|
ມຽນມາກັບໄທເຊັນສັນຍາສົ່ງເສີມແລະປົກປ້ອງການລົງທຶນ
cri
ຕາມຂ່າວສານຊິ່ນຮວາ: ວິທະຍຸແຫ່ງຊາດມຽນມາແຈ້ງຂ່າວວ່າ, ວັນທີ 14 ມີນານີ້, ຢູ່ເນປີຕໍ ນະຄອນຫຼວງໃໝ່ຂອງມຽນມາ, ມຽນມາກັບໄທໄດ້ເຊັນສັນຍາສົ່ງເສີມແລະປົກປ້ອງການລົງທຶນລະຫວ່າງສອງປະເທດ, ທ່ານສະໝັກ ສຸນທໍລະເວດ, ນາຍົກລັດຖະມົນຕີໄທທີ່ພວມຢ້ຽມຢາມມຽນມາເປັນເລຂາມື້ໜຶ່ງກັບທ່ານເຕັ່ງເສັ່ງ ນາຍົກລັດຖະມົນຕີ ມຽນມາໄດ້ເຂົ້າຮ່ວມພິທີລົງລາຍເຊັນ.
ໃນຫຼາຍປີມານີ້, ການພົວພັນຮ່ວມມືເສດຖະກິດການຄ້າລະຫວ່າງມຽນມາກັບໄທໄດ້ຮັກສາທ່າອ່ຽງພັດທະນາອັນດີງາມມາໂດຍຕະຫຼອດ, ໄທໄດ້ກາຍເປັນປະເທດລົງທຶນແລະຄູ່ການຄ້າໃຫຍ່ກວ່າໝູ່ຂອງມຽນມາ. ອີງຕາມຕົວເລກຂອງຝ່າຍທາງການມຽນມາ, ໃນສົກປີ 2006 ຫາປີ 2007, ບໍລິມາດການຄ້າລະຫວ່າງສອງຝ່າຍໄດ້ບັນລຸ 2 ຕື້ 659 ລ້ານໂດລາ, ໃນ 6 ເດືອນຕົ້ນສົກປີ 2007 ຫາປີ 2008 ທີ່ນັບມາຮອດທ້າຍເດືອນກັນຍາປີ 2007, ໄດ້ບັນລຸ 1 ຕື້ 943 ລ້ານໂດລາ, ໃນນັ້ນ, ມຽນມາສົ່ງອອກໄປໄທ 694 ລ້ານໂດລາ.
|
|
