລຸບາດກ້າວສຳຄັນໃນດ້ານໃຫ້ມີຄວາມຍຸດຕິທຳທາງດ້ານການສຶກສາ
cri
ຕາມຂ່າວ cri:ວັນທີ 14 ມີນານີ້ ຢູ່ປັກກິ່ງ ທ່ານໂຈ່ວຈີ້ ລັດຖະມົນຕີວ່າການກະຊວງສຶກສາທິການຈີນກ່າວວ່າ,ໃນຫລາຍປີມານີ້, ຈີນໄດ້ອອກແຮງຊຸກຍູ້ໃຫ້ມີຄວາມຍຸດຕິທຳທາງດ້ານການສຶກສາ,ແລະໄດ້ບັນລຸບາດກ້າວສຳຄັນໃນດ້ານນີ້.
ໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດ,ທ່ານໂຈ່ວຈີ້ກ່າວວ່າ, ຈີນໄດ້ຖືການຊຸກຍູ້ໃຫ້ມີຄວາມຍຸດຕິທຳທາງດ້ານການສຶກສາເປັນນະໂຍບາຍການສຶກສາພື້ນຖານຂອງລັດ,ຍຶດຫມັ້ນພັດທະນການສຶກສາກ່ອນຫມູ່, ຍຶດຫມັ້ນໃຊ້ນະໂຍບາຍໃຫ້ຂໍ້ພິເສດແກ່ປະຊາຊົນເພື່ອຮັບປະກັນຄວາມຍຸດຕິທຳທາງການສຶກສາ. ເຊັ່ນ:ຈີນໄດ້ປະຕິບັດນະໂຍບາຍຫລຸດແລະຍົກເວັ້ນຄ່າຮຽນໃນໄລຍະການສຶກສາພາກບັງຄັບ,ສ້າງແລະບູລະນະນະໂຍບາຍຊ່ວຍເຫລືອນັກຮຽນທີ່ຄອບຄົວທຸກຍາກ,ເດັດດ່ຽວປັບປຸງການເກັບຄ່າການສຶກສາບໍ່ຖືກຕ້ອງ,ສ້າງແລະບູລະນະລະບຽບການບໍລິການດ້ານປະກອບອາຊີບໃຫ້ນັກຮຽນທີ່ຮຽນຈົບຈາກໂຮງຮຽນຊັ້ນສູງ.
ທ່ານໂຈ່ວຈີ້ກ່າວວ່າ, ຈີນແມ່ນປະເທດໃຫຍ່ທີ່ພວມພັດທະນາທີ່ມີປະຊາກອນ 1 ຕື້ 300 ລ້ານຄົນ,ການບັນລຸຄວາມຍຸດຕິທຳທາງດ້ານການສຶກສາແມ່ນຂະບວນການທີ່ຕ້ອງສູ້ຊົນເປັນເວລາຍາວນານ.ທ່ານກ່າວວ່າ,ຈີນຈະຊຸກຍູ້ຄວາມຍຸດຕິທຳດ້ານການສຶກສາຕື່ມອີກ,ພະຍາຍາມສ້າງການສຶກສາທີ່ປະຊາຊົນພໍໃຈ.
|
|
|
