|
|
 |
| (GMT+08:00)
2008-03-17 15:55:14
|
 |
|
ຊາວຈີນຕ່າງດ້າວຢູ່ຕ່າງປະເທດຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ"
cri
ຕາມຂ່າວ CRI: ຫວ່າງມໍ່ໆນີ້, ສະມາຄົມຊາວຈີນຕ່າງດ້າວຢູ່ຕ່າງປະເທດຈຳນວນໜຶ່ງໄດ້ຄັດຄ້ານເຈົ້າໜ້າທີ່ໄຕ້ຫວັນທີ່ຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ" ດ້ວຍຮູບການຕ່າງໆ.
ວັນທີ 16 ມີນານີ້, ສະມາຄົມຊຸກຍູ້ສັນຕິພາບແລະເອກະພາບຈີນຣັດເຊຍໄດ້ອອກຖະແຫຼງການຢູ່ມົສກູ, ເດັດດ່ຽວຄັດຄ້ານເຈົ້າໜ້າທີ່ໄຕ້ຫວັນຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ". ຖະແຫຼງການກ່າວວ່າ, ອັນທີ່ວ່າ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ" ແມ່ນບາດກ້າວອັນຕະລາຍທີ່ຢາກປ່ຽນແປງສະພາບການທີ່ແຜ່ນດິນໃຫຍ່ກັບໄຕ້ຫວັນຂຶ້ນກັບປະເທດຈີນດຽວໃນປະຈຸບັນ, ແລະກ້າວໄປສູ່ອັນທີ່ວ່າ "ໄຕ້ຫວັນມີຄວາມເປັນເອກະລາດທາງກົດໝາຍ".
ຫວ່າງມໍ່ໆນີ້, ສະມາຄົມການຄ້າຈີນແລະສະມາຄົມໃຫຍ່ຂອງຊາວຈີນຕ່າງດ້າວຢູ່ປອກຕຸຍການຕ່າງໄດ້ຈັດງານສົນທະນາ, ຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ".
ວັນທີ 15 ມີນານີ້, ຜູ້ແທນຊາວຈີນຕ່າງດ້າວຢູ່ເອຢິບໄດ້ຈັດງານສົນທະນາ, ກ່າວປະນາມແລະຄັດຄ້ານຢ່າງຮຸນແຮງຕໍ່ເຈົ້າໜ້າທີ່ໄຕ້ຫວັນທີ່ຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ".
ຕອນຄ່ຳວັນທີ 14 ມີນານີ້, ສະມາຄົມຊາວຈີນຕ່າງດ້າວຕ່າງໆຂອງມາເລເຊຍໄດ້ຈັດກອງປະຊຸມຢູ່ກົວລະລຳເປີ, ເປັນເອກະສັນກັນຮຽກຮ້ອງໃຫ້ເຈົ້າໜ້າທີ່ໄຕ້ຫວັນຍົກເລີກ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ".
ນອກນີ້, ວັນທີ 15 ມີນານີ້, ງານສຳມະນາສາກົນ "ພັກການເມືອງກັບສັງຄົມໃໝ່" ເທື່ອທີ 12 ທີ່ຈັດໂດຍພັກແຮງງານແມັກຊິກໄດ້ຜ່ານມະຕິສະບັບໜຶ່ງຄັດຄ້ານໄຕ້ຫວັນຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ". ມະຕິຊີ້ອອກວ່າ, ສະຫະປະຊາຊາດແມ່ນອົງການສາກົນທີ່ປະກອບດ້ວຍປະເທດທີ່ມີອະທິປະໄຕ, ສ່ວນໄຕ້ຫວັນເປັນພາກສ່ວນໜຶ່ງທີ່ແຍກອອກຈາກດິນແດນຈີນບໍ່ໄດ້, ສະນັ້ນ, ຈຶ່ງບໍ່ມີຄຸນວຸດທິເຂົ້າຮ່ວມເປັນສະມາຊິກ.
|
|
|
