|
|
 |
| (GMT+08:00)
2008-03-19 13:36:47
|
 |
|
ທູດພິເສດສະຫະປະຊາຊາດກ່າວວ່າ ຄວນຮັກສາການສົນທະນາແລະຕິດຕໍ່ພົວພັນກັບມຽນມາ
cri
ຕາມຂ່າວສານຊິ່ນຮວາ: ວັນທີ 18 ມີນານີ້, ທ່ານອິບຣາຮິມ ກາມບາຣີ ທູດພິເສດບັນຫາມຽນມາຂອງເລຂາທິການໃຫຍ່ອົງການສະຫະປະຊາຊາດກ່າວວ່າ, ສະຫະປະຊາຊາດຄວນສືບຕໍ່ດຳເນີນການສົນທະນາແລະຮັກສາການຕິດຕໍ່ພົວພັນກັບລັດຖະບານແລະປະຊາຊົນມຽນມາພາຍໃຕ້ການສະໜັບສະໜູນຂອງປະຊາຄົມໂລກ.
ມື້ດຽວກັນ, ທ່ານກາມບາຣີໄດ້ລາຍງານສະພາບການທີ່ໄປຢ້ຽມຢາມມຽນມາໃນຫວ່າງມໍ່ໆນີ້ໃນຖານະເປັນທູດພິເສດສະຫະປະຊາຊາດຕໍ່ສະພາຄວາມໝັ້ນຄົງສະຫະປະຊາຊາດ. ທ່ານກ່າວວ່າ, ລັດຖະບານມຽນມາສຸດທີ່ເອົາໃຈໃສ່ນຳການຢ້ຽກຢາມຂອງທ່ານ, ແລະໄດ້ສະແດງທ່າທີທີ່ຍິນດີສືບຕໍ່ຮ່ວມມືກັບສະຫະປະຊາຊາດຫຼາຍເທື່ອ. ທ່ານກາມບາຣີກ່າວວ່າ, ເຖິງວ່າ, ການຢ້ຽມຢາມບໍ່ໄດ້ຮັບໝາກຜົນອັນຈະແຈ້ງ, ແຕ່ໄດ້ຮັບຄວາມຄືບໜ້າຈຳນວນໜຶ່ງ.
ວັນທີ 6 ຫາວັນທີ 10 ມີນານີ້, ທ່ານກາມບາຣີໄດ້ໄປຢ້ຽມຢາມມຽນມາ, ນີ້ແມ່ນການຢ້ຽມຢາມມຽນມາເທື່ອທີ 3 ຂອງທ່ານຫຼັງຈາກມຽນມາເກີດການປັ່ນປ່ວນໃນເດືອນກັນຍາປີກາຍນີ້ເປັນຕົ້ນມາ.
|
|
|
