|
|
 |
| (GMT+08:00)
2008-03-18 17:38:04
|
|
ສປປເກົາຫລີຈະສືບຕໍ່ເຈລະຈາກັບອາເມລິກາ
cri
ຕາມຂ່າວສານຊີນຮວາ: ວັນທີ 18 ມີນານີ້ ຂ່າວສານສູນກາງຂອງສາທາລະນະລັດປະຊາຊົນປະຊາທິປະໄຕເກົາຫລີແຈ້ງຂ່າວວ່າ,ໃນຕໍ່ຫນ້າ, ສປປເກົາຫລີກັບອາເມລິກາຈະສືບຕໍ່ເຈລະຈາໂດຍກົງສອງຝ່າຍ,ເພື່ອຫາລືບັນຫາທີ່ເກີດຂຶ້ນໃນການປະຕິບັດຕາມສັນຍາເຈລະຈາຫົກຝ່າຍ,ແລະຊອກຫາວິທີແກ້ໄຂ.
ຂ່າວແຈ້ງວ່າ, ສປປເກົາຫລີກັບອາເມລິກາໄດ້ເຈລະຈາກັນຢູ່ເຊີແນວໃນວັນທີ 13 ຫາວັນທີ 14 ມີນານີ້.ໃນການເຈລະຈາ,ສອງຝ່າຍໄດ້ຫາລືຄວາມເຫັນທີ່ຂັດແຍ່ງກັນທີ່ເກີດຂຶ້ນໃນການປະຕິບັດສັນຍາການເຈລະຈາຫົກຝ່າຍ.ທ່ານກິມເກກວນ ລັດຖະມົນຕີຊ່ວຍວ່າການກະຊວງການຕ່າງປະເທດສປປເກົາຫລີ ຫົວຫນ້າຄະນະຜູ່ແທນສປປເກົາຫລີທີ່ເຂົ້າຮ່ວມການເຈລະຈາຫົກຝ່າຍໄດ້ສະແດງຄວາມເພິ່ງພໍໃຈຕໍ່ການເຈລະຈາເທື່ອນີ້,ທ່ານຄຼິສໂທເຟີ ຮີວ ຜູ່ຊ່ວຍລັດຖະມົນຕີກະຊວງການຕ່າງປະເທດອາເມລິກາ ຫົວຫນ້າຄະນະຜູ່ແທນອາເມລິກາເຫັນວ່າການເຈລະຈາມີລັກສະນະສ້າງສັນແລະມີຜົນດີ.
|
|
|
