ໜັງສືພິມເຢິນມິນຢື້ປ້າວພິມບົດຄວາມ, ຊົມເຊີຍຜົນສຳເລັດຂອງກອງປະຊຸມເທື່ອທີໜຶ່ງຂອງສະພາປະຊາຊົນແຫ່ງຊາດຈີນຊຸດທີ 11
cri
ຕາມຂ່າວສານຊິ່ນຮວາ: ໜັງສືມພິມເຢິນມິນຢື້ປ້າວ ໜັງສືພິມສຽງຂອງສູນກາງພັກກອມມູນິດຈີນສະບັບວັນທີ 19 ມີນານີ້ພິມບົດຄວາມ, ຊົມເຊີຍຜົນສຳເລັດຂອງກອງປະຊຸມເທື່ອທີໜຶ່ງຂອງສະພາປະຊາຊົນແຫ່ງຊາດຈີນຊຸດທີ 11.
ບົດຄວາມຂຽນວ່າ, ວາລະປະຊຸມຂອງກອງປະຊຸມເທື່ອນີ້ສຳຄັນຫຼາຍ, ກ່ຽວພັນເຖິງສະພາບການໃຫຍ່ຂອງວຽກງານຂອງພັກແລະລັດ. ຜູ້ແທນປະຊາຊົນເກືອບ 3000 ຄົນທີ່ມາຈາກເຂດ, ຊົນເຜົ່າແລະພາກສ່ວນຕ່າງໆໃນທົ່ວປະເທດ, ປະຕິບັດໜ້າທີ່ຮັບຜິດຊອບແລະສິດຢ່າງຈິງຈັງ, ຕັ້ງໜ້າສະເໜີຂໍ້ສະເໜີ, ເຮັດໃຫ້ມະຕິແລະຂໍ້ຕົກລົງຕ່າງໆທີ່ຜ່ານໃນກອງປະຊຸມໄດ້ສະແດງໃຫ້ເຫັນເຖິງຄວາມເປັນເອກະພາບກັນດ້ານຈຸດໝາຍຂອງລັດກັບຄວາມຫວັງຂອງປະຊາຊົນ, ໄດ້ສຳເລັດໜ້າທີ່ເປັນປາກສຽງຂອງປະຊາຊົນເຜົ່າຕ່າງໆໃນທົ່ວປະເທດ.
ບົດຄວາມເຫັນວ່າ, ນີ້ແມ່ນກອງປະຊຸມເທື່ອໜຶ່ງທີ່ໄດ້ເຕົ້າໂຮມຄວາມຫວັງຂອງປະຊາຊົນ,ແລະໄດ້ສະແດງໃຫ້ເຫັນເຖິງຄວາມເຫັນທີ່ເປັນເອກະສັນກັນແຫ່ງການພັດທະນາຢ່າງວິທະຍາສາດ. ໝາກຜົນສຳຄັນທີ່ໄດ້ຮັບໃນກອງປະຊຸມ, ຍ່ອມຈະມີບົດບາດອັນສຳຄັນແລະຜົນສະທ້ອນອັນເລິກເຊິ່ງຕໍ່ການສືບຕໍ່ສ້າງສາສັງຄົມອີ່ມໜຳສຳລານຮອບດ້ານແລະເລັ່ງລັດການຊຸກຍູ້ການຫັນເປັນທັນສະໄໝຂອງສັງຄົມນິຍົມ.
1 2 3
|
|