|
|
 |
| (GMT+08:00)
2008-03-18 16:03:35
|
 |
|
ປະເທດຈຳນວນໜຶ່ງຄັດຄ້ານການສວຍໃຊ້ບັນຫາຕິເບດເຮັດໃຫ້ງານກິລາໂອລິມປິກປັກກິ່ງຫັນເປັນບັນຫາການເມືອງ
cri
Author: cai
ຕາມຂ່າວCRI:ວັນທີ 17 ມີນານີ້,ລັດຖະບານແລະສື່ມວນຊົນຂອງປະເທດຈຳນວນໜຶ່ງໄດ້ສະແດງທັດສະນະກ່ຽວກັບຄົນກຸ່ມໜຶ່ງກໍ່ເຫດການຈາລະຈົນຢູ່ນະຄອນລາຊາເຂດຕິເບດໃນວັນທີ 14 ມີນານີ້ວ່າ,ເຂົາເຈົ້າຄັດຄ້ານການສວຍໃຊ້ບັນຫາຕິເບດເຮັດໃຫ້ງານກິລາໂອລິມປິກປັກກິ່ງຫັນເປັນບັນຫາການເມືອງ.
ກະຊວງການຕ່າງປະເທດຣັດເຊຍໄດ້ອອກຖະແຫຼງການໃນແວບໄຊ້ຂອງຕົນວ່າ,ຕິເບດແມ່ນພາກສ່ວນໜຶ່ງຂອງຈີນທີ່ຕັດແຍກອອກບໍ່ໄດ້,ຣັດເຊຍຫວັງໃຫ້ຝ່າຍຈີນໃຊ້ມາດຕະການທີ່ຈຳເປັນທັງໝົດມາສະກັດກັ້ນການກະທຳທີ່ຜິດກົດໝາຍ.ເຈດຕະນາທີ່ຢາກໃຫ້ເລື່ອງກ່ຽວກັບຈີນຈັດງານກິລາໂອລິມປິກລະດູຮ້ອນປີ 2008 ເປັນບັນຫາການເມືອງນັ້ນ,ແມ່ນຮັບເອົາບໍ່ໄດ້.
ລັດຖະມົນຕີກະຊວງກິລາແລະປະທານຄະນະກຳມະການໂອລິມປິກແຫ່ງຊາດຂອງ 27 ສະມາຊິກສະຫະພາບເອີລົບກ່າວວ່າ,ຄັດຄ້ານຢ່າງຮຸນແຮງຕໍ່ການເຄື່ອນໄຫວທີ່ກີດຂວາງງານກິລາໂອລິມປິກປັກກິ່ງຍ້ອນເຫດການທີ່ເກີດຂຶ້ນຢູ່ເຂດຕິເບດໃນຫວ່າງມໍ່ໆນີ້.
ໂຄສົກກະຊວງການຕ່າງປະເທດປາກີສະຖານກ່າວວ່າ,ປະຈຸບັນ,ໃນທົ່ວໂລກ,ບໍ່ມີປະເທດໃດຮັບຮອງວ່າ,ຕິເບດແມ່ນປະເທດເອກະລາດ,ນີ້ແມ່ນຄວາມຮັບຮູ້ທີ່ເອກະພາບກັນຂອງປະຊາຄົມໂລກ.ວຽກງານຕິເບດແມ່ນວຽກງານພາຍໃນຂອງຈີນ.ປາກີສະຖານຄັດຄ້ານເຈດຕະນາໃດກໍ່ຕາມທີ່ຢາກເຮັດໃຫ້ງານກິລາໂອລິມປິກຫັນເປັນບັນຫາການເມືອງ.
ທ່ານນິງເຊີມຽງ ກຳມະການປະຕິບັດງານຂອງຄະນະກຳມະການໂອລິມປິກສາກົນ ຮອງປະທານສະພາໂອລິມປິກສິງກະໂປກ່າວວ່າ,ງານກິລາໂອລິມປິກສາມາດເສີມຂະຫຍາຍບົດບາດຊຸກຍູ້ທາງບວກຕໍ່ການພັດທະນາສັງຄົມ,ບໍ່ຄວນກີດຂວາງງານກິລາໂອລິມປິກ.
ສື່ມວນຊົນມາເລເຊຍຊີ້ອອກວ່າ,ກຸ່ມທີ່ຢາກໃຫ້ຕິເບດເປັນເອກະລາດກໍ່ເຫດການຈາລະຈົນຢູ່ນະຄອນລາຊາເທື່ອນີ້,ມີຈຸດປະສົງທີ່ຢາກໃຫ້ງານກິລາໂອລິມປິກປັກກິ່ງຫັນເປັນບັນຫາການເມືອງ.ຕໍ່ບັນຫາຕິເບດແລະກຸ່ມດາໄລລາມະ,ຫຼັກໝັ້ນຂອງລັດຖະບານຈີນແມ່ນໝັ້ນໜຽວແລະແຈ່ມແຈ້ງຕະຫຼອດມາ,ດາໄລລາມະບໍ່ແມ່ນບຸກຄົນວົງການສາສະໜາເທົ່ານັ້ນ,ແຕ່ແມ່ນຄົນພັດຖິ່ນຢູ່ຕ່າງປະເທດຍ້ອນບັນຫາການເມືອງທີ່ດຳເນີນການເຄື່ອນໄຫວແບ່ງແຍກປະເທດຈີນ.
|
|
|
