|
ໂຮມແຮມແຫ່ງໜຶ່ງຢູ່ພາກໃຕ້ໄທເກີດການລະເບີດເຮັດໃຫ້ 16 ຄົນຕາຍແລະບາດເຈັບ
cri
ຕາມຂ່າວສານຊິ່ນຮວາ: ຕອນຄ່ຳວັນທີ 15 ມີນານີ້, ໂຮງແຮມແຫ່ງໜຶ່ງຂອງນະຄອນປັດຕານີ ເທດສະບານຈັງຫວັດປັດຕານີ ພາກໃຕ້ໄທເກີດເຫດການລະເບີດ, ເຮັດໃຫ້ຢ່າງໜ້ອຍ 2 ຄົນເສຍຊີວິດ, 14 ຄົນບາດເຈັບ.
ເວລາ 20 ໂມງຕອນຄ່ຳວັນທີ 15 ມີນາເວລາທ້ອງຖິ່ນ, ໂຮງແຮມສາມດາວ CS ທີ່ຢູ່ແຄມທະເລຂອງນະຄອນປັດຕານີຂອງໄທເກີດການລະເບີດຢ່າງກະທັນຫັນ. ທຳອິດແມ່ນລະເບີດໜ່ວຍໜຶ່ງທີ່ຖືກວາງໄວ້ຢູ່ຫ້ອງນ້ຳຂອງໂຮງແຮມລະເບີດຂຶ້ນ, ເຮັດໃຫ້ຫ້ອງນ້ຳຖືກທຳລາຍໝົດ, ອີກບໍ່ທໍ່ໃດນາທີ, ລະເບີດໜັກທີ່ຄວບຄຸມໂດຍວິທະຍຸລະເບີດຢູ່ໜ້າປະຕູໂຮງແຮມ,ແກ້ວຂອງປ່ອງຢ້ຽມຊັ້ນນອກຂອງຫ້ອງນອນຈາກຊັ້ນ 1 ຫາຊັ້ນ 8 ແຕກໝົດ.
ຫຼັງຈາກນັ້ນ, ຜູ້ກອບກູ້ໄດ້ປະກົດເຫັນຜູ້ເສຍຊີວິດ 2 ຄົນແລະຜູ້ບາດເຈັບ 14 ຄົນຢູ່ບ່ອນເກີດເຫດ, ໃນນັ້ນ, ຫຼາຍຄົນບາດເຈັບຢ່າງຮ້າຍແຮງ.
ຝ່າຍຕຳຫຼວດວິນິໄສໃນເບື້ອງຕົ້ນວ່າແມ່ນພວກປະກອບອາວຸດພາກໃຕ້ຂອງໄທໄດ້ກໍ່ເຫດການຫຼອນໂຈມຕີກໍ່ການຮ້າຍຢ່າງຮ້າຍແຮງດັ່ງກ່າວ.
|
|
