|
|
 |
| (GMT+08:00)
2008-03-20 14:19:41
|
 |
|
ຜູ້ແທນຈີນຮຽກຮ້ອງໃຫ້ສາກົນໂຈມຕີລັດທິກໍ່ການຮ້າຍບັງເກີດຜົນກວ່າເກົ່າ
cri
ຕາມຂ່າວ CRI: ວັນທີ 19 ມີນານີ້, ໃນເວລາສະພາຄວາມໝັ້ນຄົງສະຫະປະຊາຊາດຫາລືຫົວຂໍ້ຕ້ານການກໍ່ການຮ້າຍ, ທ່ານລິວເຈີ້ນມິນ ຮອງຜູ້ຕາງໜ້າຖາວອນຂອງຈີນປະຈຳສະຫະປະຊາຊາດປະກອບຄຳຄິດຄຳເຫັນວ່າ, ຫວັງໃຫ້ອົງການຕ້ານການກໍ່ການຮ້າຍສະຫະປະຊາຊາດກັບປະຊາຄົມໂລກເພີ່ມທະວີການຮ່ວມມືກັນຕື່ມອີກ, ເພື່ອຈັດຕັ້ງປະຕິບັດຢ່າງບັງເກີດຜົນຕໍ່ໜ້າທີ່ຕ່າງໆທີ່ກຳນົດໄວ້ໃນຍຸດທະສາດຕ້ານການກໍ່ການຮ້າຍທົ່ວໂລກຂອງສະມັດຊາໃຫຍ່ສະຫະປະຊາຊາດ.
ທ່ານລິວເຈີ້ນມິນກ່າວວ່າ, ຍຸດທະສາດຕ້ານການກໍ່ການຮ້າຍໃນທົ່ວໂລກທີ່ສະມັດຊາໃຫຍ່ສະຫະປະຊາຊາດຜ່ານໃນປີ 2006 ໄດ້ສະແດງໃຫ້ເຫັນຄວາມສົນໃສ່ຮ່ວມກັນຕໍ່ບັນຫາຕ້ານການກໍ່ການຮ້າຍຂອງປະເທດຕ່າງໆ, ສະຫະປະຊາຊາດມີບົດບາດໃຈກາງທີ່ອົງການອື່ນເຂົ້າແທນບໍ່ໄດ້ໃນການຮ່ວມມືຕ້ານການກໍ່ການຮ້າຍຂອງປະຊາຄົມໂລກ. ທ່ານກ່າວວ່າ, ປະຈຸບັນ, ລັດທິກໍ່ການຮ້າຍເກີດຂຶ້ນຢູ່ແຫ່ງຕ່າງໆໃນໂລກເລື້ອຍໆໄດ້ສະແດງໃຫ້ເຫັນຢ່າງເຕັມທີ່ເຖີງການຂົ່ມຂູ່ອັນ ຮ້າຍແຮງຂອງລັດທິກໍ່ການຮ້າຍທີ່ມີຕໍ່ສັນຕິພາບແລະຄວາມປອດໄພສາກົນ, ກໍ່ໄດ້ສະແດງໃຫ້ເຫັນຄວາມຈຳເປັນທີ່ສະຫະປະຊາຊາດແລະສະພາຄວາມໝັ້ນຄົງສືບຕໍ່ເພີ່ມທະວີຄວາມພະຍາຍາມຕ້ານການກໍ່ການຮ້າຍ.
ພ້ອມກັນນັ້ນ, ທ່ານລິວເຈີ້ນມິນກ່າວວ່າ, ຈີນຄັດຄ້ານເອົາລັດທິກໍ່ການຮ້າຍພົວພັນກັບເລື່ອງສາສະໜາແລະຊົນເຜົ່າໃດໜຶ່ງ, ຄັດຄ້ານການໃຊ້ນະໂຍບາຍສອງໜ້າໃນບັນຫາຕ້ານການກໍ່ການຮ້າຍ.
|
|
|
