|
ມຽນມາຄັດຄ້ານເຈົ້າຫນ້າທີ່ໄຕ້ຫວັນຊຸກຍູ້ການຢັ່ງປະຊາມະຕິກ່ຽວກັບການເຂົ້າຮ່ວມສະຫະປະຊາຊາດ
cri
ຕາມຂ່າວສານຊິນຮວາ: ວັນທີ 18 ມີນານີ້ ກະຊວງການຕ່າງປະເທດມຽນມາໄດ້ຖະແຫລງວ່າ, ມຽນມາເດັດດ່ຽວຄັດຄ້ານການກະທຳໃດໆຂອງເຈົ້າຫນ້າທີ່ໄຕ້ຫວັນກ່ຽວກັບການໃຫ້ໄຕ້ຫວັນເປັນເອກະລາດເຊິ່ງລວມທັງອັນທີ່ວ່າການຢັ່ງປະຊາມະຕິກ່ຽວກັບການເຂົ້າຮ່ວມສະຫະປະຊາຊາດ.
ຂ່າວຕອນຄ່ຳຂອງໂທລະພາບແຫ່ງຊາດມຽນມາແຈ້ງວ່າ, ຖະແຫລງ ການສະບັບນີ້ກ່າວວ່າ, ໃນນາມເປັນປະເທດທີ່ມີໄມຕີຈິດມິດຕະພາບອັນສະຫນິດແຫນ້ນກັບຈີນ, ມຽນມາຍຶດຫມັ້ນນະໂຍບາຍຈີນດຽວຕະຫລອດມາ,ຖືຕະຫລອດມາວ່າໄຕ້ຫວັນແມ່ນພາກສ່ວນຫນຶ່ງທີ່ຕັດແຍກອອກບໍ່ໄດ້ຂອງຈີນ.
ຖະແຫລງການກ່າວວ່າ, ໄຕ້ຫວັນສືບຕໍ່ຊຸກຍູ້ການຢັ່ງປະຊາມະຕິໃຫ້ໄຕ້ຫວັນເຂົ້າຮ່ວມສະຫະປະຊາຊາດນັ້ນ, ຈະເຮັດໃຫ້ສະຖານະການຊ່ອງແຄບໄຕ້ຫວັນເຄັ່ງຕຶງກວ່າເກົ່າ, ກະທົບເຖີງສັນຕິພາບແລະສະຖຽນລະພາບຂອງພາກພື້ນນີ້,ມຽນມາຮູ້ສຶກວິຕົກກັງວົນແລະສົນໃຈນຳເລື່ອງນີ້ຫລາຍ.
|
|
